Connect with us

ព័ត៌មានអន្ដរជាតិ

រូប​ភាព​ផ្កាយ​រណប​បង្ហាញ​កូរ៉េខាង​ជើង​កំពុង​ពង្រីក​ទីតាំង​ផលិត​អ៊ុយរ៉ាញ៉ូម​បង្កើន​សមត្ថភាពអាវុធ

បានផុស

នៅ

រូប​ភាព​ផ្កាយ​រណប​ថ្មី​ដែល CNN ទទួល​បាន​បង្ហាញ​ពី​ប្រទេស​កូរ៉េ​ខាង​ជើង​បាន​កំពុង​ពង្រីក​ទីតាំង​សំខាន់​ដែល​​អាច​​បង្កើន​សមត្ថភាព​​ចម្រាញ់សារធាតុ​អ៊ុយរ៉ាញ៉ូម​សម្រាប់​ផលិត​អាវុធ​នុយក្លេអ៊ែរ ដែល​​​​ប្រទេស​នេះ​ទំនង​ជា​មាន​ផែន​ការ​បង្កើន​ការ​ផលិត​ឲ្យ​កាន់​តែ​ខ្លាំង​នា​ពេល​អនាគត​ដ៏​ខ្លី។ នេះ​បើ​យោង​តាម​អ្នក​ជំនាញ​បាន​វិភាគ​ទៅ​លើ​រូប​ភាព។

រូប​ភាព​ត្រូវ​បាន​ចាប់​យក​ដោយ​ក្រុម​ហ៊ុន​រូបភាពពាណិជ្ជកម្ម Maxar នៅ​ដើម​សប្តាហ៍​នេះ​ដែលបង្ហាញ​ពី​ការ​សាង​សង​កំពុង​ដំណើរ​ការ​នៅ​រោង​ចក្រ​ចម្រាញ់សារធាតុ​អ៊ុយរ៉ាញ៉ូម​​​ស្ថិត​ក្នុងបរិវេណ​​មណ្ឌល​ស្រាវ​ជ្រាវ​នុយក្លេអ៊ែរ Yongbyon ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Jeffrey Lewis អ្នក​ជំនាញ​អាវុធ និង​ជា​សាស្ត្រាចារ្យ​នៅវិទ្យាស្ថានសិក្សា​អន្តរជាតិ Middlebury បាន​និយាយ​ថា ប្រការ​នេះ​​នឹង​ធ្វើ​ឲ្យ​កូរ៉េ​ខាង​ជើង​បង្កើន​ការ​ផលិត​សម្ភារៈ​អាវុធនុយក្លេអ៊ែរកាន់​តែ​ល្អ​ប្រសើរ​រហូត​ដល់​ទៅ​២៥%។

 លោក​ថា ការ​ពង្រីក​ថ្មី​ៗ​បំផុត​នៅបរិវេណ​មជ្ឈមណ្ឌល Yongbyon ប្រហែល​ជា​ឆ្លុះ​បញ្ចាំង​ពី​ផែន​ការ​ដើម្បី​បង្កើន​ការ​ផលិត​​សម្ភារៈ​អាវុធនុយក្លេអ៊ែរ​។

លោក Lewis មានប្រសាសន៍​ថា ៖«ទី​កន្លែង​ថ្មី​ដែល​មាន​ទំហំ​ប្រមាណ​១០០០​ម៉ែត្រ​ការ៉េ ជា​ចន្លោះ​គ្រប់​គ្រាន់​សម្រាប់​ដាក់ម៉ាស៊ីនបំបែកធាតុវីលីន​ចំនួន​១០០០​បន្ថែម​ទៀត។ ការ​បន្ថែម​ម៉ាស៊ីនបំបែកធាតុវីលីន​​១០០០​​ទៀត​គឺ​ជា​ការ​បង្កើន​សមត្ថភាព​នៅ​ក្នុង​​រោង​ចក្រ​ដើម្បី​ផលិត​​សារធាតុ​អ៊ុយរ៉ាញ៉ូម​​​​​ច្រើន​ដល់​២៥​%»។

លោក​បន្ថែម​ថា ប្រសិន​បើ​កូរ៉េ​ខាង​ជើង​អភិវឌ្ឍ​ថ្មី​បន្ថែម​នូវ​ប្រភេទ​ម៉ាស៊ីនបំបែកធាតុវីលីន​​​​​​នៅ​រោងចក្រ ដូច្នេះ​ប្រទេស​នេះ​អាច​បង្កើន​សមត្ថភាព​របស់​រោង​ចក្រ​កាន់​តែ​ខ្លាំង។

យោង​តាម​ប្រភពពីរ​ដែល​ដឹងរឿង​នេះ​ថា មន្ត្រី​អាមេរិកបាន​កំពុង​ស្វែង​យល់​ពី​សកម្មភាព​ថ្មី​ៗ​នៅ​រោង​ចក្រ​​ចម្រាញ់​សារធាតុ​អ៊ុយរ៉ាញ៉ូម​​​នៅក្នុង​បរិវេណ Yongbyon និង​ទទួល​ស្គាល់​ថា ការ​អភិវឌ្ឍ​ទាំង​នោះ​អាច​ជា​សញ្ញា​នៃ​ផែន​ការ​ដើម្បី​​បង្កើន​ការ​ផលិត​សារធាតុ​អ៊ុយរ៉ាញ៉ូម​សម្រាប់​អភិវឌ្ឍ​អាវុធ​ថ្មី៕

ប្រែ​សម្រួល៖ វីរបុត្រ
ប្រភព៖ CNN

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ២ នាទី មុន

បក្សកម្លាំងជាតិ ចាត់ទុកបក្សភ្លើងទៀន កំពុងដើរលើផ្លូវនយោបាយផ្ដាច់ការ គំរាមកំហែងលើអង្គបោះឆ្នោត  

ព័ត៌មានអន្ដរជាតិ៥ នាទី មុន

តុលាការ មីយ៉ាន់ម៉ា ចេញបញ្ជាឲ្យដាក់លក់ផ្ទះវីឡាលោកស្រី អ៊ុងសាន ស៊ូជី តម្លៃចាប់ពី ៩០ លានដុល្លារ

ជីវិតកម្សាន្ដ២០ នាទី មុន

ភ្នាក់ងារ Rain បញ្ចាក់ផ្លូវការ ក្រោយធ្លាយចចាមអារ៉ាមថា លោកត្រូវគេប្តឹងពីបទឆបោកប្រាក់ ៦.៣ លានដុល្លារ

ព័ត៌មានអន្ដរជាតិ៤២ នាទី មុន

មន្ត្រីពុករលួយ អ៊ុយក្រែន លួចលុយរដ្ឋ ៤០ លានដុល្លារទិញគ្រាប់កាំភ្លើង​ត្បាល់ទុកធ្វើសឹកសង្គ្រាមជាមួយ រុស្ស៊ី

ជីវិតកម្សាន្ដ៤៦ នាទី មុន

សុន ស្រីពេជ្រ ចាត់ទុកថា ការជ្រើសរើសដៃគូជីវិតជារឿងសំខាន់ខ្លាំងណាស់

Sokha Hotels

ព័ត៌មានពេញនិយម