ព័ត៌មានអន្ដរជាតិ
ឆាប់ៗនេះ បារាំង នឹងបញ្ជូនកាំភ្លើងធំ ៧៨ គ្រឿងឲ្យ អ៊ុយក្រែន
ប្រទេសបារាំងនឹងបញ្ជូនកាំភ្លើងធំប្រភេទ Caesar ចំនួន ៧៨ គ្រឿងទៅឲ្យអ៊ុយក្រែនដើម្បីបំពេញតម្រូវការបន្ទាន់របស់រដ្ឋាភិបាលទីក្រុងកៀវសម្រាប់ប្រយុទ្ធប្រឆាំងនឹងសង្គ្រាមលុកលុយរបស់រុស្ស៊ី ។ នេះបើយោងតាមការចេញផ្សាយរបស់សារពត៌មាន AP នៅថ្ងៃទី២៧ ខែមីនា ។
រដ្ឋមន្ត្រីក្រសួងការពារជាតិបារាំងលោក Sebastien Lecornu បាននិយាយនៅក្នុងសន្និសីទសារព័ត៌មានថា កិច្ចព្រមព្រៀងមួយក្នុងចំណោមប្រទេសបារាំង អ៊ុយក្រែន និងដាណឺម៉ាក បានសម្រេចផ្តល់កាំភ្លើងធំបាញ់ស្វ័យប្រវត្តិ ១៥៥ មិល្លីម៉ែត្រប្រភេទ Caesar ទៅឲ្យអ៊ុយក្រែន តាមរយៈផ្លូវដឹកជញ្ជូនពីប្រទេសបារាំង ។
ទន្ទឹមនោះ ប្រទេសបារាំងក៏មានគម្រោងផ្ដល់គ្រាប់កាំភ្លើងទំហំ ១៥៥ មីល្លីម៉ែត្រប្រមាណ ៨០,០០០ គ្រាប់ទៅឲ្យអ៊ុយក្រែននៅឆ្នាំនេះផងដែរ ពោលគឺកើនឡើងពី ៣០,០០០ គ្រាប់ដែលធ្លាប់បានបញ្ជូន ចាប់តាំងពីផ្ទុះភ្លើងសង្រ្គាមកាលពីថ្ងៃទី ២៤ ខែកុម្ភៈ ឆ្នាំ២០២២ ។
លើសពីនេះ ប្រទេសបារាំងក៏កំពុងចូលរួមក្នុងកិច្ចខិតខំប្រឹងប្រែងមួយដើម្បីរកទិញគ្រាប់រំសេវពីប្រទេសក្រៅសហភាពអឺរ៉ុបផងដែរ ដែលជាផែនការផ្តួចផ្តើមដោយសាធារណរដ្ឋឆេកដើម្បីគាំទ្រដល់ទីក្រុងកៀវ ។ ក្រោមផែនការនេះ សាធារណរដ្ឋឆេកស្វែងរកកាំភ្លើងធំ ៨០០,០០០ គ្រឿងឲ្យអ៊ុយក្រែន ស្របពេលដែលមេដឹកនាំឆេកធ្លាប់បាននិយាយថា កញ្ចប់ដំបូងនឹងត្រូវបញ្ជូនទៅអ៊ុយក្រែនមិនឲ្យហួសខែមិថុនានោះទេ ខណៈយ៉ាងហោចណាស់មានប្រទេសចំនួន ១៨ បានចូលរួមក្នុងគំនិតផ្តួចផ្តើមនេះ ។
គួរបញ្ជាក់ថា កាលពីដើមខែនេះ អាល្លឺម៉ង់ បារាំង និងប៉ូឡូញបានប្តេជ្ញាទិញអាវុធបន្ថែមទៀតអ៊ុយក្រែន និងបង្កើនការផលិតសម្ភារៈយោធា ដោយសន្យាថា អ៊ុយក្រែនអាចពឹងផ្អែកលើមហាអំណាចទាំងបីរបស់អឺរ៉ុប ស្របពេលដែលអ៊ុយក្រែនកំពុងជួបវិបត្តិកង្វះខាតធនធានយោធា ៕
អត្ថបទ ៖ ប៊ុន សុភាព
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៧ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក