Connect with us

ព័ត៌មានអន្ដរជាតិ

វីរុសបំប្លែងខ្លួនឥណ្ឌា Delta កំពុងរាលដាលពាសពេញទ្វីបអាហ្វ្រិក ខណៈការចាក់វ៉ាក់សាំងនៅតែទាប

បានផុស

នៅ

លោក John Nkengasong ប្រធានមជ្ឈមណ្ឌលគ្រប់គ្រង និងបង្ការជំងឺ (CDC) អាហ្វ្រិក បាននិយាយថា វីរុសបំប្លែងខ្លួនឥណ្ឌា “Delta” បន្តរីករាលដាលពាសពេញទ្វីបអាហ្រ្វិក ខណៈការចាក់វ៉ាក់សាំងនៅទ្វីបនេះ នៅតែមានកម្រិតទាប ។

នៅក្នុងសន្និសិទសារព័ត៌មានប្រចាំសប្តាហ៍លោក Nkengasong បាននិយាយថា ប្រទេសចំនួន ២១ ក្នុងចំណោម ៥៤ ប្រទេសនៅទ្វីបអាហ្វ្រិក ឥឡូវនេះបានរាយការណ៍អំពីការឆ្លងវីរុសបំប្លែងខ្លួនយ៉ាងខ្លាំង ដែលធ្វើឲ្យទ្វីបដែលមានប្រជាជន ១.៣ ពាន់លាននាក់ កាន់តែងាយរងគ្រោះ ចំពោះការរីករាលដាលនៃវីរុសនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Nkengasong បាននិយាយថា បច្ចុប្បន្នទ្វីបអាហ្វ្រិកកំពុងជួបប្រទះរលកឆ្លងទីបី ។

ទន្ទឹមនោះ ការធ្វើបច្ចុប្បន្នភាពដោយ CDC អាហ្វ្រិក បាននិយាយថា វ៉ាក់សាំងការពារជំងឺកូវីដ ១៩ ចំនួន ៨៩.៤ លានដូសត្រូវបានផ្គត់ផ្គង់ដល់ទ្វីបអាហ្វ្រិក ហើយមនុស្ស ៦៥ លាននាក់ (៧២.៧៥ ភាគរយ) ត្រូវបានចាក់ ខណៈទ្វីបនេះមានប្រជាជនប្រមាណ ១.៣៤ ពាន់លាននាក់ ។

ចំណែកលោកស្រី Matshisido Moeti នាយកនៃអង្គការសុខភាពពិភពលោក (WHO) ប្រចាំទ្វីបអាហ្វ្រិកបាននិយាយថា វ៉ាក់សាំងចំនួន ៦០ លានដូស នឹងត្រូវបញ្ជូនទៅអាហ្វ្រិក ចាប់ពីពេលនេះដល់ខែកញ្ញា ។

គួរបញ្ជាក់ថា គិតត្រឹមពេលនេះ ទ្វីបអាហ្វ្រិកបានកត់ត្រាករណីឆ្លងជំងឺកូវីដ ១៩ ចំនួន ៦.៦៣ លានករណី និងមានអ្នកស្លាប់ ១៦៨,៤៧៨ នាក់ ខណៈមានអ្នកជាសះស្បើយជាង ៥.៨ លាននាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ WHO ថា បណ្តាប្រទេសអាហ្វ្រិក ៩០ ភាគរយនឹងខកខានគោលដៅចាក់វ៉ាក់សាំងការពារកូវីដតាមការគ្រោងទុក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម