ជនជាតិ ថៃ ច្រើននាក់ លេចចេញជំងឺកម្រ ក្រោយជាសះស្បើយពីកូវីដ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ជនជាតិ ថៃ ច្រើននាក់ លេចចេញជំងឺកម្រ ក្រោយជាសះស្បើយពីកូវីដ

បានផុស

នៅ

យុវជនថៃចន្លោះពី ៣០ ទៅ ៤០ នាក់ដែលជាសះស្បើយពីជំងឺកូវីដ-១៩ ត្រូវបានគេរកឃើញថា មានលេចចេញជំងឺរលាកពហុប្រព័ន្ធកុមារឬ MIS-C ហើយមាន មនុស្សម្នាក់អាចស្លាប់ដោយសារជំងឺនេះ។ នេះបើតាមការឲ្យដឹងពីលោកវេជ្ជបណ្ឌិត Somsak Lolekha ប្រធានមហាវិទ្យាល័យភូមិន្ទគ្រូពេទ្យកុមារថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

MIS-C គឺជាជំងឺដ៏កម្រប៉ុន្តែធ្ងន់ធ្ងរ ដែលអាចវិវត្តក្នុងខ្លួនកុមារនិងមនុស្សវ័យជំទង់ ក្រោយឆ្លងមេរោគកូវីដ-១៩។ ជាធម្មតា រោគសញ្ញាជំងឺនេះអាចលេចឡើងចន្លោះពី ២ ទៅ ៨ សប្តាហ៍បន្ទាប់ពីការឆ្លងមេរោគ។ អ្នកជំងឺវ័យក្មេង អាចមានអាការក្តៅខ្លួនលើសពី ៣៨ អង្សាសេហួសពី២៤ម៉ោង ឈឺពោះ ចង្អោរ រាក ឡើងកន្ទួល ក្រហមភ្នែក ខូចបេះដូងនិងល្ហិតល្ហៃ។

ក្នុងករណីបែបនេះ ពួកគេត្រូវតែទៅជួបគ្រូពេទ្យជាបន្ទាន់។

លោកវេជ្ជបណ្ឌិត Somsak និយាយថា នៅពេលក្មេងៗកាន់តែច្រើនឆ្លងជំងឺកូវីដ-១៩ មានឱកាសកាន់តែច្រើនថា ករណីជំងឺ MIS-C នឹងកើនឡើងដូចគ្នា។

ស្របពេលជាមួយគ្នានោះ លោកបានណែនាំឲ្យឪពុកម្តាយ ត្រូវតាមដានស្ថានភាពកូនរបស់ពួកគេរយៈពេល៣សប្តាហ៍ ក្រោយជាសះស្បើយពីជំងឺកូវីដ-១៩។

យោងតាមនាយកដ្ឋានសេវាកម្មសុខភាពបានឲ្យដឹងថា កុមារនិងក្មេងជំទង់ចំនួន ១២៩,១៦៥ នាក់ អាយុពី៦ដល់១៨ឆ្នាំ បានឆ្លងជំងឺកូវីដ-១៩ ចន្លោះថ្ងៃទី១ខែមេសា ដល់ថ្ងៃទី១១ខែកញ្ញា ក្នុងនោះមាន ៩០ភាគរយជាជនជាតិថៃ ហើយ១៥នាក់បានស្លាប់ ដែលភាគច្រើនមានជំងឺប្រចាំកាយ៕

ប្រែសម្រួល៖ Vann Vann

ប្រភព៖ Thai PBS

ចុចអាន៖ ថៃ ចាប់ផ្តើមផ្តល់ដើមប្រមាត់មនុស្ស ដល់កសិករ សម្រាប់ដាំដុះ ដើម្បីផលិតថ្នាំព្យាបាលកូវីដ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services