ព័ត៌មានអន្ដរជាតិ
កូរ៉េខាងត្បូង បរិច្ចាគវ៉ាក់សាំង AstraZeneca ដល់ប្រទេសចំនួន ២ នៅអាស៊ីអាគ្នេយ៍ ជាលើកដំបូង
ក្រសួងការបរទេសកូរ៉េខាងត្បូងបាននិយាយនៅថ្ងៃអង្គារនេះថា ប្រទេសកូរ៉េខាងត្បូងនឹងបរិច្ចាគវ៉ាក់សាំងការពារជំងឺកូវីដ ១៩ របស់ក្រុមហ៊ុន AstraZeneca ទៅជួយប្រទេសដូចជា វៀតណាម និងថៃ ខណៈប្រទេសនេះមានវ៉ាក់សាំងគ្រប់គ្រាប់ហើយសម្រាប់ចាក់ដល់ប្រជាជនរបស់ខ្លួន ។
ក្រសួងបាននិយាយថា ប្រទេសកូរ៉េខាងត្បូងគ្រោងនឹងបញ្ជូនវ៉ាក់សាំង AstraZeneca ចំនួន ១.១ លានដូសទៅប្រទេសវៀតណាម និង ៤៧ ម៉ឺនដូសទៅប្រទេសថៃ ដែលនឹងមកដល់ប្រជាជាតិអាស៊ីអាគ្នេយ៍ទាំងពីរនៅថ្ងៃពុធ ។
នេះគឺជាលើកទីមួយហើយដែលប្រទេសកូរ៉េខាងត្បូងបរិច្ចាគវ៉ាក់សាំងការពារជំងឺកូវីដ ១៩ ដោយផ្ទាល់ទៅឲ្យប្រទេសក្រៅ លើកលែងតែការគាំទ្រផ្នែកហិរញ្ញវត្ថុតាមរយៈកម្មវិធី COVAX ប៉ុណ្ណោះ ។
ក្រសួងបាននិយាយថា កូរ៉េខាងត្បូងបានសម្រេចចិត្តបរិច្ចាគវ៉ាក់សាំងនេះ ទៅដៃគូពាណិជ្ជកម្មសំខាន់ៗនៅក្នុងតំបន់ដើម្បីជួយការពារជនជាតិកូរ៉េ ដែលរស់នៅក្នុងប្រទេសនានាក៏ដូចជាប្រជាជនក្នុងតំបន់ផងដែរ ដោយសារតែចំនួនប្រជាជនរបស់ប្រទេសនេះភាគច្រើនត្រូវបានប្រទេសដទៃចាក់វ៉ាក់សាំងឲ្យ ។
ក្រសួងបាននិយាយនៅក្នុងសេចក្តីប្រកាសមួយថា “រដ្ឋាភិបាលបានសម្រេចចិត្តបរិច្ចាគវ៉ាក់សាំង ព្រោះបច្ចុប្បន្នកូរ៉េខាងត្បូងមានវ៉ាក់សាំងគ្រប់គ្រាន់នៅក្នុងស្តុក ហើយប្រទេសដែលត្រូវបរិច្ចាគទាំងនោះត្រូវបានជ្រើសរើស បន្ទាប់ពីពិចារណាលើសុវត្ថិភាពរបស់ជនជាតិកូរ៉េដែលកំពុងរស់នៅក្នុងប្រទេស គោលនយោបាយការបរទេស និងស្ថានភាពកូវីដ ១៩ ជាដើម” ។
គួរបញ្ជាក់ថា គិតត្រឹមថ្ងៃអង្គារនេះ ទីភ្នាក់ងារគ្រប់គ្រង និងបង្ការជំងឺកូរ៉េ (KDCA) បានរាយការណ៍ពីប្រជាជនប្រមាណ ៤០ លាននាក់ ឬ ៧៧.៩ ភាគរយ បានទទួលការចាក់វ៉ាក់សាំងការពារជំងឺកូវីដ ១៩ ដូសដំបូង ខណៈ ៦០ ភាគរយនៃពួកគេបានចាក់វ៉ាក់សាំងពេញ ២ ដូស ៕
ប្រែសម្រួលដោយ ៖ ជីវ័ន្ត
ប្រភព ៖ Yonhap
ចុចអាន ៖ កូរ៉េខាងត្បូង នឹងចាក់វ៉ាក់សាំងការពារកូវីដដល់ស្ត្រីមានផ្ទៃពោះនៅខែនេះ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង