ស្អែកនេះ សម្ដេចតេជោ នឹងជួប រដ្ឋមន្ត្រីការបរទេសភូមា ដើម្បីពិភាក្សាពីវិបត្តិនៅក្នុងប្រទេសនេះ
Connect with us
Helistar Cambodia - Helicopter Charter Services

នយោបាយ

ស្អែកនេះ សម្ដេចតេជោ នឹងជួប រដ្ឋមន្ត្រីការបរទេសភូមា ដើម្បីពិភាក្សាពីវិបត្តិនៅក្នុងប្រទេសនេះ

បានផុស

នៅ

ប្រមុខរដ្ឋាភិបាលកម្ពុជា សម្តេចតេជោ ហ៊ុន​ សែន នៅព្រឹកថ្ងៃចន្ទនេះ បានអះអាងថា នៅថ្ងៃអង្គារ ស្អែកនេះ សម្តេចនឹងជួបពិភាក្សាជាមួយរដ្ឋមន្រ្តីការបរទេសភូមា ដើម្បីពិភាក្សាពីស្ថានភាព និងវិបត្តិដែលកំពុងកើតមាននៅក្នុងប្រទេសភូមា។ សម្តេច បានគូសបញ្ជាក់ថា សម្តេច និងរដ្ឋមន្រ្តីការបរទេសភូមា នឹងមានបញ្ហាជាច្រើនដែលត្រូវលើកមកជជែកពិភាក្សាគ្នា ដើម្បីស្វែងរកលទ្ធភាពអាចឱ្យភូមាវិលមមចូលរួមកិច្ចប្រជុំអាស៊ានបានឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមគម្រោង រដ្ឋមន្រ្តីការបរទេសភូមា លោក វុនណា ម៉ោងលីន (Wunna Maung Lwin) នឹងមកបំពេញទស្សនកិច្ចផ្លូវការនៅកម្ពុជារយៈពេល២ថ្ងៃនៅកម្ពុជា គឺចាប់ពីថ្ងៃទី០៦ ដល់០៧ ខែធ្នូ ឆ្នាំ២០២១។ លោករដ្ឋមន្រ្តីការបរទេសភូមា មកដល់នៅម៉ោងប្រមាណ១១ ព្រឹកនេះ ហើយនៅរសៀលនេះ លោកនឹងអញ្ជើញធ្វើទស្សនកិច្ចនៅព្រះបរមរាជវាំង រមណីយដ្ឋានវត្តភ្នំ និងជិះទូកកម្សាន្តតាមមាត់ទន្លេចតុមុខ។

នៅក្នុងដំណើរបំពេញទស្សនកិច្ចផ្លូវការនៅកម្ពុជានេះ គឺនៅថ្ងៃទី០៧ ខែធ្នូ ឆ្នាំ២០២១ លោក វុនណា ម៉ោងលីន នឹងអញ្ជើញចូលជួបសម្តែងការគួរសម និងពិភាក្សាការងារជាមួយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជជាណាចក្រកម្ពុជា នៅវិមានសន្តិភាព។ បន្ទាប់ពីជួបពិភាក្សាការងារជាមួយសម្តេចតេជោ ហ៊ុន សែន រួច លោកនឹងអញ្ជើញជួបពិភាក្សាជាមួយលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នៅក្រសួងការបរទេស៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services