ព័ត៌មានអន្ដរជាតិ

លោក ត្រាំ នឹងបើកដំណើរការបណ្តាញសង្គមផ្ទាល់ខ្លួនស្រដៀង Twitter ដើមខែក្រោយ

បានផុស

២ years មុន

នៅ

ថ្ងៃព្រហស្បតិ៍ ២១ តុលា ២០២១

ដោយ

លោក ដូណាល់ ត្រាំ បានប្រកាសពីផែនការចាប់ផ្តើមដំណើរការបណ្តាញទំនាក់ទំនងសង្គមផ្ទាល់ខ្លួនមួយឈ្មោះ TRUTH Social មានន័យថា «សច្ចធម៌សង្គម»នាដើមឆ្នាំក្រោយនេះ។

យោងការលេចចេញជាសាធារណៈបង្ហាញថា ស្គ្រីនសតអំពីបណ្តាញ Truth Social បង្ហាញឲ្យឃើញពីទម្រង់គណនីប្រើប្រាស់មានលក្ខណៈប្រហាក់ប្រហែលនឹងគណនី Twitter ដែរ។ ឈ្មោះ Truth Social ត្រូវបានដាក់និម្មិតសញ្ញាពាណិជ្ជកម្មដោយក្រុមហ៊ុន Trump Group Corp កាលពីខែកក្កដា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំណភ្ជាប់ទៅវេបសាយ Truth Social ជាប់ផ្ទាល់ទៅអ្នកប្រើប្រាស់សម្រាប់បញ្ជីដែលរង់ចាំ ឬការបញ្ជាមុននៅលើកម្មវិធី (app) តាមរយៈ Apple App Store។

អតីតប្រធានាធិបតីសហរដ្ឋអាមេរិកទី៤៥ដែលត្រូវបានបណ្តាញទំនាក់ទំនងសង្គម Facebook និង Twitter ហាមកាលពីដើមឆ្នាំនេះបាននិយាយថា គោលបំណងរបស់លោកគឺដើម្បីប្រកួតប្រជែងជាមួយក្រុមហ៊ុនបច្ចេកវិទ្យាដែលបានហាមលោក។

លោក ត្រាំ និយាយក្នុងសេចក្តីប្រកាសមួយថា ៖«ខ្ញុំរីករាយដើម្បីបានចាប់ផ្តើមចែករំលែកគំនិតរបស់ខ្ញុំនៅលើគណនី TRUTH ហើយប្រយុទ្ធប្រឆាំងនឹងបច្ចេកវិទ្យាធំ»។

លោក ដូណាល់ ត្រាំ បានប្រកាសដំណឹងនៅក្នុងសេចក្តីប្រកាសព័ត៌មានមួយកាលពីថ្ងៃពុធដោយបាននិយាយថា បណ្តាញសង្គមនេះនឹងបើកឲ្យប្រើប្រាស់សម្រាប់អ្នកដែលត្រូវបានអញ្ជើញនៅខែដើមខែវិច្ឆិកាខាងមុខនេះ ដោយមានផែនការបង្កើតឲ្យកាន់តែទូលំទូលាយដល់សាធារណជននៅដើមឆ្នាំ២០២២។

បណ្តាញទំនាក់ទំនង Truth នឹងក្លាយជាផលិតថ្មីមួយរបស់ក្រុមហ៊ុន Trump Media & Technology Group ដែលត្រូវបានបង្កើតឡើងតាមរយៈការរួមបញ្ចូលជាមួយក្រុមហ៊ុន Digital World Acquisition Corp។ គ្រុបនេះបាននិយាយថា ខ្លួនស្វែងរកដើម្បីក្លាយជាក្រុមហ៊ុនចុះបញ្ជីជាសាធារណៈ។

កាលពីខែកក្កដា លោក ត្រាំបានដាក់ពាក្យប្តឹងក្រុមហ៊ុន Facebook, Twitter និង Google ដែលបានចោទប្រកាន់លោកពីពិរុទ្ធភាព។ រហូតដល់ពេលនេះ ក្រុមហ៊ុនទាំងនេះនៅតែរក្សាបំរាម និងផ្អាកការប្រើប្រាស់របស់អតីតប្រធានាធិបតីរូបនេះដដែរ បើទោះជា Facebook មានគម្រោងពិនិត្យមើលការសម្រេចចិត្តរបស់ខ្លួនឡើងវិញក្នុងរយៈពេល២ឆ្នាំ៕

ប្រែសម្រួល៖ វីរបុត្រ
ប្រភព៖ theguardia

Related Topics:លោក ដូណាល់ ត្រាំ