ភោជនីយដ្ឋានអាមេរិក ផ្សាយពាណិជ្ជកម្ម សើចចំអកបារាំង ចំពោះកិច្ចព្រមព្រៀងនាវាមុជទឹក
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ភោជនីយដ្ឋានអាមេរិក ផ្សាយពាណិជ្ជកម្ម សើចចំអកបារាំង ចំពោះកិច្ចព្រមព្រៀងនាវាមុជទឹក

បានផុស

នៅ

បន្ទាប់ពីការសម្រេចចិត្តរបស់អូស្រ្តាលី ក្នុងការបោះបង់ចោលកិច្ចព្រមព្រៀងនាវាមុជទឹកតម្លៃ ៩០ ពាន់លានដុល្លារអូស្រ្តាលី ជាមួយប្រទេសបារាំងនៅសប្តាហ៍នេះ ដើម្បីងាកទៅរកកិច្ចព្រមព្រៀងមួយផ្សេងទៀតជាមួយសហរដ្ឋអាមេរិក ភោជនីយដ្ឋានអាហាររហ័សរបស់អាមេរិកឈ្មោះ Subway បានសើចចំអកនៅក្នុងការផ្សាយពាណិជ្ជកម្ម នំសាំងវិចរបស់ខ្លួន។

នៅក្នុងការផ្សាយពាណិជ្ជកម្មពេញមួយទំព័រ ដែលត្រូវបានបោះពុម្ពផ្សាយលើកាសែត The Age កាលពីថ្ងៃសៅរ៍ ភោជនីយដ្ឋាន Subway បានអួតថា ខ្លួនមាននាវាមុជទឹកដែលមិនប្រើថាមពលនុយក្លេអ៊ែរហើយមានតម្លៃថោកជាង៩០ពាន់លានដុល្លារ ដែលវាជាការចំណាយដ៏ធំនៃកិច្ចព្រមព្រៀងទិញនាវាមុជទឹករបស់អូស្ត្រាលីជាមួយប្រទេសបារាំង មុនពេលទីក្រុងកង់បេរ៉ាងាកទៅគាំទ្រ ដើម្បីទទួលបាននាវាមុជទឹកដើរដោយថាមពលនុយក្លេអ៊ែរពីអាមេរិក។

ទោះបីជាអ្នកប្រើប្រាស់បណ្តាញសង្គមជាច្រើនយល់ឃើញថា ការផ្សាយពាណិជ្ជកម្មនេះមានភាពឆ្លាតវៃនិងកំប្លែងក៏ដោយ ក៏អ្នកផ្សេងទៀតយល់ឃើញថាវាជារឿងគួរឱ្យស្អប់ខ្ពើមនិងគ្មានការគោរព។

Image

ប្រទេសបារាំង បានកោះហៅឯកអគ្គរដ្ឋទូតរបស់ខ្លួនមកពីប្រទេសអូស្ត្រាលីនិងសហរដ្ឋអាមេរិកកាលពីថ្ងៃសុក្រ ដើម្បីឆ្លើយតបទៅនឹងអ្វីដែលខ្លួនបានពិពណ៌នាថា ជាអាកប្បកិរិយាមិនអាចទទួលយកបានរវាងសម្ព័ន្ធមិត្តនិងដៃគូ ដែលជាលទ្ធផលនៃកិច្ចព្រមព្រៀង AUKUS រវាងប្រទេសអូស្ត្រាលី ចក្រភពអង់គ្លេស និងសហរដ្ឋអាមេរិក។

ប្រធានាធិបតីបារាំងលោក Emmanuel Macron ត្រូវបានគេរាយការណ៍ថា ទើបតែទទួលដំណឹងអំពីការសម្រេចចិត្តរបស់អូស្ត្រាលី ក្នុងការដកខ្លួនចេញពីកិច្ចព្រមព្រៀងនាវាមុជទឹកឆ្នាំ ២០១៦ របស់ប្រទេសទាំងពីរ ភ្លាមៗមុនពេលព័ត៌មាននេះត្រូវបានផ្សព្វផ្សាយជាសាធារណៈប៉ុណ្ណោះ៕

ប្រែសម្រួល៖ Vann Vann

ប្រភព៖ RT

ចុចអាន៖ ហេតុអ្វីកិច្ចព្រមព្រៀង AUKUS ក្លាយជាដំណឹងល្អសម្រាប់ ឥណ្ឌា ទៅវិញ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

កម្ពុជា​ទទួល​ដែក​រ៉ៃ​ និង កំណល់​បេតុង​ផ្លូវ​រថភ្លើង​ ដែល​ជា​ជំនួយឥតសំណង​របស់​រាជរដ្ឋាភិបាល​ថៃ​ជាង​៤ ម៉ឺន​តោន

ព័ត៌មានជាតិ៧ ម៉ោង មុន

រយៈ​៩​ខែ​ឆ្នាំ​២០២១ មាន​ជនរងគ្រោះ​ដោយសារ​មីន​ស្លាប់ ១០​នាក់​,​របួស​១៨​នាក់​និង​ពិការ​ចំនួន​៦​នាក់

ព័ត៌មានជាតិ៨ ម៉ោង មុន

ប្រគល់​រថយន្ត ២២៩​គ្រឿង ជូន​ម្ចាស់​វិញ​ដោយ​យោង​តាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្តេច​តេ​ជោ ហ៊ុន សែន

ព័ត៌មានជាតិ៨ ម៉ោង មុន

ក្រសួង​សេដ្ឋកិច្ច​បាន​ចុះ​ហត្ថលេខា​ជាមួយ​វិទ្យាស្ថាន​នគរូបនីយកម្ម​និង​ឌី​សាញ​ស៊ិន​ជិន​រៀបចំ​ផែនការមេ​អភិវឌ្ឍន៍​ខេត្ត​ព្រះសីហនុ

ព័ត៌មានជាតិ១០ ម៉ោង មុន

អតីត​យុទ្ធជន​ពិការ​ដោយសារ​សង្គ្រាម​១២​គ្រួសារ ​ទទួល​អំណោយ​ឯកឧត្តម​បណ្ឌិត ហ៊ុន ម៉ា​ណែត និង​លោកជំទាវ ពេ​ជ ចន្ទ​មុន្នី

Sokha Hotels

ព័ត៌មានពេញនិយម

Helistar Cambodia - Helicopter Charter Services