Pacquiao ដាក់ពាក្យបណ្តឹងគ្រូគង្វាលម្នាក់ ទាមទារសំណងជាង ២លានដុល្លារអាមេរិក
Connect with us
Helistar Cambodia - Helicopter Charter Services

ព័ត៌មានអន្ដរជាតិ

Pacquiao ដាក់ពាក្យបណ្តឹងគ្រូគង្វាលម្នាក់ ទាមទារសំណងជាង ២លានដុល្លារអាមេរិក

បានផុស

នៅ

ស្តេចប្រដាល់ហ្វីលីពីននិងជាសមាជិកព្រឹទ្ធសភា Manny Pacquiao កាលពីថ្ងៃអង្គារ បានដាក់ពាក្យបណ្តឹងចោទប្រកាន់ពីបទបរិហាកេរ្តិ៍តាមអីនធើណិត ទាមទារសំណងទឹកប្រាក់ ១០០ លានប៉េសូ (២,០០៩,២២៥ ដុល្លារអាមេរិក) ប្រឆាំងនឹងគ្រូគង្វាលម្នាក់ឈ្មោះ Apollo Quiboloy ដែលមានមូលដ្ឋាននៅទីក្រុង Davao។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Pacquiao និងពាក្យបណ្តឹង

នៅក្នុងសេចក្តីថ្លែងការណ៍មួយ Pacquiao បានជំទាស់នៅក្នុងពាក្យបណ្តឹងកម្រាស់ ១៣ ទំព័ររបស់គាត់ថា លោក Quiboloy គួរតែផ្តល់សំណងដល់គាត់ចំនួន១០០លានប៉េសូ ជាការខូចខាតរួមទាំងថ្លៃមេធាវីផងដែរ សម្រាប់ការប្រើប្រាស់អំណាចនិងឥទ្ធិពលរបស់គាត់ ក្នុងការផ្សព្វផ្សាយព័ត៌មានក្លែងក្លាយនិងព័ត៌មានមិនពិត។

ក្នុងពាក្យបណ្តឹងនោះ Pacquiao និយាយថា “លោក Quiboloy បានប្រើប្រាស់ពាក្យមិនពិតដោយចេតនា ដុះខាត់គំនិតរបស់សាធារណជនហ្វីលីពីន ដោយឃោសនាភូតកុហក ដើម្បីធ្វើឲ្យខូចរូបភាពនិងកេរ្តិ៍ឈ្មោះរបស់អ្នកបម្រើសាធារណៈស្មោះត្រង់។ គាត់ថែមទាំងមានភាពក្លាហានក្នុងការដកស្រង់ព្រះគម្ពីរបរិសុទ្ធ បន្តការកុហកបោកបញ្ឆោតអ្នកមានជំនឿលើគាត់ ​និងធ្វើឲ្យសាធារណជនមានការភាន់ច្រឡំ ដោយបំផ្លាញកេរ្តិ៍ឈ្មោះរបស់អ្នកដទៃផងដែរ”។

Apollo Quiboloy

ពាក្យបណ្តឹងនេះកើតចេញពីការផ្សាយតាមកញ្ចក់ទូរទស្សន៍ និងការបង្ហោះលើបណ្តាញសង្គមដោយលោក Quiboloy ដែលអះអាងថា Pacquiao បានប្រើប្រាស់ថវិកាសាធារណៈ សម្រាប់មជ្ឈមណ្ឌលបណ្តុះបណ្តាលកីឡា Sarangani ដែលមិនទាន់បញ្ចប់ការសាងសង់។

លោក Quiboloy បានអះអាងថា គម្រោងនេះបានធ្វើឲ្យរដ្ឋាភិបាលខាតបង់ថវិកាចំនួន ៣.៥ ពាន់លានប៉េសូ។

This image has an empty alt attribute; its file name is image_2021-09-15_09-33-29.png
លោក Manny Pacquiao

គួរបញ្ជាក់ថា ការចោទប្រកាន់របស់គ្រូគង្វាលរូបនេះ បានកើតឡើងបន្ទាប់ពី Pacquiao និយាយថា អំពើពុករលួយកាន់តែអាក្រក់ទៅៗ នៅក្នុងប្រទេសហ្វីលីពីន៕

ប្រែសម្រួល៖ Vann Vann

ប្រភព៖ GMA

ចុចអាន៖ មើលវីដេអូនេះដឹងហើយថា សភាពរបស់ Pacquiao បែបណា ក្រោយចាញ់ Ugas 

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services