ព័ត៌មានអន្ដរជាតិ
តាលីបង់ ចេញមុខជួយស៊ើបអង្កេតការវាយប្រហារភេរវកម្ម ៩/១១ កាលពី ២០ ឆ្នាំមុន
បើយោងតាមលោក Suhail Shaheen អ្នកនាំពាក្យការិយាល័យនយោបាយរបស់ចលនាតាលីបង់នៅប្រទេសកាតា បានឲ្យដឹងថា តាលីបង់បានត្រៀមខ្លួនរួចជាស្រេចដើម្បីសហការក្នុងការស៊ើបអង្កេតលើការវាយប្រហារភេរវកម្ម ៩/១១ កាលពី ២០ ឆ្នាំមុន ។
ដកស្រង់សម្ដីដោយទូរទស្សន៍ Geo TV កាលពីថ្ងៃអាទិត្យ លោក Shaheen បាននិយាយថា “ខ្ញុំចាំថា យើងបានថ្កោលទោសឧបទ្ទវហេតុនេះ ។ ពេលនោះលោក Abdul Salam Zareef គឺជាឯកអគ្គរដ្ឋទូតប្រចាំប្រទេសប៉ាគីស្ថាន ហើយខ្ញុំជាជំនួយការ ។ យើងបានធ្វើសន្និសីទកាសែត ហើយយើងថ្កោលទោសឧបទ្ទវហេតុនេះ ។ យើងបាននិយាយថា យើងនឹងសហការគ្នាដើម្បីរកឲ្យឃើញការពិតនៅពីក្រោយហេតុការណ៍” ។
អ្នកនាំពាក្យរូបនេះបាននិយាយថា កាលពី ២០ ឆ្នាំមុនតាលីបង់បានអំពាវនាវដល់ទីក្រុងវ៉ាស៊ីនតោនដើម្បីដោះស្រាយបញ្ហានេះតាមរយៈការសន្ទនាមិនមែនជាការលុកលុយនោះទេ ។ ដូច្នេះតាលីបង់ដែលគ្រប់គ្រងប្រទេសនៅពេលនោះមានការប្រុងប្រយ័ត្នណាស់ ។
នៅពាក់កណ្តាលខែសីហា នៅពេលដែលពួកតាលីបង់បានកាន់កាប់ទីក្រុងកាប៊ុល លោក Shaheen បាននិយាយថា ចលនានេះនឹងមិនអនុញ្ញាតឲ្យក្រុមអាល់កៃដា និងក្រុមភេរវករដទៃទៀតបន្តគោលដៅរបស់ពួកគេនៅអាហ្វហ្គានីស្ថានឡើយ ។
គួររំឭកថា នៅថ្ងៃទី ១១ ខែកញ្ញា ឆ្នាំ ២០០១ សមាជិកក្រុមអាល់កៃដាបានបើកយន្តហោះដែលប្លន់បានចំនួន ២ គ្រឿងបុកអគារពាណិជ្ជកម្មពិភពលោកនៅទីក្រុងញូវយ៉ក ខណៈដែលយន្តហោះមួយគ្រឿងទៀតបានបុកផ្នែកខាងលិចនៃមន្ទីរបញ្ចកោណក្បែរទីក្រុងវ៉ាស៊ីនតោនឌីស៊ី ។ ចំណែកយន្តហោះទី ៤ បានធ្លាក់នៅជិតទីក្រុង Pittsburgh រដ្ឋ Pennsylvania ហើយបណ្ដាលឲ្យមនុស្សជិត ៣ ពាន់នាក់បានស្លាប់នៅក្នុងការវាយប្រហារនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)