ព័ត៌មានអន្ដរជាតិ

តើរដ្ឋប្រហារលើកនេះអាចបញ្ចប់ជីវិតនយោបាយរបស់លោកស្រី ស៊ូជី ពិតមែនឬទេ?

បានផុស

៤ years មុន

នៅ

ថ្ងៃអង្គារ ២ កុម្ភៈ ២០២១

ដោយ

យោងតាមជននិរទេសខ្លួនភូមាម្នាក់បាននិយាយថា ការដណ្តើមអំណាចរបស់យោធាភូមាដោយការទម្លាក់រដ្ឋាភិបាលជាប់ឆ្នោតរបស់ខ្លួនដឹកនាំដោយទីប្រឹក្សារដ្ឋលោកស្រី អ៊ុងសាន ស៊ូជី ប្រហែលជាចុងបញ្ចប់នៃជីវិតនយោបាយរបស់លោកស្រី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Maung Zarni អ្នកស្រាវជ្រាវជនជាតិភូមាដែលជាអ្នកប្រឆាំង និងជាអ្នកជំនាញខាងឯកសារប្រល័យពូជសាសន៍ដែលមានមូលដ្ឋាននៅទីក្រុងឡុងដ៍បានប្រាប់ទីភ្នាក់ងារ Anadolu ថា “ខ្ញុំគិតថានេះប្រហែលជាចុងបញ្ចប់នៃអាជីពនយោបាយរបស់លោកស្រី អ៊ុងសាន ស៊ូជី” ។

លោកបន្តថា “ចាប់តាំងពីយោធាដឹងថាដរាបណាលោកស្រី ស៊ូជី ដឹកនាំគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) ពួកគេមិនអាចរំពឹងថាសាធារណជនភូមានឹងបោះឆ្នោតឲ្យអ្នកតំណាងយោធានោះទេ” ។

យោធាដែលត្រូវបានគេស្គាល់ជាផ្លូវការថាកងកម្លាំង Tatmadaw បន្ទាប់ពីភាពតានតឹងកាន់តែខ្លាំងឡើងជាមួយរដ្ឋាភិបាលស៊ីវិលបានឡើងកាន់អំណាច និងបានប្រកាសដាក់ប្រទេសក្នុងអាសន្នរយៈពេលមួយឆ្នាំ ហើយបានឃុំខ្លួនប្រធានាធិបតីមីយ៉ាន់ម៉ាលោក Win Myint លោកស្រី ស៊ូជី និងឥស្សរជនដទៃទៀតនៃគណបក្សកាន់អំណាច ។

លោកស្រី ស៊ូជី បានបម្រើការជាមេដឹកនាំនៃប្រទេសមីយ៉ាន់ម៉ាពីឆ្នាំ ២០១៦ ដល់ឆ្នាំ ២០២១ បន្ទាប់ពីការតស៊ូអស់រយៈពេលជាយូរមកហើយដើម្បីលទ្ធិប្រជាធិបតេយ្យនៅក្នុងប្រទេសអាស៊ីខាងត្បូងមួយនេះ ហើយបានទទួលរង្វាន់ណូបែលសន្តិភាពក្នុងឆ្នាំ ១៩៩១៕