នាំគ្នាចូលជ្រកភ្លៀង បែរជាបាក់ដំបូលអគារស្លាប់១៩នាក់

មនុស្សចំនួន១៩នាក់បានស្លាប់នៅពេលដំបូលកន្លែងបូជាសពមួយដែលពួកគេចូលជ្រកភ្លៀងបានបាក់នៅភាគខាងជើងប្រទេសឥណ្ឌាកាលពីថ្ងៃអាទិត្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្នងការរង Anita C Meshram បាននិយាថា ដំបូលប្រវែងជាង៣០ម៉ែត្ររបស់អគារក្នុងស្រុក Ghaziabad នៃរដ្ឋ Uttar Pradesh បានបាក់នៅពេលមនុស្សប្រហែល៤០នាក់កំពុងជ្រកភ្លៀង។

មនុស្ស១៩នាក់ទៀតកំពុងទទួលការព្យាបាលនៅមន្ទីរពេទ្យ។ ចំនួនអ្នកស្លាប់អាចកើនឡើងខណៈអ្នកខ្លះមានរបួសធ្ងន់។

ប៉ូលិសនិយាយថា ក្រុមអ្នកជួយសង្គ្រោះបានស្វែងរកតាមគំនរបាក់បែកដើម្បីដឹងថាតើមានជនរងគ្រោះច្រើនទៀតដែរឬទេ។

លោក Meshram បាននិយាយថា “យើងនឹងធ្វើការស៊ើបអង្កេតលើបញ្ហានេះហើយស្វែងរកអ្នកដែលទទួលខុសត្រូវឲ្យបានឆាប់បំផុតមិនថាអ្នកសាងសង់ មន្ត្រីឬកម្មករនៃក្រុមប្រឹក្សាក្រុងនោះទេ”។

មូលហេតុនៃការបាក់នេះមិនទាន់ត្រូវបានគេដឹងច្បាស់នៅឡើយទេប៉ុន្តែអាជ្ញាធរគ្រោងនឹងស៊ើបអង្កេតពីគ្រោះថ្នាក់នេះ៕

ប្រែសម្រួលដោយ៖ Vann Vann

ប្រភព៖ Al Jazeera