ព័ត៌មានអន្ដរជាតិ
តម្លៃត្រីធូណាក្នុងមួយគីឡូក្រាមនៅ ជប៉ុន ក្រោយការបង្ហូរទឹកសំណល់ចេញពីរោងចក្រនុយក្លេអ៊ែរ Fukushima
ប្រទេសជាច្រើនកំពុងបង្កក្ដីបារម្ភពាក់ព័ន្ធទៅនឹងសុវត្ថិភាពអាហារសមុទ្រទាំងស្រស់ និងសាច់បង្កករបស់ជប៉ុន បន្ទាប់ពីការបង្ហូរទឹកសំណល់ចេញពីរោងចក្រថាមពលនុយក្លេអ៊ែរ Fukushima Daiichi បើទោះបីជារដ្ឋាភិបាលទីក្រុងតូក្យូបញ្ជាក់ហើយបញ្ជាក់ទៀតថា មិនមានផលប៉ះពាល់ណាមួយក៏ដោយ ។
ទោះបីជាយ៉ាងណាក៏ដោយ ការបង្ហូរទឹកសំណល់ចេញពីរោងចក្រថាមពលនុយក្លេអ៊ែរចូលទៅក្នុងមហាសមុទ្រប៉ាស៊ីហ្វិកកាលពីថ្ងៃទី២៤ ខែសីហាកន្លងទៅនេះ ក៏ធ្វើឲ្យប៉ះពាល់ទៅដល់ហាងឆេងតម្លៃអាហារសមុទ្រទាំងស្រស់ និងសាច់បង្កករបស់ជប៉ុនរួចទៅហើយ ជាពិសេសប្រភេទត្រីធូណា Aomori ដ៏ល្បីល្បាញប្រចាំខេត្ត Fukushima ។
បើយោងតាមទិន្នន័យដែលបានបង្ហោះនៅលើគេហទំព័រផ្សារលក់ដុំកណ្តាលទីក្រុងតូក្យូបានឲ្យដឹងថា គិតត្រឹមថ្ងៃទី២៥ ខែសីហា ហាងឆេងតម្លៃជាមធ្យមនៃត្រីធូណា Aomori ស្រស់នៅលើទីផ្សារ Toyosu បានធ្លាក់ចុះខ្លាំងមែនទែនរហូតដល់ ២៤ ភាគរយ ពោលលក់ក្នុងតម្លៃ ៦៤ ដុល្លារក្នុងគីឡូក្រាម ។
ទន្ទឹមនោះ មុនការបង្ហូរទឹកសំណល់ចេញពីរោងចក្រថាមពលនុយក្លេអ៊ែរ Fukushima Daiichi នេះដែរ ហាងឆេងតម្លៃត្រីធូណាដាក់លក់ក្នុងតម្លៃប្រមាណ ៨៤ ដុល្លារឯណោះក្នុងមួយគីឡូក្រាម ជាពិសេសទីផ្សារទៅកាន់ប្រទេសចិន ។
គួរបញ្ជាក់ថា ប្រទេសចិន គឺជាទីផ្សារដ៏ធំបំផុតសម្រាប់ការនាំចេញអាហារសមុទ្ររបស់ប្រទេសជប៉ុន ដែលមានចំនួន ៦០០ លានដុល្លារកាលពីឆ្នាំមុន ខណៈក្នុងចំណោមផលិតផលដែលមានការពេញនិយមបំផុតនោះមាន ខ្យង ត្រីធូណា កាំប្រម៉ាសមុទ្រ ត្រីឆ្ពង់ក្រហម និងឈ្លើងសមុទ្រជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ Bloomberg
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង