ព័ត៌មានអន្ដរជាតិ

អ្នកចាក់ Pfizer ដូសទី ២ ហើយចាក់ដូសទី ៣ វ៉ាក់សាំងរុស្ស៊ីមួយនេះ នឹងបង្កើនប្រសិទ្ធភាពប្រឆាំងវីរុស Delta

បានផុស

២ years មុន

នៅ

ថ្ងៃអង្គារ ១៧ សីហា ២០២១

ដោយ

អ្នកដែលបានទទួលការចាក់វ៉ាក់សាំង Pfizer ចំនួន ២ ដូសនឹងបង្កើនប្រសិទ្ធភាពប្រឆាំងវីរុសបំប្លែងខ្លួនឥណ្ឌា Delta ប្រសិនបើពួកគេចាក់វ៉ាក់សាំងតែមួយដូស Sputnik Light របស់រុស្ស៊ីជាដូសជំរុញ ឬដូសទី ៣ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ១១ ខែសីហា មូលនិធិវិនិយោគផ្ទាល់របស់រុស្ស៊ី (RDIF) ដែលរកទីផ្សារវ៉ាក់សាំងរុស្ស៊ីនៅបរទេស បានស្នើទៅក្រុមហ៊ុនផលិតឱសថអាមេរិក Pfizer ដើម្បីចាប់ផ្តើមសាកល្បងចាក់រួមគ្នាជាមួយវ៉ាក់សាំង Sputnik Light ជាដូសទី ៣ ។

លោក Gintsburg នាយកមជ្ឈមណ្ឌលស្រាវជ្រាវរោគឆ្លង និងមីក្រូជីវសាស្រ្តដែលមានមូលដ្ឋាននៅទីក្រុងមូស្គូបានប្រាប់ Sputnik នៅថ្ងៃទី ១៧ ខែសីហានេះថា “ការស្នើរបស់ RDIF ទៅកាន់ក្រុមហ៊ុនឱសថ Pfizer ចំពោះការចាក់ដូសទី ៣ ជាមួយវ៉ាក់សាំង Sputnik Light គឺសមហេតុផលណាស់ ហើយអ្នកដែល ចាក់វ៉ាក់សាំង Sputnik Light ជាមួយ Pfizer អាចត្រូវបានការពារបានយ៉ាងល្អប្រសើរជាមួយនឹងការបង្កើតអង់ទីគ័រជាច្រើន បន្ទាប់ពីការចាក់ដូសទី ៣ នេះ” ។

យោងតាមរបាយការណ៍មួយ ដែលត្រូវបានបោះពុម្ពផ្សាយនៅលើគេហទំព័រ MedRxiv បានឲ្យដឹងថា កន្លងមកប្រសិទ្ធភាពរបស់វ៉ាក់សាំង Sputnik V ប្រឆាំងនឹងវីរុសបំប្លែងខ្លួនឥណ្ឌា Delta ត្រូវបានក្រសួងសុខាភិបាលរុស្ស៊ីប៉ាន់ប្រមាណថាមានចំនួន ៨៣.១ ភាគរយ ខណៈវ៉ាក់សាំង Pfizer មានចំនួន ៤២ ភាគរយ ។

គួរបញ្ជាក់ថា វ៉ាក់សាំងចាក់តែមួយដូស Sputnik Light ត្រូវបានចុះបញ្ជីក្នុងប្រទេសរុស្ស៊ីនៅដើមខែឧសភា ហើយប្រសិទ្ធភាពរបស់វាក្នុងការពារជំងឺកូវីដ ១៩ គឺ ៧៩.៤ ភាគរយ ខណៈវ៉ាក់សាំង Sputnik Light ក៏ជាប្រភេទវ៉ាក់សាំងរួមជាមួយវ៉ាក់សាំង Sputnik V ផងដែរ ហើយមិនមានផលប៉ះពាល់ធ្ងន់ធ្ងរឡើយ ៕