KPT+

នៅពីក្រោយជីវិតដ៏ហ៊ឺហា របស់លោកស្រី Nita Ambani ប្រពន្ធសេដ្ឋីអាជីវកម្មនៅ ឥណ្ឌា

បានផុស

១ year មុន

នៅ

ថ្ងៃអង្គារ ១១ តុលា ២០២២

ដោយ

អ្នកស្រី Nita Ambani មានវ័យ ៥៨ឆ្នាំហើយ ប៉ុន្តែសម្រស់វិញមិនចាញ់ស្រីស្អាតវ័យ២០ឆ្នាំនោះទេ កាលពីដើមឡើយ អ្នកស្រីគឺជាអ្នករាំរបាំ bharatanatyam ដ៏ជំនាញម្នាក់ គាត់មិនមែនជាកូនអ្នកមានដូចប្ដីរបស់របស់គាត់ទេ។ ថ្ងៃមួយជាថ្ងៃដែលគាត់ឡើងសម្ដែងអ្នកស្រី Kokilaben Ambani ត្រូវជាម្ដាយក្មេកគាត់នាពេលបច្ចុប្បន្នពេញចិត្តនឹងអ្នកស្រីនីតាយ៉ាងខ្លាំង ដោយសារតែនាងមានសម្រស់ស្រស់ស្អាតទាក់ទាញខុសពីនារីដទៃទៀត រួចក៏សុំឲ្យនាងរៀបការនិងកូនប្រុសច្បងរបស់គាត់តែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីពេលនោះមក ជីវិតធម្មតាៗរបស់អ្នកស្រីនីតាក៏ប្រែក្លាយជាជីវិតមហាសេដ្ឋីប្រាក់រាប់ពាន់លាន សូម្បីតែរបស់របរប្រើប្រាស់ដូចជា ក្រែម ទូរស័ព្ទ សំលៀកបំពាក់ គាត់តែងតែកម្មង់ឲ្យគេធ្វើជាពិសេសសម្រាប់គាត់ដោយមិនទិញនៅតាមហាងសោះឡើយ លើសពីនេះទៀតគាត់ចូលចិត្តកុម្ម៉ង់ឲ្យគេដាំពេជ្រឬធ្វើពីមាស ដូចជាក្រែមមួយដើមនេះមានតម្លៃដល់ទៅ៥ម៉ឺនដុល្លារឯណោះ។

បើនិយាយអំពីសំលៀកបំពាក់វិញ សុទ្ធតែធ្វើអំពីសរសៃអំបោះមាសនិងដាំពេជ្យតម្លៃថ្លៃកប់ពពក អ្វីដែលគួរឲ្យភ្ញាក់ផ្អើលនោះគឺអ្នកស្រីមិនដែរពាក់ស្បែកជើងដដែលៗសូម្បីតែម្ដង។ ពិតណាស់គាត់មានស្បែកជើងថ្លៃៗរាប់ពាន់គូសម្រាប់ផ្លាស់ប្ដូរជារៀងរាល់ថ្ងៃដូចគ្នានឹងកាបូបរបស់គាត់ដែរ។ ងាកមកមើលតម្លៃយានជំនិះរបស់សេដ្ឋីនីរូបនេះវិញ អ្នកនឹងចំហមាត់ជាមិនខាន អ្នកស្រីមានយន្តហោះឯកជនតម្លៃ ២៨លានដុល្លា និង Audi A9 Chameleon តម្លៃ ១២លានដុល្លារ បើអ្នកគិតថាវាមានតម្លៃថ្លៃអ្នកសាកក្រឡេកមើល Iphone 6 សេរីចាស់តម្លៃដល់ទៅ ៤៨លានដុល្លា ជាមួយនឹងការរចនាម៉ូដស្រោមមាសដាំពេជ្យពណ៌ផ្កាឈូកប៉ុនមេដៃនៅខាងក្រោយទូរស័ព្ទដែលមនុស្សធម្មតាមិនអាចធ្វើបានឡើយ។

ជាក់ស្ដែងអ្នកស្រីនីតាមិនមែនជាមនុស្សស្រីហ៊ឺហាចាយលុយប្ដីទាំងស្រុងនោះទេ បច្ចុប្បន្នគាត់គឺជាសហម្ចាស់នៃក្រុម IPL ឥណ្ឌាម៉ុមបៃ និងជាស្ថាបនិកផង ជាប្រធានផងនៃសាលាអន្តរជាតិ Dhirubhai Ambani។ ក្រៅពីនេះ គាត់មានការងារសប្បុរសជនជួយមនុស្សឲ្យមានជីវិតប្រសើរឡើងជាងមុន ដោយបើកអង្គការ Reliance Foundation ដែលជាកន្លែងសម្រាប់ជួយមនុស្សក្រីក្រឲ្យមានចំណេះដឹង និងសុខភាពប្រសើរឡើង៕

ប្រែសម្រួលដោយ៖ វារី

ចុចអាន៖ទម្លាយទម្លាប់សន្សំលុយ ពីមហាសេដ្ឋី ៨ រូប មកពីជុំវិញពិភពលោក

ចុចអាន៖មេវិទ្យាស្ថានឱសថមួយរបស់ ឥណ្ឌា ក្លាយជាមហាសេដ្ឋីមានជាងគេបំផុត ក្នុងឆ្នាំ ២០២២