រដ្ឋមន្ត្រីការបរទេស ភូមា ដែលកំពុងធ្វើទស្សនកិច្ចនៅ កម្ពុជា នាពេលនេះ តើលោកជានរណា?
Connect with us

ព័ត៌មានអន្ដរជាតិ

រដ្ឋមន្ត្រីការបរទេស ភូមា ដែលកំពុងធ្វើទស្សនកិច្ចនៅ កម្ពុជា នាពេលនេះ តើលោកជានរណា?

បានផុស

នៅ

លោក Wunna Maung Lwin រដ្ឋមន្រ្តីការបរទេសភូមាកំពុងបំពេញទស្សនកិច្ចក្នុងលក្ខណៈពិសេសសមួយនៅ ក្នុងប្រទេសកម្ពុជា ។ នៅ ព្រឹកថ្ងៃអង្គារនេះ លោកមានជំនួបពិភាក្សាការងាររដ្ឋមន្រ្តីការបរទេសកម្ពុជា លោកប្រាក់ សុខុន ហើយបន្ទាប់មកនឹងចូលជួបសម្តែងការគួរសមជាមួយសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានៅ វិមានសន្តិភាព ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Wunna Maung Lwin ដែលកំពុងបំពេញទស្សនកិច្ចផ្លូវការនៅ កម្ពុជារយៈពេល ២ ថ្ងៃគឺចាប់ពីថ្ងៃទី ៦ ដល់ ៧ ខែធ្នូ ឆ្នាំ២០២១ នេះ គឺជាអ្នកនយោបាយភូមា និងជារដ្ឋមន្ត្រីក្រសួងការបរទេសរបស់រដ្ឋាភិបាលកំពុងកាន់អំណាចលោក Min Aung Hlaing ។

លោកត្រូវបានតែងតាំងដោយក្រុមប្រឹក្សារដ្ឋបាលរដ្ឋ បន្ទាប់ពីរដ្ឋប្រហារមីយ៉ាន់ម៉ាកាលពីថ្ងៃទី ១ ខែកុម្ភៈ ឆ្នាំ ២០២១ ។ លោកក៏បានបម្រើការជារដ្ឋមន្ត្រីការបរទេសទី ១៩ នៃប្រទេសមីយ៉ាន់ម៉ាពីឆ្នាំ ២០១១ ដល់ឆ្នាំ ២០១៦ ក្រោមការតែងតាំងរបស់អតីតប្រធានាធិបតីលោក Thein Sein ។

នៅ ក្នុងការបោះឆ្នោតសកលឆ្នាំ ២០២០ លោក Wunna Maung Lwin បានចាញ់គូប្រជែងរបស់លោកមកពីគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់លោកស្រី អ៊ុងសាន ស៊ូជី គឺលោក Kyaw Htwe ។ 

ប៉ុន្តែក្រោយរដ្ឋប្រហារឆ្នាំ ២០២១ លោក Min Aung Hlaing បានតែងតាំងគាត់ជារដ្ឋមន្ត្រីការបរទេស ហើយកាលពីថ្ងៃទី២៤ ខែកុម្ភៈ លោក Wunna Maung Lwin បានជួបជាមួយរដ្ឋមន្ត្រីការបរទេសថៃលោក Don Pramudwinai និងរដ្ឋមន្ត្រីការបរទេសឥណ្ឌូនេស៊ី Retno Marsudi នៅ ប្រទេសថៃ ។ ពេលនោះ លោកក៏បានជួបជាមួយនាយករដ្ឋមន្ត្រីថៃ លោក ប្រាយុទ្ធ ចាន់អូចា ផងដែរ ក្នុងដំណើរទៅ បរទេសជាលើកដំបូងរបស់សមាជិកគណៈរដ្ឋមន្ត្រីយោធាមីយ៉ាន់ម៉ា ។ 

គួរបញ្ជាក់ថា លោកបានចូលបម្រើការងារការទូតមីយ៉ាន់ម៉ានៅ ឆ្នាំ ២០០០ បន្ទាប់ពីកាន់ការងារដ៏យូរនៅ ក្នុងកងកម្លាំងប្រដាប់អាវុធមីយ៉ាន់ម៉ាពីឆ្នាំ ១៩៧១ ដល់ឆ្នាំ ១៩៩៨ ។

មុនពេលដែលកាន់តំណែងនាពេលបច្ចុប្បន្ននេះ លោកបានបម្រើការជាអគ្គនាយកនៃក្រសួងកិច្ចការព្រំដែនមីយ៉ាន់ម៉ាពីខែកក្កដា ឆ្នាំ ១៩៩៨ ដល់ខែកញ្ញា ឆ្នាំ ២០០០, ឯកអគ្គរដ្ឋទូតមីយ៉ាន់ម៉ាប្រចាំប្រទេសអ៊ីស្រាអែលពីឆ្នាំ ២០០០ ដល់ឆ្នាំ ២០០១, ប្រទេសបារាំងពីឆ្នាំ ២០០១ ដល់ឆ្នាំ ២០០៤, បែលហ្ស៊ិក និងសហភាពអឺរ៉ុបពីឆ្នាំ ២០០៤ ដល់ឆ្នាំ ២០០៧ និងជាតំណាងអចិន្ត្រៃយ៍ប្រចាំអង្គការសហប្រជាជាតិ (UN) នៅ ទីក្រុងហ្សឺណែវ ប្រទេសស្វីសពីឆ្នាំ ២០០៧ ដល់ឆ្នាំ ២០១១ ៕

ប្រែសម្រួលដោយ ៖ ជីវ័ន្ត

ប្រភព ៖ Wikipedia

ចុចអាន ៖ សម្ដេចតេជោ នឹងជួប រដ្ឋមន្ត្រីការបរទេសភូមា ដើម្បីពិភាក្សាពីវិបត្តិនៅ ក្នុងប្រទេសនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ចរាចរណ៍១ ម៉ោង មុន

បុរស​ម្នាក់​ជិះ​ម៉ូតូ​ប៉ះ​រថយន្ត​ចត​ស្ងៀម​មុខ​ផ្ទះ​ បណ្ដាល​ឲ្យ​រង​របួស​ធ្ងន់

ជីវិតកម្សាន្ដ៣ ម៉ោង មុន

ប៉ែន ចំ​រ៉ុង ចាត់ទុក​លោក ហ្វៃ សំអាង ជា​អ្នកមាន​គុណ​ដំបូង​គេ​លើ​វិស័យ​ភាពយន្ត

ជីវិតកម្សាន្ដ៣ ម៉ោង មុន

ខេ​មរៈ​ សិរីមន្ត ធ្វើ​ពិធីបុណ្យ​គំរប់​ខួប​៣​ឆ្នាំ ខេ​មរៈ ស្រី​ពៅ យ៉ាង​អធិកអធម

ជីវិតកម្សាន្ដ៥ ម៉ោង មុន

រឿងរ៉ាវនាយ ចយ និងភរិយា ​ត្រូវសារព័ត៌មានវៀតណាមយកទៅចុះផ្សាយបែបនេះ

ព័ត៌មានជាតិ៥ ម៉ោង មុន

មន្ត្រី​នៅតែ​ទទូច​ឲ្យ​អ្នកពាក់ព័ន្ធ​ចូលរួម​ផ្តល់​ជា​មតិយោបល់​លើ​សេចក្ដីព្រាងច្បាប់​បង្កើត “​គណៈកម្មាធិការ​ជាតិ​សិទ្ធិមនុស្ស​កម្ពុជា​”

Sokha Hotels

ព័ត៌មានពេញនិយម