អតីតតារាសម្តែង ឈួន ឈឿន តួមេចោរក្នុងរឿង «អាឡេវ» ទម្លាយរឿងរ៉ាវជីវិតកំពុងពឹងផ្អែកលើការរើសអេតចាយចិញ្ចឹមជីវិត

អតីតតារាសម្តែងជើងចាស់ លោក ឈួន ឈឿន ដែលទស្សនិកជនស្គាល់ច្បាស់តាមរយៈតួមេចោរ ៥០០ ក្នុងភាពយន្តខ្មែរ រឿង «អាឡេវ» បានទម្លាយពីជីវិតដ៏លំបាកនាពេលបច្ចុប្បន្ន ដោយបញ្ជាក់ថា លោកបានធ្លាក់ខ្លួនដល់ថ្នាក់ប្រកបរបររើសអេតចាយដើម្បីចិញ្ចឹមជីវិត ប៉ុន្តែលោកនៅតែប្រឹងប្រែងរកស៊ីដោយកម្លាំងញើសឈាមខ្លួនឯង ព្រោះមិនចង់ពឹងផ្អែកលើអ្នកដទៃ។

ដ្បិតបញ្ចប់អាជីពសិល្បៈ តែអតីតតារាសម្តែងរូបនេះ ធ្លាប់បន្សល់ទុកស្នាដៃសម្តែងដ៏លេចធ្លោជាតួអង្គមេចោរ ៥០០ ក្នុងនៃរឿង «អាឡេវ» ដែលទទួលបានការគាំទ្រខ្លាំងកាលពីអំឡុងទសវត្សរ៍ឆ្នាំ២០០០ ស្តើង ជាមួយនឹងទេពកោសល្យសម្តែងជាមេចោរក្រឡៅក្រឡែ និងកំប្លែងក្រមិចក្រមើម។

យ៉ាងណាមិញ ជីវភាពបច្ចុប្បន្នរបស់លោកបានធ្វើឱ្យមហាជនជាច្រើនមានការភ្ញាក់ផ្អើល និងក្តីអាណិតអាសូរ បន្ទាប់ពីមានការចែករំលែកថា លោកកំពុងប្រកបរបររើសអេតចាយដើម្បីរកចំណូលសម្រាប់ផ្គត់ផ្គង់ជីវភាពប្រចាំថ្ងៃ។

ប្រភពបានរៀបរាប់ថា អានមតិលោកពូ ឈួន ឈឿន អតីតតួសម្តែងរឿង”អាឡេវ” ខាងក្រោមនេះហើយ មានអារម្មណ៍អួលដើមក (មិនមែនដោយសាតែឃើញ ត្រឹមជីវភាពគាត់តែមួយមុខទេ តែដោយសារឃើញឆន្ទៈទំនួលខុសត្រូវជីវិត)។ ឆ្លើយតបនឹងការសួរនាំលោក ឈួន ឈឿន បានបញ្ជាក់បន្ថែមថាលោកមិនបានសម្តែងទេតែពេលនេះលោកទាន់ច្រកមែនទែនហើយលោកធ្វើដើម្បីរស់ហើយអត់ចង់ឱ្យគេជួយនោះដែរ៕ ដោយ៖ចាន់រ៉ា