រដ្ឋមន្ត្រីការពារជាតិលោក Ben Wallace បានព្រមានថា សង្គ្រាមនឹងមកដល់ប្រទេសអង់គ្លេសនៅចុងទសវត្សរ៍នេះ ហើយរដ្ឋាភិបាលត្រូវតែវិនិយោគលើវិស័យយោធារបស់ខ្លួនដើម្បីត្រៀមខ្លួនឲ្យបានល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតឆ្មាំស្កុតឡេនរូបនេះក៏បានសង្កត់ធ្ងន់ផងដែរថា យុទ្ធសាស្ត្រ “កិនសាច់” របស់រុស្ស៊ីអាចអូសបន្លាយសង្រ្គាមនៅអ៊ុយក្រែនរយៈពេលមួយឆ្នាំទៀត។

នៅពេលភាពតានតឹងកើនឡើងខ្លាំងរវាងភាគខាងកើត និងខាងលិច ហើយលោក Wallace ស្វែងរកការបង្កើនកញ្ចប់ថវិកាផ្នែកការពារកាលពីខែមីនាឆ្នាំមុននោះ លោកបានប្រាប់កាសែត The Sun ថា “ដើម្បីទប់ស្កាត់ អ្នកត្រូវតែត្រៀមខ្លួនឲ្យរួចរាល់ អ្នកត្រូវតែបំពាក់អាវុធ ហើយអ្នកត្រូវតែឈរជាមួយមិត្តភក្តិនិងសម្ព័ន្ធមិត្តរបស់អ្នក”។

ថ្វីបើចក្រភពអង់គ្លេសសន្យាបន្តផ្តល់ជំនួយជាសម្ភារដល់អ៊ុយក្រែនក៏ដោយ ប៉ុន្តែលោកបានជំរុញឲ្យប្រទេសជាតិ ត្រូវតែត្រៀមខ្លួនប្រឈមមុខនឹងជម្លោះ និងត្រៀមសម្រាប់អ្វីដែលអាចកើតឡើង។ លោកនិយាយ​ថា “សេរីភាព​មិន​មាន Free ​ទេ”។

គួរបញ្ជាក់ថា ចក្រភពអង់គ្លេសគឺជាអ្នកគាំទ្រដ៏លេចធ្លោមួយ​ នៃកិច្ចខិតខំប្រឹងប្រែងយោធារបស់អ៊ុយក្រែន ក្នុងការវាយតបតប្រឆាំងកងទ័ពរបស់វិមានក្រឹមឡាំង។

លោកនាយករដ្ឋមន្ត្រី Rishi Sunak បានប្រកាសកាលពីដើមឆ្នាំនេះថា ចក្រភពអង់គ្លេសនឹងក្លាយជាប្រទេសដំបូងគេ ដែលផ្គត់ផ្គង់រថក្រោះដល់កងកម្លាំងប្រដាប់អាវុធរបស់អ៊ុយក្រែន។

លោក Sunak បានប្រកាសថា រថក្រោះធុន Challenger 2 ចំនួន១៤គ្រឿង នឹងត្រូវបានផ្គត់ផ្គង់ ហើយនឹងទៅដល់នៅអឺរ៉ុបខាងកើតនៅខែក្រោយ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី គំរាមឆ្លើយតបធ្វើឲ្យពិភពលោកទាំងមូលជួបផលវិបាក បើសិន អង់គ្លេស ផ្តល់យន្តហោះចម្បាំងឲ្យ អ៊ុយក្រែន