ព័ត៌មានអន្ដរជាតិ

ប្រទេសស៊ុយអែតជិតទទួលបាននាយករដ្ឋមន្ត្រីជាស្ត្រីលើកដំបូង

បានផុស

៥ years មុន

នៅ

ថ្ងៃសុក្រ ៥ វិច្ឆិកា ២០២១

ដោយ

រដ្ឋមន្ត្រីក្រសួងហិរញ្ញវត្ថុ លោកស្រី Magdalena Andersson ត្រៀមខ្លួនក្លាយជានាយករដ្ឋមន្ត្រីស្ត្រីជាលើកដំបូងរបស់ប្រទេសស៊ុយអែត បន្ទាប់ពីកាលពីថ្ងៃព្រហស្បតិ៍ម្សិលមិញ គណបក្សសង្គមប្រជាធិបតេយ្យកំពុងកាន់កំណាចបានបោះឆ្នោតជ្រើសរើសលោកស្រីជាមេដឹកនាំបក្សដើម្បីជំនួសលោក Stefan Lofven។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Lofven ដែលជាប្រធានគណបក្ស និងជានាយករដ្ឋមន្ត្រីបច្ចុច្បន្នចង់ចុះចេញពីតំណែងមុនពេលការបោះឆ្នោតសកលដែលគ្រោងធ្វើនៅខែកញ្ញា ឆ្នាំ២០២២។ សម្ព័ន្ធមិត្តភាគតិចរបស់លោកជាមួយគណបក្សបៃតង (Green Party) បានតស៊ូជាមួយគ្នាតាំងពីកាន់អំណាចឆ្នាំ២០១៤ ហើយលោកស្រី Andersson នឹងត្រូវការគាំទ្រពីបក្សគណបក្សបៃតង ព្រមទាំងគណបក្សឆ្វេង និងកណ្តាលនិយមដើម្បីបន្តតំណែងពីលោក Lofven ក្នុងនាមជាមេដឹកនាំប្រទេស។

ប្រសិនបើកាន់តំណែងនាយករដ្ឋមន្ត្រី លោកស្រី Andersson នឹងប្រឈមការចរចាថវិកាដ៏លំបាកក្នុងឆ្នាំនេះ និងចាំបាច់ត្រូវផ្លាស់ប្តូរឱនភាពនៅក្នុងការស្ទង់មតិ ប្រសិនបើលោកស្រីត្រូវបន្តតំណែងជានាយករដ្ឋមន្ត្រីចាប់ពីខែកញ្ញាឆ្នាំក្រោយ។

លោកស្រីបាននិយាយថា អាទិភាពរបស់លោកស្រីគឺកាត់បន្ថយតួនាទីរបស់ឯកជនក្នុងវិស័យអប់រំ សុខាភិបាល និងសេវាថែទាំមនុស្សចាស់ ការដោះស្រាយបញ្ហាអាកាសធាតុប្រែប្រួល និងរលកនៃឧក្រិដ្ឋកម្មរបស់ស៊ុយអែត។

លោកស្រី Andersson ក្រោយត្រូវបានបោះឆ្នោតជាប្រធានគណបក្ស

លោកស្រីមានប្រសាសន៍ថា ៖«ចំពោះបញ្ហាទាំងអស់ដែលយើងមាន វាច្បាស់ណាស់សម្រាប់មនុស្សដែលយើងត្រូវធ្វើការជាមួយគ្នាបន្ថែមទៀត»។

ស្ត្រីវ័យ៥៤ឆ្នាំនឹងក្លាយជានាយករដ្ឋមន្ត្រី ប្រសិនបើសំឡេងភាគច្រើននៅសភាបោះឆ្នោតគាំទ្រលោកស្រីដែលប្រហែលជាអាចនឹងធ្វើក្នុងខែនេះ៕

ប្រែសម្រួល៖ វីរបុត្រ
ប្រភព៖ reuters

Related Topics:ប្រទេសស៊ុយអែត

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា