អាមេរិកជម្លៀសយោធា និងជនស៊ីវិល អាហ្វហ្គានីស្ថាន ជិត ៥០០ នាក់ចេញពី អ៊ូសបេគីស្ថាន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អាមេរិកជម្លៀសយោធា និងជនស៊ីវិល អាហ្វហ្គានីស្ថាន ជិត ៥០០ នាក់ចេញពី អ៊ូសបេគីស្ថាន

បានផុស

នៅ

សហរដ្ឋអាមេរិកនិយាយថា ខ្លួនបានជម្លៀស យោធានិងជនស៊ីវិលអាហ្វហ្គានីស្ថានជិត ៥០០ នាក់ចេញពីប្រទេស អ៊ូសបេគីស្ថាន ខណៈប្រទេសអតីតសូវៀតមួយនេះ បានប្រកាសថា បច្ចុប្បន្ន គ្មានជនភៀសខ្លួនអាហ្វហ្គានីស្ថានណាម្នាក់នៅលើទឹកដីរបស់ខ្លួន នោះទេ។

ប៉ុន្មានថ្ងៃមុនក្រុមតាលីបង់ដណ្តើមបានទីក្រុងកាប៊ុល បានបណ្តាលឲ្យមានភាពច្របូកច្របល់នៅប្រទេសជិតខាងអាហ្វហ្គានីស្ថាន គឺ អ៊ូសបេគីស្ថាននិងតាជីគីស្ថាន ខណៈទាហានស្មោះត្រង់នឹងរដ្ឋាភិបាលដែលដួលរលំ បានរត់គេចខ្លួនពីព្រំដែន តាមយន្តហោះយោធា។

អ៊ូសបេគីស្ថាន ភាគច្រើនមិនបានធ្វើអត្ថាធិប្បាយអំពីចំនួននិងឋានៈរបស់ជនភៀសខ្លួនទេ ព្រោះប្រជាជាតិមួយនេះ ចង់បណ្តុះទំនាក់ទំនងជាមួយក្រុមតាលីបង់។

ប៉ុន្តែអ្នកនាំពាក្យស្ថានទូតអាមេរិកម្នាក់បានប្រាប់ AFP កាលពីថ្ងៃអង្គារថា ខ្លួនបានជម្លៀសយោធានិងជនស៊ីវិលអាហ្វហ្គានីស្ថានចំនួន ៤៩៤ នាក់ ចេញពីអាកាសយានដ្ឋាន Termez ភាគខាងត្បូងប្រទេសអ៊ូសបេគីស្ថាន ដោយមានជំនួយពីរដ្ឋាភិបាលអ៊ូសបេគីស្ថាន។

ដោយមិនបញ្ជាក់អំពីទិសដៅចុងក្រោយរបស់ជនភៀសខ្លួន អ្នកនាំពាក្យដដែលបានប្រាប់ AFP តាមទូរស័ព្ទថា “ការជម្លៀស ត្រូវបានបញ្ចប់នៅថ្ងៃទី ១២-១៣ ខែកញ្ញា”។

ស្របពេលជាមួយគ្នានោះដែរ អ្នកនាំពាក្យក្រសួងការបរទេសអ៊ូសបេគីស្ថានលោក Yusup Kabulzhanov កាលពីថ្ងៃចន្ទ បានបញ្ជាក់អំពីការជម្លៀសនេះ នៅក្នុងសេចក្តីអត្ថាធិប្បាយមួយទៅកាន់សារព័ត៌មានឯកជន។

លោកនិយាយថា ជនភៀសខ្លួនអាហ្វហ្គានីស្ថានទាំងអស់ បានចាកចេញពីទឹកដីអ៊ូសបេគីស្ថានរួចទៅហើយ ប៉ុន្តែមិនផ្តល់តួលេខទេ។

បុគ្គលិកម្នាក់នៅស្ថានទូតអាហ្វហ្គានីស្ថានបានប្រាប់ AFP កាលពីខែមុនថា ជនជាតិអាហ្វហ្គានីស្ថានរហូតដល់ទៅ ១,៥០០ នាក់ប្រហែលជាបានឆ្លងចូលទៅក្នុងប្រទេសអ៊ូសបេគីស្ថានដោយខុសច្បាប់ បន្ទាប់ពីក្រុមតាលីបង់ គ្រប់គ្រងតំបន់ Mazar-i-Sharif ដែលជាបន្ទាយភាគខាងជើង កាលពីពាក់កណ្តាលខែសីហា ហើយបានចាប់ផ្តើមធ្វើដំណើរឆ្ពោះទៅទីក្រុងកាប៊ុល។

នៅក្នុងសេចក្តីថ្លែងការណ៍ដ៏កម្រមួយស្តីពីជនភៀសខ្លួនកាលពីខែសីហា អ៊ូសបេគីស្ថានបាននិយាយថា ខ្លួនបានបញ្ជូនមនុស្សចំនួន ១៥០ នាក់ទៅអាហ្វហ្គានីស្ថានវិញ តាមសំណើរបស់ពួកគេ និងបន្ទាប់ពីមានកិច្ចពិភាក្សាជាមួយក្រុមតាលីបង់ ក្នុងការធានាសុវត្ថិភាពរបស់ពួកគេ៕

ប្រែសម្រួល៖ Vann Vann

ប្រភព៖ TRT

ចុចអាន៖ អភិបាល ខេត្ត តាលីបង់ ម្នាក់ ផ្តាំទៅ លោក ខាង លិច មក វិញ ជាមួយលុយ មិនមែនអាវុធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ នាទី មុន

មុន​នេះ​ អតីត​រដ្ឋ​មន្ត្រី​ការបរ​ទេស​អាមេរិក​ដ៏​ល្បី Powell ទទួល​មរណ​ភាព​ដោយ​កូវីដ

ព័ត៌មានជាតិ១០ នាទី មុន

រថយន្ត​ព្រូស បើក​បុក​ក្បាល​នាគ​ពុះ​ទ្រូងផ្លូវ ក្រឡាប់​ផ្ងារជើង នៅ​ស្ពាន​គល់ស្ពាន​ក្រោម​ដីស្ទឹង​មានជ័យ

ជីវិតកម្សាន្ដ១៩ នាទី មុន

ខ្ញុង ហ៊ាន​ស្បថ​ស្បែ​រឿង​ជំពាក់​លុយ​គេ​ជាង​៥០​ម៉ឺន​ដុល្លារ ​ព្រោះ​ពាក់ព័ន្ធ​លេងល្បែង

ព័ត៌មានជាតិ១ ម៉ោង មុន

ពលករ​ខ្មែរ​ចំនួន​០៧​នាក់ បានស្នើ​សុំ​ឲ្យ​ស្ថាន​អគ្គ​កុងស៊ុល​ជួយ​បញ្ជូន​ពួកគាត់​ត្រឡប់​ទៅ​កម្ពុជា​វិញ​

ព័ត៌មានជាតិ១ ម៉ោង មុន

ឯកឧត្តម​ ឌី វិជ្ជា​ អញ្ជើញ​ចូល​រួម​កម្មវិធី​ប្រកួត​ រ៉ូបូត​មនុស្សយន្ត​

Sokha Hotels

ព័ត៌មានពេញនិយម

Helistar Cambodia - Helicopter Charter Services