ព័ត៌មានអន្ដរជាតិ

ភរិយាមហាសេដ្ឋី Ambani ជាស្ត្រីមានឥទ្ធិពលបំផុត ក្នុងប្រព័ន្ធផ្សព្វផ្សាយឥណ្ឌា

បានផុស

២ years មុន

នៅ

ថ្ងៃសៅរ៍ ៩ មីនា ២០២៤

ដោយ

សារព័ត៌មាន CNN បានដាក់ឈ្មោះលោកស្រី Nita Ambani ភរិយារបស់មហាសេដ្ឋីអាស៊ី Mukesh Ambani ជាស្ត្រីមានឥទ្ធិពលបំផុតនៅក្នុងប្រព័ន្ធផ្សព្វផ្សាយឥណ្ឌា បន្ទាប់ពីការតែងតាំងជាប្រធានក្រុមហ៊ុនសារព័ត៌មានដែលមានតម្លៃ ៨.៥ ពាន់លានដុល្លារ។

កើតចេញពីការច្របាច់បញ្ចូលគ្នារបស់ Disney និងក្រុមហ៊ុន Reliance Industries ដែលគ្រប់គ្រងដោយ Ambani ការបណ្តាក់ទុនរួមគ្នានេះធ្វើឲ្យស្រ្តីវ័យ៦១ ឆ្នាំស្ថិតនៅជួរមុខនៃវិស័យដែលមានតម្លៃទីផ្សារលើសពី ២៥ ពាន់លានដុល្លារ និងមានការពង្រីកយ៉ាងឆាប់រហ័ស។

ការសហការគ្នារវាង Disney និង Reliance ដែលរំពឹងថានឹងបញ្ចប់នៅចន្លោះចុងឆ្នាំ ២០២៤ និងដើមឆ្នាំ ២០២៥ នឹងសង្កត់ធ្ងន់ទៅលើកីឡា ជាកត្តាជំរុញជោគជ័យដ៏សំខាន់របស់វា។ ការរីកចម្រើនដ៏សំខាន់នេះសម្រាប់លោកស្រី Nita Ambani កើតឡើងជិត២ ឆ្នាំ បន្ទាប់ពីមហាសេដ្ធី Mukesh Ambani បានប្រកាសពីយុទ្ធសាស្រ្តបន្តបន្ទាប់ សម្រាប់ចក្រភពដ៏ធំរបស់ពួកគេ Reliance Industries រួមមានការបណ្តាក់ទុកក្នុងការលក់រាយ បច្ចេកវិទ្យា និងថាមពលកកើតឡើងវិញ។ ក្នុងនោះផងដែរ តាមរបាយការត្រូវបានបង្ហាញថា កូនៗទាំង៣នាក់របស់ពួកគេនឹងកាន់កាប់ក្រុមហ៊ុននេះមិនខុសពីឪពុកម្ដាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលដែលគាត់បានក្លាយជាស្ត្រីដំបូងគេ ដែលត្រូវបានតែងតាំងនៅក្នុងក្រុមប្រឹក្សាភិបាលនៃក្រុមហ៊ុន Reliance Industriesin កាលឆ្នាំ២០២៤ ការចូលរួមរបស់លោកស្រីនៅក្នុងការយកចិត្តទុកដាក់របស់ក្រុមហ៊ុនត្រូវបានជួបជាមួយនឹងការមន្ទិលសង្ស័យដោយមនុស្សមួយចំនួនដោយចាត់ទុកគាត់ជាតួឯកក្នុងការឆ្លើយតបទៅនឹងសម្ពាធបទប្បញ្ញត្តិសម្រាប់ភាពចម្រុះភេទនៅលើក្រុមប្រឹក្សាសាជីវកម្មនៅក្នុងប្រទេសឥណ្ឌា។

ទោះជាយ៉ាងណាក៏ដោយ ក្នុងរយៈពេលមួយទសវត្សរ៍កន្លងមកនេះ លោកស្រីបានបង្ហាញពីភាពប៉ិនប្រសប់ផ្ទាល់ខ្លួន លើវិស័យផ្សេងៗ ទទួលបានការសាទរចំពោះការងារសប្បុរសធម៌ ការចូលរួមក្នុងវិស័យកីឡា និងការរួមចំណែកក្នុងវិស័យសិល្បៈ។ ជាម្ចាស់ក្រុមកីឡា cricket របស់ Mumbai Indians និងបានបង្កើត The Nita Mukesh Ambani Cultural Centre Nita បាននិងកំពុងលើកកម្ពស់ការរួមបញ្ចូលកីឡា និងសិល្បៈទៅក្នុងក្រណាត់សង្គមរបស់ប្រទេសឥណ្ឌា។

ដោយឡែក យោងតាមកាសែត India Times ប្រវត្តិសិក្សារបស់ភរិយាសេដ្ធីឥណ្ឌារូបនេះ រួមមានបរិញ្ញាបត្រផ្នែកពាណិជ្ជកម្មពីមហាវិទ្យាល័យពាណិជ្ជកម្ម និងសេដ្ឋកិច្ច Narsee Monjee នៅទីក្រុងបុមបៃ។ គាត់ក៏ជាអ្នករាំរបាំ Bharatnatyam ដ៏ប៉ិនប្រសប់ផងដែរ។

តួនាទីពីមុនរបស់លោកស្រីជាគ្រូបង្រៀន រួមជាមួយនឹងសមាគម ជាមួយគណៈកម្មាធិការអូឡាំពិកអន្តរជាតិ និងសារមន្ទីរ Metropolitan Museum of Art ក្នុងទីក្រុងញូវយ៉ក បង្ហាញពីឥទ្ធិពលដ៏ទូលំទូលាយរបស់គាត់ទៅកាន់មហាជនជាច្រើន។

សូមជម្រាបជូនថា លោកស្រីបានរៀបការជាមួយសេដ្ធី Mukesh Ambani ក្នុងឆ្នាំ ១៩៨៥ ក្នុងពេលដែលប្តីប្រពន្ធគូនេះមានកូនប្រុសស្រីបីនាក់៖ កូនស្រីម្នាក់ឈ្មោះ Isha និងកូនប្រុសពីរនាក់គឺ Anant និង Akash ។ គិតត្រឹមថ្ងៃទី ០៩ ខែមីនា ឆ្នាំ ២០២៤ ដោយោងទៅតាម Forbeslists បានបញ្ចាក់ថា ទ្រព្យសម្បត្តិរបស់ Mukesh Ambani មានចំនួន ១១៧.៣ ពាន់លានដុល្លារ ដែលធ្វើឲ្យគាត់ក្លាយជាអ្នកមានបំផុតនៅអាស៊ី និងជាអ្នកមានបំផុតទី៩ របស់ពិភពលោក៕