ព័ត៌មានអន្ដរជាតិ

ដូចការគិតប៉ុន្មានថ្ងៃមុន ឥឡូវបារាំងមានអ្នកឆ្លងកូវីដថ្មីក្នុង១ថ្ងៃជាង១០ម៉ឺននាក់

បានផុស

២ years មុន

នៅ

ថ្ងៃចន្ទ ២៧ ធ្នូ ២០២១

ដោយ

ប្រទេសបារាំងមានករណីឆ្លងកូវីដ-១៩ជាង១០ម៉ឺននាក់ជាលើកដំបូងក្នុងមួយថ្ងៃដែលជាកំណត់ត្រាខ្ពស់បំផុតថ្មីរបស់ខ្លួនកាលពីថ្ងៃសៅរ៍កន្លងទៅគឺចំនួន១០៤៦១១នាក់ ចាប់តាំងពីវីរុសបំប្លែងខ្លួនថ្មី Omicron បានរាតត្បាតយ៉ាងលឿន។

អាជ្ញាធរសុខាភិបាលបារាំងបាននិយាយថា ចំនួនអ្នកជំងឺកូវីដ-១៩ធ្ងន់ធ្ងរបានកើនឡើងពី២៨នាក់ដល់៣២៨២នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូចការគិតរបស់លោក Olivier Veran រដ្ឋមន្ត្រីក្រសួងសុខាភិបាលកាលពីថ្ងៃពុធ ទី២២ ខែធ្នូកន្លងទៅនេះថា ប្រទេសបារាំងអាចនឹងមានករណីឆ្លងកូវីដ-១៩ប្រមាណ១០ម៉ឺននាក់ក្នុងមួយថ្ងៃឆាប់ៗ បន្ទាប់ពីមានអ្នកប្រមាណ៧ម៉ឺននាក់ក្នុងមួយៗថ្ងៃក្នុងរលកទី៥។ កន្លងទៅទើបតែប៉ុន្មានថ្ងៃសៅរ៍ ចំនួនឆ្លងថ្មីបានកើនឡើងជាង១០នាក់ចំពេលរដូវកាលក្នុងការធ្វើដំណើរមមាញឹកខ្លាំងនាចុងឆ្នាំ។

លោក Veran បានបញ្ជាក់ថា វីរុសបំប្លែងខ្លួនថ្មី Omicron នឹងរាតត្បាតខ្លាំងជាងវីរុសផ្សេងៗទៀតនៅក្នុងប្រទេសបារាំងនាខែមករា ឆ្នាំ២០២២ខាងមុខនេះ៕

ប្រែសម្រួល៖ វីរបុត្រ
ប្រភព៖ Reuters