មិនខុសពីប្រទេសដទៃ កូរ៉េខាងត្បូង ត្រៀមរៀនរស់នៅជាមួយកូវីដរយៈពេលវែង
Connect with us
Helistar Cambodia - Helicopter Charter Services

ព័ត៌មានអន្ដរជាតិ

មិនខុសពីប្រទេសដទៃ កូរ៉េខាងត្បូង ត្រៀមរៀនរស់នៅជាមួយកូវីដរយៈពេលវែង

បានផុស

នៅ

កូរ៉េខាងត្បូងបានបង្កើតក្រុមមួយនៅថ្ងៃពុធនេះដើម្បីពិភាក្សាអំពីយុទ្ធសាស្ត្រស្តីពីរបៀប “រស់នៅជាមួយជំងឺកូវីដ ១៩” ក្នុងរយៈពេលវែង ខណៈដែលប្រទេសនេះព្យាយាមលុបការរឹតត្បិត និងបើកសេដ្ឋកិច្ចឡើងវិញ នៅពេលមានការកើនឡើងកម្រិតការចាក់វ៉ាក់សាំង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសុខាភិបាលបាននិយាយកាលពីសប្តាហ៍មុនថា ក្រោមយុទ្ធសាស្ត្រនេះ រដ្ឋាភិបាលមានបំណងបន្ធូរបន្ថយការរឹតត្បិតពាក់ព័ន្ធជំងឺកូវីដ ១៩ សម្រាប់ប្រជាពលរដ្ឋដែលបានចាក់វ៉ាក់សាំងការពារពេញលេញ និងលើកទឹកចិត្តអ្នកជំងឺមិនបញ្ចេញរោគសញ្ញា និងរោគសញ្ញាស្រាលអាយុក្រោម ៧០ ឆ្នាំឲ្យព្យាបាលនៅផ្ទះ ។

ទីភ្នាក់ងារសារព័ត៌មានយ៉ុនហាប់បានរាយការណ៍ថា រដ្ឋាភិបាលក៏នឹងរាប់តែចំនួននៃអ្នកចូលសម្រាកនៅមន្ទីរពេទ្យ និងការស្លាប់ប៉ុណ្ណោះ ហើយនឹងពិចារណាមិនផ្សាយតួរលេខឆ្លងប្រចាំថ្ងៃឡើយ ។

ទន្ទឹមនោះ នាយករដ្ឋមន្រ្តីលោក Kim Boo-kyum បានប្រាប់កិច្ចប្រជុំគណៈកម្មាធិការលើកដំបូងរបស់ក្រុមប្រឹក្សានៅថ្ងៃពុធនេះថា “យើងនឹងប្រែក្លាយជំងឹកូវីដ ១៩ ទៅជាជំងឺឆ្លងដែលអាចគ្រប់គ្រងបាន ហើយនឹងផ្ដល់ទម្លាប់ធម្មតាដល់ប្រជាជនវិញ ប៉ុន្តែការពាក់ម៉ាសនឹងមិនត្រូវបានលុបចោលភ្លាមៗនោះទេ ក្រោមគោលនយោបាយថ្មីនេះ” ។

ទាំងនេះរួមបញ្ចូលទាំងម៉ោងធ្វើការមានកំណត់សម្រាប់ភោជនីយដ្ឋាន ហាងកាហ្វេ កន្លែងសូណា និងកន្លែងហាត់ប្រាណបិទជិត ដែលបានធ្វើឲ្យប៉ះពាល់ដល់អាជីវកម្មផ្ទាល់ខ្លួន និងអាជីវកម្មខ្នាតតូច ជាពិសេសហាមការជួបជុំមនុស្សលើសពី ២ នាក់ ក្រោយម៉ោង ៦ ល្ងាចទាំងនៅក្នុង និងនៅជុំវិញទីក្រុងសេអ៊ូល ។

គួរបញ្ជាក់ថា យុទ្ធសាស្ត្រថ្មីនេះកើតឡើង ដោយសារយុទ្ធនាការចាក់វ៉ាក់សាំងដែលដំបូងឡើយត្រូវបានរារាំងដោយកង្វះការផ្គត់ផ្គង់បានកើនឡើងយ៉ាងឆាប់រហ័ស ។ ប្រទេសនេះបានចាក់វ៉ាក់សាំងការពារជំងឺកូវីដ ១៩ យ៉ាងតិចមួយដូសដល់ប្រជាជនរបស់ខ្លួនចំនួន ៧៨.១ ភាគរយ ខណៈ ៦០.៧ ភាគរយបានចាក់វ៉ាក់សាំងពេញ ២ ដូស ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ កូរ៉េខាងត្បូង បរិច្ចាគវ៉ាក់សាំង AstraZeneca ដល់ប្រទេសចំនួន ២ នៅអាស៊ីអាគ្នេយ៍ ជាលើកដំបូង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ ម៉ោង មុន

ឃុំខ្សាយខ មានកុមារអាយុក្រោម ២ ឆ្នាំ និងស្ត្រីមានផ្ទៃពោះ គ្រួសារស្លាប់ដោយកូវីដ-១៩ បន្តទទួលសាច់ប្រាក់រាជរដ្ឋាភិបាល

ព័ត៌មានជាតិ១៣ ម៉ោង មុន

ចាប់ខ្លួនស្រ្តីម្នាក់ តាមដីកាបង្គាប់របស់តុលាការ ហើយនៅតេស្ដរកឃើញ វិជ្ជមានកូវីដ-១៩

ព័ត៌មានអន្ដរជាតិ១៤ ម៉ោង មុន

កូរ៉េខាងត្បូង ជួបសីតុណ្ហភាពត្រជាក់បំផុតក្នុងរយៈពេល ៦៤ ឆ្នាំ តំបន់ខ្លះធ្លាក់ចុះដល់ក្រោមសូន្យ

ព័ត៌មានជាតិ១៤ ម៉ោង មុន

ក្រសួងសុខាភិបាល បង្ហាញបញ្ជីឈ្មោះសណ្ឋាគារចំនួន ៥ សម្រាប់អ្នកដំណើរកក់ធ្វើចត្តាឡីស័ក

ចរាចរណ៍១៤ ម៉ោង មុន

សមត្ថកិច្ច បញ្ជូនបុរសម្នាក់ទៅតុលាការ ក្រោយបើករថយន្តបុករះ បណ្តាលឲ្យមនុស្ស ៣ស្លាប់ និង៣នាក់ទៀតរងរបួស

Sokha Hotels

ព័ត៌មានពេញនិយម

Helistar Cambodia - Helicopter Charter Services