ព័ត៌មានអន្ដរជាតិ
UN អំពាវនាវសុំជំនួយជួយប៉ាគីស្ថាន ខណៈទីក្រុង អ៊ីស្លាម៉ាបាដ ថាខ្លួន ត្រូវការថវិកាគ្មានកំណត់
កាលពីថ្ងៃសុក្រទី០៩ខែកញ្ញា អគ្គលេខាធិការអង្គការសហប្រជាជាតិ (UN) លោក Antonio Guterres បានអំពាវនាវសុំឲ្យអន្តរជាតិជួយដល់ប្រទេសប៉ាគីស្ថាន ដែលរងគ្រោះដោយទឹកជំនន់ ខណៈទីក្រុង អ៊ីស្លាម៉ាបាដ បានប៉ាន់ប្រមាណថា ការខូចខាតដែលបង្កឡើងដោយគ្រោះទឹកជំនន់មានប្រហែល ៣០ពាន់លានដុល្លារ។
ភ្លៀងធ្លាក់រដូវមូសុងមិនធ្លាប់មានក្នុងប្រវត្តិសាស្រ្ត និងផ្ទាំងទឹកកករលាយនៅតំបន់ជួរភ្នំភាគខាងជើង បានបង្កជាទឹកជំនន់ ដែលបានហូរបោកបំផ្លាញផ្ទះ ផ្លូវថ្នល់ ផ្លូវរថភ្លើង ស្ពាន សត្វចិញ្ចឹម និងដំណាំផ្សេងៗ ហើយបានសម្លាប់មនុស្សប្រហែល ១៤០០ នាក់។
តំបន់ដ៏ធំធេងរបស់ប្រទេសនេះ ត្រូវបានជន់លិច ហើយមនុស្សរាប់សែននាក់ ត្រូវបង្ខំចិត្តចាកចេញពីផ្ទះសម្បែងរបស់ពួកគេ។ រដ្ឋាភិបាលនិយាយថា ជីវិតមនុស្សជិត ៣៣ លាននាក់ ត្រូវបានរំខាន។ ទាំងរដ្ឋាភិបាល និងលោក Guterres បានស្តីបន្ទោសការជន់លិចនេះ ទៅលើបម្រែបម្រួលអាកាសធាតុ។
បន្ទាប់ពីជួបជាមួយនាយករដ្ឋមន្ត្រី Shehbaz Sharif ក្នុងអំឡុងដំណើរទស្សនកិច្ចប្រទេសប៉ាគីស្ថានរយៈពេល២ថ្ងៃ, លោក Guterres បានប្រាប់សន្និសីទសារព័ត៌មានរួមមួយនៅក្នុងរដ្ឋធានី អ៊ីស្លាម៉ាបាដ ថា “ខ្ញុំសូមអំពាវនាវដល់សហគមន៍អន្តរជាតិថា ប៉ាគីស្ថានត្រូវការជំនួយផ្នែកហិរញ្ញវត្ថុដ៏ច្រើនសន្ធឹកសន្ធាប់ ព្រោះតាមការប៉ាន់ប្រមាណដំបូង គឺមានការខាតបង់ប្រហែល ៣០ ពាន់លានដុល្លារ”។
ស្របពេលជាមួយគ្នានោះដែរ លោក Sharif បាននិយាយថា “ប៉ាគីស្ថាន ត្រូវការថវិកាគ្មានកំណត់ សម្រាប់កិច្ចខិតខំប្រឹងប្រែងស្តាររបស់ខ្លួន។ ប្រទេសនេះនឹងនៅតែមានបញ្ហា ដរាបណាប្រទេសនេះមិនទទួលបានជំនួយអន្តរជាតិគ្រប់គ្រាន់ទេនោះ”។
UN បានចាប់ផ្តើមការអំពាវនាវសុំជំនួយចំនួន ១៦០ លានដុល្លារអាមេរិក ដើម្បីជួយប៉ាគីស្ថានទប់ទល់នឹងគ្រោះមហន្តរាយនេះ។
គួរបញ្ជាក់ថា ក្នុងខែកក្កដា និងសីហា ប្រទេសប៉ាគីស្ថានបានកត់ត្រាកម្រិតទឹកភ្លៀងធ្លាក់ ៣៩១ មិល្លីម៉ែត្រ ពោលគឺលើសកម្រិតមធ្យមក្នុងរយៈពេលជាង៣០ឆ្នាំ ដល់ទៅ១៩០%ឯណោះ។ ខេត្ត Sindh ភាគខាងត្បូង ត្រូវបានគ្របដណ្តប់ដោយទឹក ខណៈភ្លៀងធ្លាក់ខ្លាំងជាងកម្រិតមធ្យម ៤៦៦%៕
ប្រែសម្រួល៖ Vann Vann
ប្រភព៖ CNA
ចុចអាន៖ ហេតុអ្វីបានជាប្រទេស ប៉ាគីស្ថាន ជួបគ្រោះទឹកជំនន់ ធ្ងន់ធ្ងរបែបនេះ?
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២៤ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ