មកដឹងសីតុណ្ហភាពខែរងានៅ អ៊ុយក្រែន ខណៈកំពុងខ្វះការផ្គត់ផ្គង់ឧស្ម័ន​កម្ដៅខ្លួន

សីតុណ្ហភាពនៅក្នុងប្រទេសអ៊ុយក្រែនសម្រាប់រដូវរងាឆ្នាំនេះបានធ្លាក់ចុះរហូតដល់ -២០ អង្សាសេ ស្របពេលដែលប្រទេសនេះកំពុងជួបប្រទះនូវការខ្វះខាតការផ្គត់ផ្គង់ឧស្ម័នសម្រាប់កម្ដៅខ្លួន ដោយសារតែសង្គ្រាមលុកលុយរបស់រុស្ស៊ី ។

ការចុះត្រជាក់ខ្លាំងបែបនេះក៏ធ្វើឲ្យប្រជាជននៅតំបន់មួយចំនួនធំរបស់អ៊ុយក្រែនរងាញ័រញាក់ខ្លាំងផងដែរ ដោយសារបច្ចុប្បន្នអ៊ុយក្រែនមិនមានអគ្គិសនីប្រើប្រាស់ដើម្បីកម្ដៅក្នុងស្ថានភាពត្រជាក់នេះឡើយ ក្រោយពេលដែលរុស្ស៊ីបើកការវាយប្រហារជាបន្តបន្ទាប់លើហេដ្ឋារចនាសម្ព័ន្ធ ក៏ដូចជាទីតាំងថាមពលរបស់អ៊ុយក្រែន ។

ពាក់ព័ន្ធនឹងបញ្ហានេះដែរ រដ្ឋមន្ត្រីថាមពលអ៊ុយក្រែនលោក Herman Halushchenko បាននិយាយថា យ៉ាងហោចណាស់មានរោងចក្រផលិតថាមពលចំនួន ៩ ត្រូវបានរងផលប៉ះពាល់ ហើយការផ្គត់ផ្គង់ថាមពលបានធ្លាក់ចុះដល់ ៥០ ភាគរយ ។

ដោយឡែកប្រធានាធិបតីអ៊ុយក្រែនលោក Volodymyr Zelensky បាននិយាយផងដែរថា ប្រទេសរុស្ស៊ីនៅតែមានកាំជ្រួចមីស៊ីលគ្រប់គ្រាន់សម្រាប់ការវាយប្រហារទ្រង់ទ្រាយធំជាច្រើនទៀតលើអ៊ុយក្រែន ប៉ុន្តែ​លោក​បាន​បន្ថែម​ថា ទោះជាយ៉ាងណា អ៊ុយក្រែននៅតែ​មាន​ការ​ប្ដេជ្ញា​ចិត្ត និង​ជំនឿ​លើ​ខ្លួន​ឯង​ក្នុង​ការ​វាយ​តបត​វិញផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Aci Africa

ចុចអាន ៖ លោក Zelensky ចុះទៅទីក្រុងប្រយុទ្ធជួរមុខរបស់ អ៊ុយក្រែន ដោយមិន ប្រកាសឲ្យដឹងមុន