Connect with us

កីឡា

កំពូលអ្នកប្រដាល់ ប៉ាគីអាវ នឹង​យក​កីឡាករ​កម្ពុជា​ទៅ​ហាត់នៅហ្វីលីពីនឆាប់ៗ

បានផុស

នៅ

កំពូល​អ្នក​ប្រដាល់​សកល​ហ្វីលីពីន ម៉ានី ប៉ាគីអាវ និង​ភរិយា​បាន​រួម​ចំណែក​ផ្សព្វផ្សាយ​យ៉ាង​សំខាន់​អំពី​​ទេសចរណ៍​​នៅ​ពេល​លោក​មក​ប្រទេស​កម្ពុជា​ដើម្បី​ទទួល​ការងារ​ជា​ទូតសុច្ឆន្ទៈ​ឲ្យ​ក្រុម​ហ៊ុន​ឯកជន​មួយ​កាលពី​ពេល​ថ្មី​ៗ​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​ដំណើរ​ការងារ​មក​ប្រទេស​កម្ពុជា​នេះ​ លោក​​បាន​ជួប​សម្តែង​ការ​គួរសម​ជា​មួយ​សម្តេច​ធិបតីនាយករដ្ឋ​មន្ត្រី ហ៊ុន ម៉ាណែត និង​​ថ្នាក់​ដឹក​នាំ​ផ្នែក​កីឡា​មួយ​ចំនួន។ ជា​មួយ​គ្នា​​​នោះ​លោក​បាន​ទៅដើរ​កម្សាន្ត​នៅ​មុខ​ព្រះ​បរម​រាជ​វាំង ក្នុង​រាជធានីភ្នំពេញ និង​ខេត្ត​សៀមរាប​ដែល​លោក​បាន​ទៅ​ប្រាសាទ​អង្គរវត្ត ប្រាសាទ​តាព្រហ្ម និង​តំបន់​ទេសចរណ៍​ជា​ច្រើន​ទៀត។

លោក ម៉ានី ប៉ាគីអាវ បាន​ជួប​ពិភាក្សា​ជា​មួយ​ឧកញ៉ា ស្រី ចាន់ថន អំឡុង​ពេល​​ធ្វើ​ដំណើរ​មក​ប្រទេស​កម្ពុជា​ដើម្បី​បង្កើន​ចំណង​មិត្តភាព និង​​ជួយ​គ្នា​ទៅ​វិញ​ទៅ​មក​​លើ​ផ្នែក​កីឡា។ ទី​បំផុតឧកញ៉ា​​ដែល​កំពុង​ផ្តោត​យក​ចិត្ត​ទុក​ដាក់​កីឡា​ប្រដាល់​គុន​ខ្មែរ​បាន​ទម្លាយ​ឲ្យ​ដឹង​ថា ម៉ានី ប៉ាគីអាវ ​នឹង​ជ្រើស​រើស​កីឡាករ​កម្ពុជា​ទៅ​ហ្វឹក​ហាត់​នៅ​ប្រទេស​ហ្វីលីពីន។

ឧកញ៉ា ស្រី​ ចាន់ថន បាន​ឲ្យ​ដឹង​ថា ៖«​ដំណឹងល្អចំពោះកីឡាករគុន​ខ្មែរ​ ដែល​បានក្លិប​ប្រដាល់ ម៉ានី​ ប៉ាគីអាវ​ ជ្រើសរើស​ដើម្បី​ចូល​រួម​ហ្វឹក​ហាត់​កីឡា​ប្រដាល់​សកល​នៅក្លិប​ Sanman Gym និង​ក្លិប​ Pacquiao Gym នៅប្រទេស​ហ្វីលីពីន នៅ​ក្នុង​ពេល​ឆាប់​ៗ​ខាង​មុខ​នេះ»។

នៅ​ពេល​ត្រឡប់​ទៅ​ប្រទេស​កំណើត​វិញ លោក ម៉ានី ប៉ាគីអាវ បាន​បង្ហោះ​រូប​ភាព​ជា​ច្រើន​សន្លឹក​អំពី​ដំណើរ​មក​កាន់​ប្រទេស​កម្ពុជា ហើយ​លោក​បានអរគុណ​ដល់​ប្រទេស​កម្ពុជា​ដែល​ទទួល​ស្វាគមន៍​យ៉ាង​កក់​ក្តៅ។ បើ​និយាយ​ពី​ភរិយា​របស់​លោក​គឺ​អ្នក​ស្រី Jinkee បាន​បង្ហោះ​រូប​ភាព​ច្រើន​ណាស់​ស្ទើរ​គ្រប់​ទី​កន្លែង​ដែល​ពួក​គាត់​បាន​ទៅ​ដល់​នៅ​ក្នុង​ប្រទេស​កម្ពុជា។

នៅ​មិន​ទាន់​ដឹង​ថា​តើ កីឡាករ​ប្រដាល់​គុន​ខ្មែរ ឬ​កីឡាករ​ប្រដាល់​សកល​ដែល​ត្រូវ​បាន​ជ្រើស​រើស​ទៅ​ហ្វឹក​ហាត់​នៅ​ប្រទេស​ហ្វីលីពីន ស្រប​ពេល​កីឡា​ប្រដាល់​សកល​នៅ​កម្ពុជា​មិន​សូវ​មាន​សកម្មភាព​ ហើយ​ក៏​មិន​សូវ​មាន​កីឡាករ កីឡាការិនី​ច្រើន​ដែរ។

សូម​បញ្ជាក់​ថា លោក ម៉ានី ប៉ាគីអាវ ​ដែល​បាន​ឈ្នះ​ខ្សែ​ក្រវាត់​ប្រដាល់​សកល​ពិភព​លោក​៨​ប្រភេទ​ទម្ងន់​ផ្សេង​គ្នា​បាន​ចាប់​ផ្តើម​អាជីព​​ប្រដាល់​​នៅ​ឆ្នាំ​១៩៩៥​នៅ​ពេលលោក​​អាយុ​១៦​ឆ្នាំ។ លោក​បាន​ប្រកាស​ចូល​និវត្តន៍​ពី​អាជីព​ប្រដាល់​​នៅ​ឆ្នាំ​២០១៩ បន្ទាប់​ពី​​​ឆ្លង​កាត់​បទ​ពិសោធ​នៅ​លើ​សង្វៀន​៧២​ដង គឺ​ឈ្នះ​៦២​ដង និង​ចាញ់​​៨​ដង៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២០ នាទី មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៣៥ នាទី មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ២ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានអន្ដរជាតិ២ ម៉ោង មុន

​ភាព​តាន​តឹង​លើ​បញ្ហា​ដំឡើង​ពន្ធ​របស់​អឺរ៉ុប​ បង្ក​កង្វល់​​​នៃ​ «សង្រ្គាម​ពាណិជ្ជកម្ម​អឺរ៉ុប​-ចិន​»

ព័ត៌មានជាតិ២ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ៦ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៤ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៨ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៥ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានអន្ដរជាតិ១០ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

Sokha Hotels

ព័ត៌មានពេញនិយម