ព័ត៌មានអន្ដរជាតិ
រុស្ស៊ីបាញ់មីស៊ីល៤គ្រាប់ កងទ័ពអាមេរិកផ្អើលពេញបន្ទាយ
ការធ្វើសមយុទ្ធយោធារបស់ប្រទេសរុស្ស៊ីបានបង្កឲ្យមានការព្រមានមិនធម្មតាមួយនៅឯមូលដ្ឋានយោធាអាមេរិកដ៏សំខាន់មួយក្នុងប្រទេសអាល្លឺម៉ង់កាលពីថ្ងៃអាទិត្យថា មីស៊ីលផ្លោង Ballistic ត្រូវបានបាញ់ចេញមកហើយ។

ការព្រមាននៅមូលដ្ឋានអាកាស Ramstein បានបណ្តាលឲ្យមានភាពចលាចលនិងសំឡេងរោទិ៍ជាច្រើននាទីរហូតដល់គ្រប់យ៉ាងត្រូវបានបញ្ជាក់ច្បាស់។
ការវាយតម្លៃដំបូងគឺថា ការព្រមានអំពីមីស៊ីលអាចកើតឡើងនៅពេលផ្កាយរណបស៊ើបការណ៍អាមេរិកបានចាប់សញ្ញាឃើញការបាញ់បង្ហោះ។ ផ្កាយរណបយោធាអាមេរិកដ៏ទំនើបដែលតាមដានមីស៊ីលផ្លោងបានកំណត់ថា នាវាមុជទឹករុស្ស៊ីបានបាញ់សាកល្បងមីស៊ីលអន្តរទ្វីបចំនួន៤គ្រាប់ចេញពីទីតាំងក្រោមសមុទ្រ Okhotsk ភាគខាងលិចប្រទេសរុស្ស៊ីកាលពីថ្ងៃអាទិត្យ។

សំឡេងរោទិ៍ត្រូវបានបន្លឺឡើងក្នុងប្រទេសអាឡឺម៉ង់នៅពេលក្រោយមក។ សេចក្តីថ្លែងការណ៍មួយពីយោធាអាមេរិកប្រចាំអឺរ៉ុបនៅថ្ងៃអង្គារនេះបានទទួលស្គាល់ឧប្បត្តិហេតុនៅបន្ទាយ Ramstein និងតំបន់ជុំវិញដែលនៅទីនោះ យោធាបានទទួលការជូនដំណឹងតាមរយៈកុំព្យូទ័រ។ ការព្រមានមីស៊ីលក៏ត្រូវបានបន្លឺឡើងនៅក្នុងទីក្រុង Ramstein តាមរយៈឧបករណ៍បំពងសំឡេងផងដែរ។
បន្ទាប់ពីឧប្បត្តិហេតុនេះ យោធាអាមេរិកនៅ Ramstein បានចេញសេចក្តីថ្លែងការណ៍មួយលើទំព័រ Facebook របស់ខ្លួនទៅកាន់សហគមន៍យោធានៅក្នុងតំបន់នេះ។

សេចក្តីថ្លែងការណ៍បាននិយាយថា “ថ្ងៃនេះបញ្ជាការដ្ឋានទ័ពអាកាស Ramstein ត្រូវបានជូនដំណឹងតាមរយៈប្រព័ន្ធប្រកាសអាសន្នអំពីការបាញ់មីស៊ីលពិតនៅអ៊ឺរ៉ុប។ ប៉ុស្តិ៍បញ្ជាការដ្ឋានបានអនុវត្តតាមនីតិវិធីត្រឹមត្រូវហើយផ្តល់ការជូនដំណឹងឲ្យបានទាន់ពេលវេលានិងពិតប្រាកដដល់បុគ្គលិកនៅក្នុងសហគមន៍យោធា Kaiserslautern។ បន្ទាប់មក ការបាញ់មីស៊ីលនេះត្រូវបានវាយតម្លៃថាជាផ្នែកមួយនៃលំហាត់ហ្វឹកហ្វឺនហើយមិនមែនជាការគំរាមកំហែងដល់តំបន់ KMC ទេ។ ស្ថានភាពទាំងអស់គឺដោះស្រាយរួចហើយ”៕
ប្រែសម្រួលដោយ៖ Vann Vann
ប្រភព៖ CNN
ចុចអាន៖ យោធារុស្ស៊ីបាញ់សាកល្បងដោយជោគជ័យនូវមីស៊ីលថ្មីប្រឆាំងគ្រាប់ផ្លោងអន្តរទ្វីប (មានវីដេអូ)

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១១ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ