ព័ត៌មានអន្ដរជាតិ
ស្លាប់ ដល់ទៅជាង ១ពាន់នាក់ ក្រោយចាក់វ៉ាក់សាំងកូវីដ នៅ ថៃ
លោកវិជ្ជបណ្ឌិត Chawetsan Namwat ប្រធានផ្នែកគ្រោះថ្នាក់សុខភាពបន្ទាន់ និងការគ្រប់គ្រងជំងឺនៅនាយកដ្ឋានគ្រប់គ្រងជំងឺរបស់ក្រសួងសុខាភិបាលថៃ បាននិយាយថា គិតត្រឹមថ្ងៃទី២៤ខែតុលា មានរបាយការណ៍នៃការស្លាប់មនុស្សចំនួន ១,២៩៦ នាក់បន្ទាប់ពី បានចាក់វ៉ាក់សាំងបង្ការជំងឺកូវីដ-១៩ ហើយអ្នកជំនាញដែលមានភារកិច្ចស៊ើបអង្កេតការស្លាប់ បានពិនិត្យមើលករណីចំនួន ៨៤២ករណី។ នេះបើយោងតាមការចុះផ្សាយរបស់កាសែត បាងកកប៉ុស្តិ៍ កាលពីថ្ងៃទី ៤ ខែវិច្ឆិកា។
ទោះបីជាយ៉ាងណាក៏ដោយ លោកនិយាយថា ការស្លាប់ចំនួន ៥៤១នាក់ ត្រូវបានរកឃើញថាជាព្រឹត្តិការណ៍កើតឡើងព្រមគ្នា ដែលនេះមានន័យថា ការស្លាប់ព្រមគ្នានេះគឺបណ្តាលមកពីជំងឺផ្សេងទៀត ហើយមិនមានពាក់ព័ន្ធនឹងការចាក់វ៉ាក់សាំងនោះទេ។
ព្រឹត្តិការណ៍កើតឡើងព្រមគ្នារួមមានមនុស្សចំនួន ២៥៧នាក់ដែលមានជំងឺរលាកសួតធ្ងន់ធ្ងរ, ១០៩នាក់មានជំងឺសរសៃឈាមបេះដូង, ៣៧នាក់មានជំងឺដាច់សរសៃឈាមខួរក្បាលនិង២៩នាក់ មានការឆ្លងមេរោគឈាម។
លើសពីនេះ មនុស្ស៨នាក់មានការហូរឈាមក្នុងពោះ, ៦នាក់មានជំងឺមហារីកសួត, ៤នាក់ស្ទះសរសៃឈាមសួតឬកំណកឈាមក្នុងសួត, ២នាក់មានជំងឺមហារីកសុដន់ និង២នាក់មានជំងឺថ្លើមបន្ទាប់ពីទទួលទានផ្សិតពុល។
អ្នកជំនាញក៏បានរកឃើញផងដែរថា ពួកគេមិនអាចកំណត់ថាតើការស្លាប់មនុស្សចំនួន៦៦នាក់ បណ្តាលមកពីការចាក់វ៉ាក់សាំងឬក៏អត់នោះទេ។ ព្រឹត្តិការណ៍ដែលមិនអាចកំណត់បាន រួមមានអ្នកស្លាប់ចំនួន៤៧នាក់ ដែលមានជំងឺសរសៃឈាមបេះដូង។
ហើយក៏មិនមានព័ត៌មានគ្រប់គ្រាន់សម្រាប់អ្នកជំនាញដើម្បីកំណត់ថាតើ ការស្លាប់ចំនួន៤១នាក់ មានជាប់ទាក់ទងនឹងការចាក់វ៉ាក់សាំងកូវីដដែរឬក៏អត់នោះដែរ៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ ថៃ បញ្ជាក់ អ្នកទោសនៅ ឈៀងម៉ៃ ឆ្លងវីរុសកូវីដក្លាយពូជ មិនខ្លាចវ៉ាក់សាំង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ