រកឃើញឃ្លាំងអាវុធសម្ងាត់ដ៏ធំរបស់ក្រុមភេរវករ ISIS នៅស៊ីរី
Connect with us
Helistar Cambodia - Helicopter Charter Services

ព័ត៌មានអន្ដរជាតិ

រកឃើញឃ្លាំងអាវុធសម្ងាត់ដ៏ធំរបស់ក្រុមភេរវករ ISIS នៅស៊ីរី

Published

on

អ្នកនាំពាក្យក្រុមប្រដាប់អាវុធរុស្ស៊ីក្នុងប្រទេសស៊ីរីបានប្រាប់អ្នកយកព័ត៌មានថា ឃ្លាំងអាវុធសម្ងាត់ដ៏ធំមួយដែលប្រើដោយក្រុមសកម្មប្រយុទ្ធ ISIS នៅក្នុងខេត្ត Homs និងខេត្ត Deir ez-Zor ភាគខាងត្បូងប្រទេសស៊ីរីត្រូវបានរកឃើញដោយកងទ័ពរដ្ឋាភិបាលរបស់ប្រទេសនេះដោយមានការគាំទ្រពីយន្តហោះដ្រូនរបស់កងទ័ពអាកាសរុស្ស៊ី ។

អ្នកនាំពាក្យបាននិយាយថា  “ជាលទ្ធផលនៃការឃ្លាំមើល និងប្រតិបត្តិការស្រាវជ្រាវរបស់កងកម្លាំងរដ្ឋាភិបាលស៊ីរីដោយមានការគាំទ្រពីយន្តហោះដ្រូនរបស់កងកម្លាំងអវកាសរុស្ស៊ីនៅតំបន់វាលខ្សាច់ភាគខាងកើតនៃខេត្ត Homs ឃ្លាំងសម្ងាត់ដ៏ធំមួយដែលប្រើដោយពួកសកម្មប្រយុទ្ធ ISIS ដើម្បីធ្វើសកម្មភាពភេរវកម្មនៅខេត្ត Homs និងខេត្ត Deir ez-Zor ត្រូវបានរកឃើញ” ។

លោកបាននិយាយថា “សកម្មប្រយុទ្ធ ៤ នាក់នៅក្នុងរថយន្តដឹកទំនិញ ២ គ្រឿងដែលមានកាំភ្លើងយន្តធុនធ្ងន់ដែលត្រូវបានគេរកឃើញនៅក្បែរឃ្លាំងសម្ងាត់ និងបានការពារឃ្លាំងនោះត្រូវបានសម្លាប់ក្នុងអំឡុងពេលប្រតិបត្តិការនេះ” ។

ឃ្លាំងសម្ងាត់នេះមានកាំភ្លើងវែង និងកាំភ្លើងយន្តធុនស្រាល ៣៦ ដើម កាំភ្លើងយន្តធុនធំ ៧ ដើម កាំភ្លើងបាញ់គ្រាប់បែក និងគ្រាប់បែក ២៨ គ្រាប់ គ្រាប់ធមីស៊ីលប្រឆាំងរថក្រោះ មីន និងគ្រាប់បែក ៨៧ គ្រាប់ គ្រឿងផ្ទុះប្រមាណ ៤០ គីឡូក្រាម និងគ្រាប់កាំភ្លើងជាង ២២,០០០ គ្រាប់ រួមទាំងឧបករណ៍ដែលផលិតដោយប្រទេសសម្ព័ន្ធមិត្តអង្គការណាតូ ។ ក្នុងឃ្លាំងនោះក្រុមសកម្មប្រយុទ្ធក៏បានរក្សាទុកថ្នាំប្រហែល ៤៥ គីឡូក្រាមដែលថ្នាំមួយចំនួនក៏ត្រូវបាននាំយកមកពីបរទេស និងអាហារ ៣៥០ គីឡូក្រាមផងដែរ ។

ជាមួយគ្នានេះដែរលោកឧត្តមនាវី Vyacheslav Sytnik អនុប្រធានមជ្ឈមណ្ឌលបង្រួបបង្រួមនៃក្រសួងការពារជាតិរុស្ស៊ីបានថ្លែងនៅក្នុងសន្និសីទកាសែតមួយកាលពីថ្ងៃពុធថា សកម្មប្រយុទ្ធមកពីក្រុមភេរវករ Jabhat al-Nusra បានបាញ់ផ្លោងសាជាថ្មីដាក់តំបន់ Idlib របស់ប្រទេសស៊ីរី ៣២ លើកក្នុងរយៈពេល ២៤ ម៉ោងចុងក្រោយនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ យោធាអាមេរិកបញ្ចេញទិន្នន័យស្តីពីគ្រោះថ្នាក់របស់ជនស៊ីវិល អំឡុងសង្គ្រាមប្រឆាំងនឹងក្រុម ISIS

ចុចអាន ៖ អាល្លឺម៉ង់និងដាណឺម៉ាក ចាប់ខ្លួនជនសង្ស័យក្រុម ISIS ១៤នាក់ រៀបផែនការវាយប្រហារភេរវកម្ម

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ6 mins ago

ពិធីចូលឆ្នាំខ្មែរនៅតែប្រារព្ធ​ក្រោមវិធានការសុវត្ថិភាព

ព័ត៌មានជាតិ10 mins ago

អ្នកពាក់ព័ន្ធ​ជាមួយ​ស្ត្រី​វៀតណាម​២​នាក់​ឆ្លង​កូ​វីដ​១៩​នៅ​ស្វាយរៀង​ជិត​៤០​នាក់​លទ្ធផលតេស្ត​លើក​ទី​១​អវិជ្ជមាន​ទាំងអស់​

ព័ត៌មានអន្ដរជាតិ43 mins ago

សួនសត្វសហរដ្ឋអាមេរិកចាក់វ៉ាក់សាំងការពារកូវីដដល់ស្វាឪ

ព័ត៌មានជាតិ45 mins ago

ផ្អាកផ្ទះ​ជួល​មួយ​កន្លែង​​ទៀត​នៅ​ព្រះសីហនុ ក្រោយ​រក​ឃើញ​​​អ្នក​ស្នាក់​នៅ​វិជ្ជមាន​កូវីដ១៩​

ព័ត៌មានជាតិ59 mins ago

ថ្នាក់ដឹកនាំ​ខេត្តតាកែវ​អញ្ជើញ​ចុះសួរសុខទុក្ខ និង​នាំយក​គ្រឿងឧបភោគ​មួយចំនួនធំ ជូន​កងកម្លាំង​ឈរជើង​នៅតាម​បន្ទាត់​ព្រំដែន កម្ពុជា​-​វៀតណាម​

Sokha Hotels

ព័ត៌មានពេញនិយម

Helistar Cambodia - Helicopter Charter Services