Connect with us

ព័ត៌មានអន្ដរជាតិ

ជប៉ុន ចង់បានមីស៊ីល ដែលអាចបាញ់ដល់ ចិនដីគោក (មានវីដេអូ)

បានផុស

នៅ

រដ្ឋាភិបាល​ជប៉ុន​ ចង់​ពង្រីក​រយៈចម្ងាយនៃមីស៊ីល បាញ់ចេញ​ពី​ដី​ Type 12 របស់ខ្លួនយ៉ាង​ហោច​ណាស់ ១០០០ គីឡូម៉ែត្រ ហើយ​កែប្រែ​វាឲ្យអាច​បាញ់​ចេញ​ពី​នាវា និង​យន្តហោះបាន ថែមទាំងអាច​វាយប្រហារ​ ដល់គោលដៅ​ដីគោកនៅប្រទេសចិនបានទៀត។

មីស៊ីល Type 12
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយដកស្រង់សម្តីមន្ត្រីរដ្ឋាភិបាល, កាសែតជប៉ុន Yomiuri បានចុះផ្សាយកាលពីថ្ងៃអាទិត្យទី២១ខែសីហាថា មីស៊ីល Version ថ្មីដែលអាចបាញ់ចេញពីដីគោកកាន់តែល្អប្រសើរ ត្រូវបានគេរំពឹងថា នឹងដាក់ឲ្យប្រើប្រាស់ លឿនជាងការគ្រោងទុក២ឆ្នាំ។

កាសែតនេះអះអាងថា នៅទីបំផុត ទីក្រុងតូក្យូចង់ឲ្យមីស៊ីលរយៈចម្ងាយឆ្ងាយជាង១០០០ គីឡូម៉ែត្រ ត្រូវបានដាក់ពង្រាយនៅទូទាំងប្រជុំកោះ Nansei។ ផែនការមីស៊ីលនេះ ជាផ្នែកនៃអ្វីដែលកាសែតហៅថា “គំនិតផ្តួចផ្តើមភាពអាសន្នរបស់តៃវ៉ាន់”។

តាមសេចក្តីរាយការណ៍កាលពីខែធ្នូឆ្នាំមុន កងកម្លាំងស្វ័យការពារជប៉ុន (SDF) និងយោធាអាមេរិក បានឈានដល់កិច្ចព្រមព្រៀងមួយ ដើម្បីបង្កើតមូលដ្ឋានវាយប្រហារលើប្រជុំកោះ Nansei ក្នុងករណីមានភាពអាសន្ន បើជម្លោះរវាងតៃវ៉ាន់ និងទីក្រុងប៉េកាំងផ្ទុះឡើង។

នៅពេលនោះ មន្ត្រីទីក្រុងតូក្យូនិយាយថា ប្រសិនបើត្រូវបានអនុម័តមែននោះ ផែនការនេះនឹងអនុញ្ញាតឲ្យទាហានម៉ារីនអាមេរិក ឈរជើងនៅលើប្រជុំកោះ Nansei ហើយ SDF នឹងផ្តល់ការគាំទ្រក្នុងទម្រង់ជាទាហានបន្ថែម ប្រសិនបើមានការគំរាមកំហែងផ្នែកយោធាជាក់ស្តែងចំពោះតៃវ៉ាន់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Hans India

ចុចអាន៖ កាន់តែតានតឹង! នាវាចម្បាំងរុស្ស៊ី និងចិន ត្រូវគេប្រទះឃើញ នៅជិតប្រទេស ជប៉ុន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម