ពេលនេះ ស្ថានភាពរបស់បុត្រីច្បងមហាក្សត្រថៃ យ៉ាងណាហើយ ក្រោយគាំងបេះដូង ដួលសន្លប់ម្សិលមិញ?

ព្រះបរមរាជវាំងថៃ បានឲ្យដឹងកាលពីថ្ងៃព្រហស្បតិ៍ទី១៥ខែធ្នូថា ព្រះនាង Bajrakitiyabha Narendira Debyavati បានដួលសន្លប់ ខណៈពេលកំពុងហ្វឹកហាត់ជាមួយសត្វសុនខរបស់ព្រះនាងសម្រាប់ការប្រកួតមួយនៅខេត្ត Nakhon Ratchasima។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះបរមរាជវាំងបានឲ្យដឹងនៅក្នុងសេចក្តីថ្លែងការណ៍មួយថា ព្រះនាងដែលជាបុត្រីច្បងរបស់មហាក្សត្រថៃ បានទទួលការព្យាបាលបឋមសម្រាប់បញ្ហាព្រះរាជសុខភាពទាក់ទងនឹងបេះដូង នៅមន្ទីរពេទ្យ Pak Chong Nana ក្នុងខេត្តភាគឦសានមួយនេះ។

ក្រោយមកព្រះនាង ត្រូវបានបញ្ជូនតាមឧទ្ធម្ភាគចក្រទៅកាន់មន្ទីរពេទ្យ King Chulalongkorn Memorial ក្នុងទីក្រុងបាងកក ដើម្បីពិនិត្យនិងព្យាបាលបន្ថែម។

យោងតាមសេចក្តីថ្លែងការណ៍, ស្ថានភាពរបស់ព្រះនាងនាពេលនេះ គឺបាន​ឈានដល់កម្រិតនឹងនរវិញហើយ។

គួរបញ្ជាក់ថា ព្រះនាង Bajrakitiyabha បានដួលសន្លប់ ខណៈពេលព្រះនាងត្រៀមចូលរួមក្នុងព្រឹត្តិការណ៍ Thailand Working Dog Championship ឆ្នាំ២០២២។ ព្រឹត្តិការណ៍នេះ ត្រូវបានប្រារព្ធធ្វើឡើងនៅកងវរសេនាតូច Military Dog Battalion ក្នុងស្រុក Pak Chong នៃខេត្ត Nakhon Ratchasima ចាប់ពីថ្ងៃទី ១០ ដល់ថ្ងៃទី ១៩ខែធ្នូ៕

ប្រែសម្រួល៖ Vann Vann

ប្រភព៖ Nation

ចុចអាន៖ ស្តេចថៃ កំពុងស្តារព្រះកិត្តិនាម ស្របពេលបាតុកម្មគ្រោងផ្ទុះឡើងជាបន្ត