ព័ត៌មានអន្ដរជាតិ
តាលីបង់ ត្រៀមយកឧបករណ៍យោធាដែលនៅសេសសល់របស់ អាមេរិក បង្កើតកងទ័ពការពារជាតិ អាហ្វហ្គានីស្ថាន
ដោយដកស្រង់សម្ដីពីភ្នាក់ងារព័ត៌មាន TOLO, អគ្គសេនាធិការចម្រុះរបស់តាលីបង់លោក Qari Fasihuddin បានបញ្ជាក់នៅថ្ងៃទី ១៥ ខែកញ្ញានេះថា ក្រុមនេះកំពុងពិចារណាបង្កើតកងកម្លាំងប្រដាប់អាវុធការពារជាតិនៅក្នុងប្រទេសអាហ្វហ្គានីស្ថាននាពេលដ៏ខ្លីខាងមុខនេះ ។
ចំណែកបើយោងតាមប្រព័ន្ធផ្សព្វផ្សាយរបស់អាហ្វហ្គានីស្ថានវិញបានឲ្យដឹងថា លោក Fasihuddin បានលើកឡើងថា ការពិគ្រោះយោបល់លើបញ្ហានេះកំពុងដំណើរការ ក្នុងអំឡុងពេលសន្និសីទសារព័ត៌មានមួយនៅទីក្រុងកាប៊ុល ។
គួររំឭកថា នៅចន្លោះឆ្នាំ ២០០២ ដល់ឆ្នាំ ២០១៧ ក្រុងវ៉ាស៊ីនតោនបានផ្តល់ឲ្យកងកម្លាំងសន្តិសុខអាហ្វហ្គានីស្ថាននូវអាវុធចំនួន ២៨ ពាន់លានដុល្លារ ដោយស្ទើរតែគ្រប់ឧបករណ៍យោធាទាំងអស់ឥឡូវនេះខ្លាចថាបានធ្លាក់ចូលក្នុងដៃរបស់តាលីបង់ ។
ទន្ទឹមនោះកាលពីខែកក្កដាប្រធានាធិបតីអាមេរិកលោក ចូ បៃដិន បានអះអាងថា កងទ័ពឯកសណ្ឋានរាប់សែននាក់ ពោលជិត ៣០ ម៉ឺននាក់បានត្រៀមខ្លួនដើម្បីការពារអាហ្វហ្គានីស្ថាន តែទោះយ៉ាងណាក៏ដោយ ពួកគេមិនអាចគ្រប់គ្រងក្រុមតាលីបង់បានឡើយ ។
ទន្ទឹមនោះកាលពីសប្តាហ៍មុន ក្រុមតាលីបង់បានប្រកាសថា ខេត្ត Panjshir ជាខេត្តចុងក្រោយរបស់អាហ្វហ្គានីស្ថានដែលមិនស្ថិតនៅក្រោមការគ្រប់គ្រង របស់ក្រុមនេះត្រូវបានកាន់កាប់ ។ នៅថ្ងៃបន្ទាប់ តាលីបង់បានប្រកាសសមាសភាពរដ្ឋាភិបាលបណ្តោះអាសន្នថ្មីរបស់អាហ្វហ្កានីស្ថាន ដឹកនាំដោយលោក Mohammad Hasan Akhund ដែលស្ថិតនៅក្នុងបញ្ជីដាក់ទណ្ឌកម្មរបស់អង្គការសហប្រជាជាតិតាំងពីឆ្នាំ ២០០១ ។
នៅដើមខែសីហា ក្រុមតាលីបង់បានបង្កើនការវាយលុករបស់ពួកគេប្រឆាំងនឹងកងកម្លាំងរដ្ឋាភិបាលអាហ្វហ្គានីស្ថាន ហើយបានចូលរដ្ឋធានីកាប៊ុលនៅថ្ងៃទី ១៥ ខែសីហា ហើយបានក្ដោបក្ដាប់ផ្នែកខ្លះនៃប្រទេសនេះ ។ ព្រឹត្តិការណ៍នេះបានជំរុញឲ្យមានការជម្លៀសប្រជាជនលោកខាងលិច និងជនជាតិអាហ្វហ្គានីស្ថានដែលបានជួយ ឬធ្វើការឲ្យកងទ័ព និងអង្គការបរទេសចេញពីប្រទេសនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ តាលីបង់ អង្វរពិភពលោកកុំដាក់សម្ពាធលើ អាហ្វហ្គានីស្ថាន និងបន្តសុំជំនួយពីអន្តរជាតិ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ