អង់គ្លេស សម្រេចបិទប្រទេសរហូតដល់ពាក់កណ្តាលខែកុម្ភៈ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អង់គ្លេស សម្រេចបិទប្រទេសរហូតដល់ពាក់កណ្តាលខែកុម្ភៈ

បានផុស

នៅ

មនុស្សគ្រប់រូបនៅប្រទេសអង់គ្លេសត្រូវតែស្នាក់នៅក្នុងផ្ទះលើកលែងតែហេតុផលដែលត្រូវបានអនុញ្ញាតប៉ុណ្ណោះក្នុងអំឡុងពេលនៃការបិទប្រទេសដោយវីរុសកូរ៉ូណាប្រភេទថ្មី។ ការបិទនេះត្រូវបានគេរំពឹងថានឹងអូសបន្លាយពេលរហូតដល់ពាក់កណ្តាលខែកុម្ភៈ។ នេះបើតាមសម្តីរបស់លោកនាយករដ្ឋមន្ត្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាលារៀននិងមហាវិទ្យាល័យទាំងអស់នឹងបិទចំពោះសិស្សនិស្សិតភាគច្រើនហើយប្តូរទៅជាការរៀនពីចម្ងាយវិញចាប់ពីថ្ងៃអង្គារទៅ។

លោក Boris Johnson បានព្រមានថា ក្នុងរយៈពេលប៉ុន្មានសប្តាហ៍ខាងមុខនេះនឹងក្លាយជាពេលវេលាពិបាកបំផុតចំពេលមានករណីកើនឡើងនិងចំនួនអ្នកជំងឺ។

លោកនិយាយថា អ្នកដែលស្ថិតក្នុងក្រុមអាទិភាពទាំងបួននឹងត្រូវផ្តល់ជូននូវវ៉ាក់សាំងដំបូងគេនៅត្រឹមពាក់កណ្តាលខែក្រោយ។

មុននេះ ប្រទេសស្កុតឡែនបានចេញបទបញ្ជាឲ្យស្នាក់នៅក្នុងផ្ទះហើយចូលរួមជាមួយប្រទេសវែលស៍ក្នុងការបិទសាលាសម្រាប់សិស្សភាគច្រើន។

ថ្លែងពីវិមាន Downing Street លោក Johnson បាននិយាយថា រាល់វិធានការថ្មីៗនៅក្នុងប្រទេសអង់គ្លេសនឹងមានរយៈពេលរហូតដល់ពាក់កណ្តាលខែកុម្ភៈដោយសារតែការរីករាលដាលនៃវីរុសថ្មីដែលកំពុងវាយប្រហារពាសពេញចក្រភពអង់គ្លេស។

លោកនាយករដ្ឋមន្រ្តីបានបន្ថែមថា លោកជឿជាក់ថាប្រទេសនេះកំពុងឈានដល់ “ដំណាក់កាលចុងក្រោយនៃការតស៊ូ”៕

ប្រែសម្រួលដោយ៖ Vann Vann

ប្រភព៖ BBC

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services