យុទ្ធនាការចាក់វ៉ាក់សាំងការពារកូវីដនៅអាមេរិកចាប់ផ្តើមហើយ

គិលានុប្បដ្ឋាយិកាប្រចាំផ្នែកសង្គ្រោះបន្ទាន់ក្រុងញូវយ៉កនៅថ្ងៃអង្គារនេះបានក្លាយជាមនុស្សដំបូងគេនៅសហរដ្ឋអាមេរិកដែលទទួលបានវ៉ាក់សាំងការពារជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បង្កើតឡើងដោយក្រុមហ៊ុន Pfizer Inc និងដៃគូអាល្លឺម៉ង់ BioNTech SE, វ៉ាក់សាំងនេះបានទទួលការអនុញ្ញាតឲ្យប្រើប្រាស់ជាបន្ទាន់នៅសហរដ្ឋអាមេរិកកាលពីថ្ងៃសុក្រ។

នៅយប់ថ្ងៃចន្ទ វ៉ាក់សាំងត្រូវបានដឹកជញ្ជូនទៅស្ទើរតែទាំងអស់នៃទីតាំងចែកចាយចំនួន១៤៥កន្លែងក្នុងសហរដ្ឋអាមេរិក។

ការមកដល់របស់វ៉ាក់សាំងនេះបានផ្តល់នូវភាពធូរស្បើយខ្លះស្របពេលប្រទេសនេះបានបាត់បង់ជីវិតមនុស្សប្រមាណ៣០០,០០០នាក់ដោយសារជំងឺកូវីដ១៩។ ករណីឆ្លងជាង១៦លានករណីត្រូវបានកត់ត្រានៅសហរដ្ឋអាមេរិក។

ដំណើរការនៃការដឹកជញ្ជូនវ៉ាក់សាំងចំនួន២.៩លានដូសដំបូងបានចាប់ផ្តើមកាលពីថ្ងៃអាទិត្យពោលគឺក្នុងរយៈពេលទើបតែ១១ខែប៉ុណ្ណោះបន្ទាប់ពីសហរដ្ឋអាមេរិកបានរាយការណ៍ករណីដំបូងនៃជំងឺនេះ។

វ៉ាក់សាំងដំបូងត្រូវបានចាក់ឲ្យអ្នកជំនាញថែទាំសុខភាពនិងអ្នករស់នៅមណ្ឌលថែទាំខណៈកម្មករចាំបាច់ មនុស្សចាស់និងបុគ្គលដែលមានស្ថានភាពសុខភាពរ៉ាំរ៉ៃគឺទទួលបាននាពេលបន្តបន្ទាប់។

វានឹងចំណាយពេលច្រើនខែមុនពេលការចាក់វ៉ាក់សាំងដល់សាធារណជនទូទៅមានភាពកាន់តែទូលំទូលាយហើយមន្រ្តីសុខាភិបាលបានធ្វើការព្រមានដល់ជនជាតិអាមេរិកឲ្យបន្តការយកចិត្តទុកដាក់ចំពោះវិធានការគម្លាតសង្គមនិងការពាក់ម៉ាស់ដើម្បីទប់ស្កាត់ការឆ្លងវីរុស៕

ប្រែសម្រួលដោយ៖ Vann Vann

ប្រភព៖ Reuters

ចុចអាន៖ អាមេរិកចាប់ផ្តើមប្រតិបត្តិការចែកចាយវ៉ាក់សាំងក្រុមហ៊ុន Pfizer-BioNTech ទ្រង់ទ្រាយធំ (មានវីដេអូ)

ចុចអាន៖ សហរដ្ឋអាមេរិកនឹងចាក់វ៉ាក់សាំងមន្ត្រីជាន់ខ្ពស់សេតវិមានមុនសាធារណជន