ព័ត៌មានអន្ដរជាតិ
ទោះមានជម្លោះបែបណាក៏ដោយ តៃវ៉ាន់ ដាច់ខាតមិនធ្វើសង្គ្រាមជាមួយ ចិន ឡើយ
រដ្ឋមន្ត្រីការពារជាតិតៃវ៉ាន់លោក Chiu Kuo Cheng ថ្មីៗនេះបាននិយាយប្រាប់ទៅកាន់សមាជិកសភារបស់កោះនេះថា តៃវ៉ាន់នឹងមិនចូលរួមក្នុងការធ្វើសង្គ្រាមប្រឆាំងនឹងប្រទេសចិនឡើយ ។
ការអត្ថាធិប្បាយនេះបានលេចចេញក្នុងសម័យប្រជុំសភានៅថ្ងៃព្រហស្បតិ៍នេះ ហើយបានកើតឡើងនៅចំពោះមុខជម្លោះចុងក្រោយរវាងកោះតៃវ៉ាន់ និងចិនដីគោក ព្រោះទីក្រុងប៉េកាំងបានចាត់ទុកកោះនេះថាជាខេត្តរឹងរូសដែលត្រូវតែនាំត្រលប់មកវិញ ។
បើទោះបីជាមន្រ្តីចិនបានបង្ហាញថា ចិនដីគោកនឹងប្រើកម្លាំង ប្រសិនបើចាំបាច់ក៏ដោយ ក៏តៃវ៉ាន់បានរក្សាតម្លៃរបស់ខ្លួនយូរមកហើយ ថាជាប្រទេសគ្រប់គ្រងដោយខ្លួនឯង ហើយថានឹងរក្សាស្វ័យភាពរបស់ខ្លួន ទោះក្នុងតម្លៃណាក៏ដោយ ។
ទន្ទឹមនោះសារព័ត៌មាន Reuters បានរាយការណ៍ថា បើទោះបីជាមានជម្លោះយូរអង្វែងក៏ដោយ ក៏លោក Chiu បានគូសបញ្ជាក់នៅក្នុងសម័យប្រជុំសភានៅថ្ងៃព្រហស្បតិ៍នេះថា “កោះតៃវ៉ាន់នឹងមិនចាប់ផ្តើមសង្គ្រាមជាមួយចិនឡើយ” ។
សេចក្តីថ្លែងការណ៍របស់លោក Chiu បានធ្វើឡើង បន្ទាប់ពីសុន្ទរកថាកាលពីសប្តាហ៍មុនដែលលោកបានប្រាប់សមាជិកសភាថា ប្រទេសចិនមានសមត្ថភាពបង្កើនការលុកលុយប្រឆាំងតៃវ៉ាន់នៅឆ្នាំ ២០២៥ ខណៈមានភាពតានតឹងធ្ងន់ធ្ងរបំផុតក្នុងរយៈពេលជាច្រើនទសវត្សរ៍មកនេះ ។
កាលពីដើមខែនេះ យោធាចិនបានធ្វើការហោះហើរយន្តហោះជាង ១០០ គ្រឿងតាមបណ្ដោយកោះតៃវ៉ាន់ក្នុងរយៈពេលពីរបីថ្ងៃ ពោលជាសកម្មភាពមួយដែលត្រូវបានគេមើលឃើញថាជាការព្រមានទាំងនៅក្នុងតំបន់ និងក្រៅប្រទេស ហើយបានបង្កឲ្យមានការព្រួយបារម្ភថា ភាគីទាំងពីរអាចផ្ទុះសង្គ្រាមលោកលើកទី ៣ ។
ជាការឆ្លើយតបទៅនឹងការព្រមាននេះ មន្រ្តីចិនបានអះអាងថា ការហោះហើរនេះគឺជាផ្នែកមួយនៃកិច្ចខិតខំប្រឹងប្រែងធំជាងមុនរបស់ទីក្រុងប៉េកាំង ដើម្បីការពារអធិបតេយ្យភាព និងទឹកដីរបស់ចិន ហើយបានបន្ទោសរដ្ឋាភិបាលឯករាជ្យរបស់តៃវ៉ាន់ ចំពោះការបង្កើនភាពតានតឹងនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ចិន ផ្ទុះកំហឹងលើ អាមេរិក ក្រោយដាក់ពង្រាយកងទ័ពដោយសម្ងាត់នៅ តៃវ៉ាន់
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៨ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)