លោក ឆាយ វីរ:យុទ្ធ ទម្លាយអតីតកាលច្រៀងក្នុង១ខែ បានលុយតែ ២៥ដុល្លារ

តារាចម្រៀងល្បីឈ្មោះលោក ឆាយ វីរ:យុទ្ធ ថ្មីៗនេះបានទម្លាយរឿងពីអតីតកាលថា លោកធ្លាប់ច្រៀងតាមហាងដែលតម្លៃខ្លួនក្នុងមួយខែត្រឹមតែ ២៥ដុល្លារ ប៉ុណ្ណោះ។

លោក ឆាយ វីរៈ​យុទ្ធត្រូវបានគេមើលឃើញថា គឺជាតារាចម្រៀងដ៏ល្បីមួយរូបដែលទទួលបានការគាំទ្រយ៉ាងច្រើនពីសំណាក់មហាជន ពិសេសតាមរយៈការច្រៀងបទបែបមនោសញ្ចេតនាដោយសារតែទឹកដមសំឡេងរបស់លោកពីរោះផ្អែមល្ហែមច្រៀងម្ដងៗគឺពោរពេញដោយការបង្កប់អត្ថន័យខ្ពស់ធ្វើឲ្យមហាស្តាប់ហើយស្លុងអារម្មណ៍គ្រប់គ្នា។

ដោយឡែកអ្វីដែលមហាជន អ្នកគាំទ្រចាប់អារម្មណ៍នោះគឺកាលពីថ្មីៗនេះលោក ឆាយ វីរ:យុទ្ធ បានរៀបរាប់ថា”កាលខ្ញុំច្រៀងនៅភោជនីយដ្ឋានដើមគនៅក្នុងខណ្ឌឬស្សីកែវនាឆ្នាំ២០០២បានប្រាក់ខែត្រឹមតែ ២៥ ដុល្លារឱ្យគត់។

គួររម្លឹកថា ចំណងស្នេហារបស់តារាចម្រៀងប្រុសលោក ឆាយ វីរ:យុទ្ធ និងភរិយាអ្នកនាង សែ ចាន់ឌី គិតមកទល់ពេលនេះ បានចាប់ផ្តើមឡើងមានរយ:ពេកជិត ១០ឆ្នាំហើយ ខណ:ដែលចំណងដៃអាពាហ៍ពិពាហ៍ពួកគេទទួលបានកូនស្រីដ៏ស្រស់ស្អាត ២ផងដែរ។

បើតាមការកត់សម្គាល់ក្រោយជោគជ័យលើវិស័យសិល្បៈយូរឆ្នាំមកនេះបើក្រឡេកទៅមើលពីជីវិតគូរបស់តារាចម្រៀងលោក ឆាយ វីរ:យុទ្ធ វិញក៏មានសុភមង្គលខ្លាំងណាស់ដែរ ខណ:ជារឿយៗលោក និងភរិយាតែងតែបង្ហាញពីក្ដីស្រឡាញ់នឹងភាពផ្អែមល្ហែមក្នុងដំណើរកម្សាន្តជាលក្ខណៈគ្រួសារដើម្បីឱ្យជីវិតគូកាន់តែមានន័យថែមមួយកម្រិតទៀត៕ ដោយ ៖ ចាន់រ៉ា