ពូទីន សាទរ ប្រតិបត្តិការពិសេសនៅអ៊ុយក្រែន ក្នុងខួបនៃការកាត់យក ឧបទ្វីប គ្រីមៀ

លោកប្រធានាធិបតី វ្ល៉ាឌីមៀ ពូទីន បានសាទរចំពោះ “ប្រតិបត្តិការពិសេស” របស់រុស្ស៊ី នៅអ៊ុយក្រែន អំឡុងការប្រារព្ធខួបនៃការកាត់បញ្ចូលឧបទ្វីប គ្រីមៀ ជាឧបសម្ព័ន្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡដ្ឋាន Luzhniki ក្នុងទីក្រុងមូស្គូ ដែលជាកន្លែងរៀបចំការប្រកួតវគ្គផ្តាច់ព្រ័ត្របាល់ទាត់ពានរង្វាន់ World Cup ឆ្នាំ២០១៨ គឺមានការជួបជុំ ជាមួយនឹងការច្រៀងបទចម្រៀងស្នេហាជាតិ ហើយមនុស្សបានគ្រវីទង់ជាតិរុស្ស៊ី និងស្រែកថា “រុស្ស៊ី! រុស្ស៊ី! រុស្ស៊ី!”។

ក្នុងព្រឹត្តិការណ៍នោះ លោកប្រធានាធិបតី ពូទីន បានថ្លែងសន្ទរកថាពីឆាកមួយ បន្ទាប់ពីពិភាក្សាអំពីប្រតិបត្តិការយោធារបស់ទីក្រុងមូស្គូនៅអ៊ុយក្រែន ជាមួយក្រុមប្រឹក្សាសន្តិសុខរបស់លោកកាលពីថ្ងៃសុក្រទី១៨ខែមីនា។

លោកបានប្រាប់ក្រុមអ្នកគាំទ្រថា “យើងនឹងអនុវត្តផែនការរបស់យើងទាំងអស់។ គោលបំណងសំខាន់នៃការវាយលុក អ៊ុយក្រែនគឺដើម្បី ជួយសង្គ្រោះប្រជាជនពីការរងទុក្ខវេទនា និងអំពើប្រល័យពូជសាសន៍”។

លោក​បន្ត​ថា “ទាហាន​រុស្ស៊ី​កំពុង​ប្រយុទ្ធដោយកៀកស្មា​គ្នា នៅ​ក្នុង​ប្រទេស​អ៊ុយក្រែន។ យើង​មិន​មាន​ការ​រួបរួម​បែប​នេះអស់​រយៈពេលជា​យូរ​មក​ហើយ។ គោលដៅរបស់ទីក្រុង មូស្គូ នឹងបានសម្រេច”៕

ប្រែសម្រួល៖ Vann Vann

ប្រភព៖ Sky

ចុចអាន៖ ជប៉ុន ប្រទះឃើញនាវាចម្បាំងរុស្ស៊ីដឹកសុទ្ធតែរថយន្តយោធា ឆ្លងកាត់កោះរបស់ខ្លួន ទំនងទៅអ៊ុយក្រែន