ព័ត៌មានអន្ដរជាតិ
ពលករចំណាកស្រុកមីយ៉ាន់ម៉ានៅថៃ ធ្វើបាតុកម្មប្រឆាំងរដ្ឋប្រហារក្នុងប្រទេសកំណើត
ពលករចំណាកស្រុកមីយ៉ាន់ម៉ាក្នុងប្រទេសថៃ បានធ្វើបាតុកម្មនៅមុខស្ថានទូតរបស់ពួកគេកាលពីថ្ងៃចន្ទទី០១ខែកុម្ភៈម្សិលមិញនេះ ដោយកាន់ផ្ទាំងរូបភាពរបស់មេដឹកនាំ អ៊ុងសានស៊ូជី បន្ទាប់ពីលោកស្រីត្រូវបានឃុំឃាំងក្នុងរដ្ឋប្រហារយោធា។
កងទ័ពមីយ៉ាន់ម៉ាបានកាន់អំណាចកាលពីព្រឹកថ្ងៃចន្ទ ដោយនាំលោកស្រី ស៊ូជី ទៅឃុំឃាំងនិងប្រកាសដាក់ប្រទេសក្នុងគ្រាអាសន្នហើយផ្ទេរអំណាចទៅឲ្យមេបញ្ជាការយោធា លោកឧត្តមសេនីយ៍ Min Aung Hlaing។
ដោយស្លៀកពាក់ពណ៌ក្រហមដែលពណ៌សម្គាល់គណបក្សសម្ព័ន្ធភាពជាតិដើម្បីលទ្ធិប្រជាធិបតេយ្យរបស់លោកស្រី ស៊ូជី, ក្រុមបាតុករមីយ៉ាន់ម៉ានៅក្នុងទីក្រុងបាងកក បានលើកផ្ទាំងរូបភាពរបស់មេបញ្ជាការកងទ័ពជាមួយនឹងការសរសេរពាក្យថា “គួរឲ្យអាម៉ាស់ណាស់ ជនផ្តាច់ការ”។
បាតុករម្នាក់បានប្រាប់បណ្តាញសារព័ត៌មានថៃថា “ខ្ញុំភ្ញាក់ពីគេងនៅថ្ងៃនេះហើយបានឃើញព័ត៌មានដែលថា អ្នកម៉ែ ស៊ូ ត្រូវបានចាប់ខ្លួន។ ខ្ញុំចង់ឲ្យគាត់ត្រូវបានដោះលែង។ កងទ័ពបានគ្រប់គ្រងប្រទេសរបស់យើងអស់រយៈពេល៥០ឆ្នាំមកហើយ ពួកយើងកំពុងរងទុក្ខ”។
អ្នកនាំពាក្យប៉ូលិសបាននិយាយថា មនុស្សមួយចំនួនតូចត្រូវបានចាប់ខ្លួនដើម្បីធ្វើការសាកសួរ បន្ទាប់ពីក្រុមបាតុករថៃបានគប់ដុំថ្មនិងគ្រាប់បែកផ្សែងជាច្រើន។
នាយករដ្ឋមន្រ្តីថៃដែលជាអតីតមេបញ្ជាការកងទ័ព ដណ្តើមអំណាចនៅក្នុងរដ្ឋប្រហារមួយកាលពីឆ្នាំ២០១៤, មិនបានធ្វើអត្ថាធិប្បាយជាសាធារណៈអំពីរដ្ឋប្រហាររបស់ប្រទេសជិតខាងទេ។
យោងតាមតួលេខផ្លូវការបានឲ្យដឹងថា មានពលករចំណាកស្រុកមីយ៉ាន់ម៉ាជាង១លាននាក់នៅក្នុងប្រទេសថៃ ប៉ុន្តែចំនួនពិតប្រាកដត្រូវបានគេជឿជាក់ថាខ្ពស់ជាងនេះ៕
ប្រែសម្រួលដោយ៖ Vann Vann
ប្រភព៖ CNA
ចុចអាន៖ ព្រឹត្តិការណ៍សំខាន់ៗក្នុងប្រទេសមីយ៉ាន់ម៉ា ស្ថិតក្រោមការគ្រប់គ្រងរបស់យោធា

-
ព័ត៌មានអន្ដរជាតិ៤ ថ្ងៃ ago
Google នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ៦ ថ្ងៃ ago
ថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ៥ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ជីវិតកម្សាន្ដ៧ ថ្ងៃ ago
ពីអ្នកប្រើចុងប៊ិច ប្តូរមកប្រើចុងកាំភ្លើង ដើម្បីការពារបូរណភាពទឹកដីជាតិខ្មែរ
-
ព័ត៌មានអន្ដរជាតិ១៥ ម៉ោង ago
កាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
ព័ត៌មានអន្ដរជាតិ១ សប្តាហ៍ ago
ក្រុមមនុស្សយកស្លាកលេខរថយន្ត ថាក់ស៊ីន ចាក់ឆ្នោត ខណៈលោកចូលខ្លួនទៅតុលាការ
-
ព័ត៌មានជាតិ២ ថ្ងៃ ago
កម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា