Connect with us

ព័ត៌មានអន្ដរជាតិ

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

បានផុស

នៅ

បុរសជនជាតិជប៉ុនម្នាក់ត្រូវបានកាត់ទោសប្រហារជីវិត ជុំវិញករណីដុតស្ទូឌីយូគំនូរជីវចល KyoAni ដែលបណ្ដាលឱ្យមនុស្សចំនួន ៣៦នាក់ស្លាប់ និងរបួសច្រើននាក់ កាលពីឆ្នាំ ២០១៩ ។

យោងតាមសារព័ត៌មាន BBC ចុះផ្សាយនៅថ្ងៃព្រហស្បតិ៍ នេះ បានឱ្យដឹងថា ជនជាប់ចោទឈ្មោះ Shinji Aoba អាយុ ៤៥ ឆ្នាំ បានសារភាពទទួលស្គាល់កំហុសរបស់ខ្លួនដែលបានប្រព្រឹត្តិកាលពីឆ្នាំ ២០១៩ ប៉ុន្តែមេធាវីរបស់គាត់បានព្យាយាមស្វែងរកការកាត់ទោសស្រាលជាងមុនក្រោមហេតុផលថា ជនជាប់ចោទមានបញ្ហា អសមត្ថភាពផ្លូវចិត្ត ។ យ៉ាងណាក៏ដោយ ចៅក្រមក្រុងតូក្យូ បានច្រានចោលហេតុផលមួយនេះ ដោយសម្រេចថា ជនជាប់ចោទ Shinji Aoba មានស្មារតីល្អ បានដឹងពីអ្វីដែលគាត់កំពុងធ្វើ ហើយសម្រេចថា ជននេះពុំមានបញ្ហាសតិនោះទេ ។

រូបថត Shinji Aoba នៅតុលាកា កាលពីឆ្នាំមុន
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទូរទស្សន៍ជប៉ុន NHK បានរាយការណ៍ថា ករណីខាងលើបានម្លាប់មនុស្សចំនួន ៣៦នាក់ គឺជាសោកនាដកម្មធំបំផុតមួយ និងជាការឈឺចាប់មិនអាចពិព័ណ៍នាបានឡើយ ។ បុគ្គលិកគំនូរជីវចលជាច្រើននាក់ ដែលមានវ័យក្មេៗ ត្រូវបានសម្លាប់ដោយអណ្ដាតភ្លើង បន្ទាប់ពីពួកគេបានជាប់នៅជាន់ខាងលើនៃស្ទូឌីយោ ។

ប្រភពដដែលបានបន្តថា ករណីមួយនេះ គឺជាករណីបណ្ដាលឱ្យមានមនុស្សស្លាប់ច្រើនបំផុតក្នុងប៉ុន្មានទសវត្សរ៍ចុងក្រោយនៅប្រទេសជប៉ុន និងបានបង្កឱ្យមានការកាន់ទុក្ខទូទាំងប្រទេសទៀតផង។

យោងតាមព្រះរាជអាជ្ញាដែលប្រាប់ទៅកាន់ចៅក្រមក្នុងសាលកាត់ក្ដី បានឱ្យដឹងថា កាលពីខែកក្កដា ឆ្នាំ ២០១៩ Shinji Aoba បានយល់ច្រឡំថា ស្ទូឌីយូគំនូរជីវចល KyoAni បានលួចចម្លងស្នាដៃរបស់ខ្លួន ដូច្នេះហើយគេក៏បានចូលទៅក្នុងស្ទូឌីយូរបស់ KyoAni ជាន់ផ្ទាល់ដី រួចធ្វើសកម្មភាពចាក់សាំងដុតតែម្ដង ហើយព្រមទាំងស្រែកថា “ស្លាប់ទៅៗ” ។ ក្នុងករណីនោះបានសម្លាប់មនុស្ស ៣៦នាក់ និងរបួស ៣២នាក់ ភាគច្រើនសុទ្ធតែជាសិល្បៈករគំនូរជីវចលវ័យក្មេង ចំណែក Shinji Aoba ផ្ទាល់បានរងរបួសធ្ងន់ ដោយសារភ្លើងឆេះខ្លួនរហូតដល់ ៩០ភាគរយឯនោះ ។

ទិដ្ឋភាពស្ទូឌីយូគំនូរជីវចល KyoAni ឆេះ កាលឆ្នាំ ២០១៩

ក្រោយមកនៅកំលុងខែកញ្ញា ឆ្នាំ ២០២៣ Shinji Aoba បានសារភាពកំហុសរបស់ខ្លួនថា គេមិនបានដឹងថាទង្វើរបស់គេបានសម្លាប់មនុស្សច្រើនដល់ថ្នាក់នេះឡើយ ។ «កាលនោះខ្ញុំមាអារម្មណ៍ថា ខ្ញុំគ្មានជម្រើសអ្វីផ្សេងក្រៅពីធ្វើរឿងបែបនេះនោះទេ ហើយខ្ញុំក៏មិនបានដឹងដែរថា វាធ្វើឱ្យមានមនុស្សស្លាប់ច្រើនដល់ម្លឹង ខ្ញុំសោកស្ដាយខ្លាំងណាស់» សម្ដីសារភាពរបស់ Shinji Aoba ។

សូមបញ្ជាក់ថា ប្រទេសជប៉ុននៅតែបន្ត​រក្សា​ការ​ដាក់​ទោស​ទណ្ឌប្រហារជីវិត​ចំពោះ​ឧក្រិដ្ឋកម្ម​ធ្ងន់ធ្ងរ​បំផុត​ ដូចជាករណី ​ឃាតកម្ម​រង្គាល ហើយទោសប្រហារជីវិតនេះ ធ្វើឡើងដោយការព្យួរក ៕

ប្រែសម្រួលដោយ៖ ប៉ោ កុសល
ប្រភព៖ BBC

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម