ព័ត៌មានអន្ដរជាតិ
កងទ័ពមីយ៉ាន់ម៉ា គំរាមបាញ់គ្រាប់ពិតលើបាតុករ
ប៉ូលិសមីយ៉ាន់ម៉ាបានព្រមានក្រុមបាតុករឲ្យបំបែកគ្នាបើមិនដូច្នោះទេនឹងត្រូវប្រឈមមុខនឹងកងកម្លាំង។ កាព្រមាននេះបានធ្វើឡើងភ្លាមៗ បន្ទាប់ពីទូរទស្សន៍រដ្ឋផ្សាយពីសកម្មភាពនានាក្នុងការធ្វើបាតុកម្មទ្រង់ទ្រាយធំប្រឆាំងនឹងរដ្ឋប្រហារយោធា និងការចាប់ខ្លួនមេដឹកនាំជាប់ឆ្នោតលោកស្រីអ៊ុងសានស៊ូជី។
ក្នុងរដ្ឋធានី ណៃពិដោ នៅថ្ងៃនេះ ប៉ូលិសក្នុងឈុតកុបកម្មអាចត្រូវបានគេមើលឃើញឈរជា៣ជួរកាត់ទទឹងផ្លូវជាមួយស្លាកសញ្ញាថា គ្រាប់កាំភ្លើងពិតអាចត្រូវបានប្រើប្រសិនបើហ្វូងបាតុកររំលោភបំពានដល់មន្រ្តីនៅជួរទី៣។
ការព្រមាននេះបានកើតឡើង បន្ទាប់ពីច្បាប់អាជ្ញាសឹកត្រូវបានប្រកាសនៅក្នុងតំបន់មួយចំនួននៃទីក្រុង Mandalay ដែលជាទីក្រុងធំលំដាប់ទី២របស់ប្រទេសមីយ៉ាន់ម៉ា។
នាយកដ្ឋានរដ្ឋបាលទូទៅបាននិយាយនៅក្នុងសេចក្តីថ្លែងការណ៍មួយថា បទបញ្ជានេះគ្របដណ្តប់លើតំបន់ចំនួន៧ក្នុងទីក្រុង Mandalay ដោយហាមឃាត់មិនឲ្យមានការជួបជុំលើស៥នាក់ហើយបម្រាមគោចរមួយនឹងចាប់ផ្តើមពីម៉ោង៨យប់ រហូតដល់ម៉ោង៤ទៀបភ្លឺ។
ក្រុមអ្នកតវ៉ានៅក្នុងប្រទេសមីយ៉ាន់ម៉ា ត្រូវបានគេបាញ់ជាមួយនឹងកាណុងបាញ់ទឹកដែលមានលាយជាតិគីមី ខណៈហ្វូងមនុស្សយ៉ាងច្រើនបានប្រមូលផ្តុំគ្នានៅថ្ងៃទីបួន ដើម្បីបង្ហាញកំហឹងរបស់ពួកគេចំពោះរដ្ឋប្រហារយោធាកាលពីសប្តាហ៍មុន។
ហ្វូងមនុស្សនៅក្នុងទីក្រុង យ៉ាំងហ្គោន ត្រូវបានគេប៉ាន់ស្មានថាមានរាប់ម៉ឺននាក់ខណៈកម្មករបានធ្វើកូដកម្មទូទាំងប្រទេស ដើម្បីទាមទារឲ្យមានការវិលត្រឡប់នៃលទ្ធិប្រជាធិបតេយ្យនិងការដោះលែងមេដឹកនាំអ៊ុងសានស៊ូជី។
ហើយនៅរដ្ឋធានីណៃពិដោ វីដេអូបង្ហាញថា មនុស្សពីរនាក់បានដួលបន្ទាប់ពីត្រូវបានបាញ់ដោយទឹកមានលាយជាតិគីមី ដើម្បីបំបែកក្រុមអ្នកតវ៉ា៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ យោធាមីយ៉ាន់ម៉ាលុបបំបាត់យន្តការសន្តិភាពរបស់គណបក្សលោកស្រី អ៊ុងសាន ស៊ូជី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត