អាមេរិក អញ្ជើញប្រទេសចំនួន ១១០ ចូលរួមកិច្ចប្រជុំស្ដីពីលទ្ធិប្រជាធិបតេយ្យ តែមិនខ្ចីហៅ ចិន និងរុស្ស៊ី (មានវីដេអូ)
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អាមេរិក អញ្ជើញប្រទេសចំនួន ១១០ ចូលរួមកិច្ចប្រជុំស្ដីពីលទ្ធិប្រជាធិបតេយ្យ តែមិនខ្ចីហៅ ចិន និងរុស្ស៊ី (មានវីដេអូ)

បានផុស

នៅ

បើយោងតាមបញ្ជីមួយដែលបានបង្ហោះនៅលើគេហទំព័រក្រសួងការបរទេសកាលពីថ្ងៃអង្គារបានឲ្យដឹងថា ប្រធានាធិបតីអាមេរិកលោក ចូ បៃដិន បានអញ្ជើញប្រទេសប្រហែល ១១០ ឲ្យចូលរួមកិច្ចប្រជុំកំពូលស្តីពីលទ្ធិប្រជាធិបតេយ្យតាមអនឡាញក្នុងខែធ្នូ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសរុស្ស៊ី និងចិន ដែលជាគូប្រជែងសំខាន់របស់សហរដ្ឋអាមេរិក មិនត្រូវបានអញ្ជើញនោះទេ ប៉ុន្តែបែរជាមានតៃវ៉ាន់ទៅវិញ ពោលជាទង្វើដែលប្រថុយនឹងការខឹងសម្បាររបស់ទីក្រុងប៉េកាំង ខណៈប្រទេសតួកគី ដែលជាសមាជិកអង្គការ NATO របស់អាមេរិកក៏បាត់ខ្លួនពីបញ្ជីអ្នកចូលរួមផងដែរ ។

ក្នុង​ចំណោម​ប្រទេស​នៅ​មជ្ឈិមបូព៌ាដូចជា ​​អ៊ីស្រាអែល ​អ៊ីរ៉ាក់ ឥណ្ឌា និងប៉ាគីស្ថានមានឈ្មោះក្នុងបញ្ជីសម្រាប់​សន្និសីទតាម​អនឡាញនេះ ដែល​គ្រោង​ធ្វើ​នៅ​ថ្ងៃ​ទី ៩-១០ ខែ​ធ្នូ ។ ចំណែកសម្ព័ន្ធមិត្តអារ៉ាប់របស់អាមេរិកដូចជា អេហ្ស៊ីប អារ៉ាប៊ីសាអូឌីត ហ្ស៊កដានី កាតា និងអារ៉ាប់រួម មិនត្រូវបានអញ្ជើញទេ ។

ទន្ទឹមនោះលោក បៃដិន បានអញ្ជើញប្រេស៊ីល បើទោះបីជាប្រធានាធិបតីស្តាំនិយមរបស់ពួកគេលោក Jair Bolsonaro ត្រូវបានគេរិះគន់ថា មានអំណាចផ្តាច់ការ និងជាអ្នកគាំទ្រដ៏រឹងមាំរបស់លោក ដូណាល់ ត្រាំ ក៏ដោយ ។

រីឯនៅអឺរ៉ុបវិញ ប្រទេសប៉ូឡូញត្រូវបានអញ្ជើញឲ្យចូលរួមក្នុងកិច្ចប្រជុំកំពូលនេះ បើទោះបីជាមានភាពតានតឹងជាប់រហូតជាមួយសហភាពអឺរ៉ុបជុំវិញកំណត់ត្រាសិទ្ធិមនុស្សរបស់ខ្លួនក៏ដោយ ខណៈហុងគ្រីដែលដឹកនាំដោយនាយករដ្ឋមន្ត្រីជាតិនិយមរឹងរូស Viktor Orban មិនត្រូវបានអញ្ជើញទេ ។

ស្របពេលជាមួយគ្នានេះនៅទ្វីបអាហ្រ្វិក សាធារណរដ្ឋប្រជាធិបតេយ្យកុងហ្គោ អាហ្រ្វិកខាងត្បូង នីហ្សេរីយ៉ា និងនីហ្សេរ ក៏ស្ថិតក្នុងចំណោមបញ្ជីប្រទេសដែលត្រូវបានកោះអញ្ជើញផងដែរ ។

គួររំឭកថា នៅក្នុងការប្រកាសពីកិច្ចប្រជុំកំពូលកាលពីខែសីហា សេតវិមានបាននិយាយថា កិច្ចប្រជុំនេះនឹងធ្វើឲ្យមានការប្តេជ្ញាចិត្ត និងការផ្តួចផ្តើមគំនិតលើប្រធានបទសំខាន់ៗចំនួន ៣ ដូចជា ការការពារប្រឆាំងនឹងរបបផ្តាច់ការ ការប្រយុទ្ធប្រឆាំងនឹងអំពើពុករលួយ និងការលើកកម្ពស់ការគោរពសិទ្ធិមនុស្ស ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ NDTV

ចុចអាន ៖ អាមេរិក ហាត់សមវាយប្រហារនុយក្លេអ៊ែរលើ រុស្ស៊ី 

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៥ នាទី មុន

AFF​ Cup៖​ បើក​ឆាក​ កម្ពុជា​ ចាញ់​​ ម៉ាឡេស៊ី​ ១-៣

ព័ត៌មានជាតិ១៤ នាទី មុន

សំណង់​មន្ទីរពេទ្យ​ពហុ​ជំនាញ​ភ្នំពេញ​នឹង​ត្រូវ​សាងសង់​ឡើង​កម្ពស់​២៦​ជាន់ ដោយ​ប្រើប្រាស់​ពេល​នៃ​ការសាងសង់​ប្រមាណ​៤​ទៅ​៥​ឆ្នាំ​

ព័ត៌មានជាតិ២៨ នាទី មុន

រង្វង់​មូល​ស្រអែម នៅ​ស្រុក​ជាំ​ក្សាន្ត បាន​សម្ពោធ​កាត់​ខ្សែបូ​ដាក់​ឲ្យ​ប្រើប្រាស់​ជា​ផ្លូវការ​

ជីវិតកម្សាន្ដ៣២ នាទី មុន

ថ្នាក់ដឹកនាំកំពូលៗក្នុងជួរដ្ឋាភិបាល តារាចម្រៀងល្បីៗ ផ្តល់កិត្តិយសចូលរួមក្នុងពិធីមង្គលប្អូនស្រីពៅ អ្នកឧកញ៉ា ឡេង ណាវ៉ាត្រា

ព័ត៌មានជាតិ៣៩ នាទី មុន

ប្រមុខ​រាជរដ្ឋាភិបាល អំពាវនាវ​ឲ្យ​ពង្រឹង​សមត្ថភាព​វិស័យ​សុខាភិបាល និង​ប្រយុទ្ធប្រឆាំង​ជំងឺ​កូ​វីដ​១៩ ដើម្បី​កុំឱ្យ​បរទេស​មើលងាយ

Sokha Hotels

ព័ត៌មានពេញនិយម

Helistar Cambodia - Helicopter Charter Services