ព័ត៌មានអន្ដរជាតិ
ប្រយ័ត្ន! វីរុសកូវីដបំប្លែងខ្លួន កំពុងវិវត្ត បង្កើនសមត្ថភាពចម្លងតាមខ្យល់ ខ្លាំងជាងមេរោគទម្រង់ដើមដល់ទៅ ១០០ដងឯណោះ
ក្រុមអ្នកវិទ្យាសាស្ត្រនិយាយថា វីរុសកូវីដ-១៩ កំពុងវិវត្តខ្លួន បង្កើនសមត្ថភាពកាន់តែខ្លាំងក្នុងការរីករាលដាលតាមខ្យល់អាកាស។
អ្នកឆ្លងមេរោគ Alpha ដែលជាវីរុសបំប្លែងខ្លួនបង្កឲ្យមានរលកទី២ដ៏សាហាវនៅចក្រភពអង់គ្លេសកាលពីខែមករា បានបញ្ចោញវីរុសទៅក្នុងខ្យល់អាកាស ខ្លាំងជាងអ្នកឆ្លងកូវីដទម្រង់ដើមដែលផ្ទុះនៅទីក្រុង អ៊ូហាន រហូតដល់ទៅ ១០០ដងឯណោះ។
បើយោងតាមក្រុមអ្នកស្រាវជ្រាវមកពីសាកលវិទ្យាល័យ Maryland ក៏បាននិយាយផងដែរថា វីរុសបំប្លែងខ្លួន Delta ទំនងជាចម្លងតាមខ្យល់ កាន់តែងាយស្រួលជាងនេះ។
អ្នកនិពន្ធឈានមុខ លោកវេជ្ជបណ្ឌិត Don Milton បាននិយាយថា ការរកឃើញនេះបង្ហាញថា វីរុសបំប្លែងខ្លួន កំពុងតែវិវត្តខ្លួនកាន់តែខ្លាំងជាងមុន តាមរយៈខ្យល់អាកាស។
ការសិក្សាស្រាវជ្រាវដែលផ្អែកលើការត្រួតពិនិត្យខ្យល់អាកាសដែលអ្នកស្ម័គ្រចិត្តឆ្លងមេរោគបានបញ្ចេញទៅក្នុងម៉ាស៊ីន ក៏បានអះអាងផងដែរថា ម៉ាសក្រណាត់និងម៉ាសវះកាត់ អាចកាត់បន្ថយចំនួនមេរោគដែលអ្នកជំងឺបញ្ចេញ។
អ្នកជំនាញ បានផ្តោតលើវីរុសបំប្លែងខ្លួន Alpha ដែលផ្ទុះឡើងនៅទីក្រុង Kent កាលពីរដូវស្លឹកឈើជ្រុះឆ្នាំមុន ហើយបានក្លាយជាមេរោគលេចធ្លោនៅចក្រភពអង់គ្លេសក្នុងខែមករា និងនៅអាមេរិកត្រឹមខែមីនា។
ការស្រាវជ្រាវដែលត្រូវបានបោះពុម្ពផ្សាយនៅក្នុងទិនានុប្បវត្តិ Clinical Infectious Diseases បានពិនិត្យលើមនុស្សចំនួន៤៩នាក់ ដែលបានឆ្លងមេរោគ Alpha និងវីរុសបំប្លែងខ្លួនមុនៗ នៅចន្លោះខែឧសភាឆ្នាំ២០២០ដល់ខែមេសាឆ្នាំ២០២១។
អ្នកចូលរួម បានដកដង្ហើមចូលទៅក្នុងម៉ាស៊ីនដែលគេហៅថា Gesundheit-II រយៈពេល ៣០ នាទី ដោយមិនពាក់ម៉ាសនិង ៣០ នាទីពេលកំពុងពាក់ម៉ាស។
លើសពីនេះ អ្នកស្ម័គ្រចិត្តត្រូវបានស្នើសុំឲ្យអានអក្សរម្តងហើយម្តងទៀត ចំនួនបីដង ឬច្រៀងចម្រៀងអបអរថ្ងៃកំណើតចំនួន បីដង។
ពួកគេរកឃើញថា មេរោគដែលចេញពីដង្ហើមអ្នកឆ្លង Alpha គឺខ្ពស់ជាងអ្នកឆ្លងវីរុសមុនៗ ពី៤៣ ទៅ ១០០ដងឯណោះ។ ប៉ុន្តែនៅពេលពាក់ម៉ាស មនុស្សដែលឆ្លងមេរោគបានបញ្ចេញតិចជាងមុន ៤៨ភាគរយ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ៥ប្រទេស ដាក់ចិត្តដាក់កាយ រស់នៅជាមួយ កូវីដ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២០ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ