ស្ត្រីពពោះ និងស្ត្រីបំបៅដោះកូននៅវៀតណាម នឹងក្លាយជាអទិភាពទទួលបានវ៉ាក់សាំងកូវីដ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ស្ត្រីពពោះ និងស្ត្រីបំបៅដោះកូននៅវៀតណាម នឹងក្លាយជាអទិភាពទទួលបានវ៉ាក់សាំងកូវីដ

បានផុស

នៅ

ក្រសួងសុខាភិបាលវៀតណាមបានស្នើឱ្យផ្ដល់អាទិភាពចាក់ថ្នាំបង្ការកូវីដ-១៩ ចំពោះស្ត្រីពពោះ និងស្ត្រីបំបៅដោះកូន ខណៈការឆ្លងរាលដាលមានកើនឡើងនៅក្នុងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Vietnam gives COVID-19 vaccination priority to pregnant, breastfeeding women

កាលពីថ្ងៃចន្ទនេះ ក្រសួងបានស្នើឱ្យអាជ្ញាធរសុខាភិបាល និងមន្ទីរពេទ្យក្នុងស្រុកទាំងអស់នៅទូទាំងប្រទេសផ្តល់អាទិភាពដល់ការចាក់វ៉ាក់សាំងដល់ក្រុមស្ត្រីទាំងពីរប្រភេទខាងលើ ក្នុងគោលបំណងការពារសុខភាពរបស់ពួកគេ ក៏ដូចជាទារកទើបនឹងកើតផងដែរ។

ក្រោយមានករណីស្ត្រីឆ្លងវីរុសកូវីដ-១៩កើនឡើង ហើយពួកគេមួយចំនួនបានស្លាប់ដោយសារជំងឺនេះ ក្រសួងសុខាភិបាលស្នើឱ្យផ្តល់វ៉ាក់សាំងជូនស្ត្រីមានផ្ទៃពោះចាប់ពី ១៣សប្តាហ៍ឡើងទៅ ដោយត្រូវឆ្លងកាត់ការពិនិត្យយ៉ាងហ្មត់ចត់មុនពេលចាក់ ខណៈដែលអ្នកដែលពពោះក្រោម ១៣សប្តាហ៍ត្រូវពន្យារពេលចាក់វ៉ាក់សាំងសិន។

Research now backs routinely offering pregnant women the mRNA COVID-19  vaccine

ក្នុងនោះវ៉ាក់សាំង Sputnik V របស់រុស្ស៊ីមិនអនុញ្ញាតឱ្យប្រើចំពោះស្ត្រីមានផ្ទៃពោះ និងស្ត្រីកំពុងបំបៅដោះកូនឡើយ។

ទិន្នន័យបច្ចុប្បន្នបង្ហាញថា ហានិភ័យនៃជំងឺធ្ងន់ធ្ងរចំពោះស្ត្រីមានផ្ទៃពោះដែលឆ្លងវីរុសកូវីដ-១៩ មានកម្រិតទាបនោះទេ ប៉ុន្តែក៏មានភស្តុតាងខ្លះររកឃើញថា បញ្ហារលាកសួតដោយសារវីរុសបានកើនឡើងចំពោះស្ត្រីមានផ្ទៃពោះដែលឆ្លងកូវីដ ហើយស្ត្រីទាំងនោះកំពុងប្រឈមហានិភ័យនៃការសម្រាលកូនមិនគ្រប់ខែ ឬស្លាប់ទារកក្នុងផ្ទៃ។

គួរបញ្ជាក់ថា គិតត្រឹមថ្ងៃទី ២២ ខែសីហា ឆ្នាំ ២០២១ ប្រជាជនវៀតណាមដែលទទួលការចាក់វ៉ាក់សាំងលើកទី១ នៅទូទាំងប្រទេសមានចំនួន ១៥.២៧ លាននាក់ និងលើកទី ២ ចំនួន ១.៧៩ លាននាក់។ នេះបើយោងតាមរបាយការណ៍របស់ក្រសួងសុខាភិបាល៕

ប្រែសម្រួល៖ សន្យា

ប្រភព៖ tuoitrenews

ចុចអាន៖ ឈប់បារម្ភ! ផលប៉ះពាល់ពីវ៉ាក់សាំង ចំពោះស្ត្រីមានផ្ទៃពោះនិងបំបៅដោះកូន គឺស្រាលដូចមនុស្សទូទៅដែរ

ចុចអាន៖ ផ្អែកលើការវិភាគថ្មី CDC ថា ស្ត្រីមានផ្ទៃពោះគួរចាក់វ៉ាក់សាំងបង្ការកូវីដ-១៩

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services