ក្រុម Hacker វាយលុកមន្ទីរពិសោធន៍វ៉ាក់សាំងកូវីដសាកលវិទ្យាល័យ Oxford
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ក្រុម Hacker វាយលុកមន្ទីរពិសោធន៍វ៉ាក់សាំងកូវីដសាកលវិទ្យាល័យ Oxford

Published

on

របាយការណ៍មួយរបស់សារព័ត៌មាន The Telegraph បានបង្ហាញថា មន្ទីរពិសោធន៍ជីវវិទ្យាសាស្ត្រស្រាវជ្រាវជំងឺកូវីដ ១៩ នៅសាកលវិទ្យាល័យ Oxford ត្រូវបាន Hack ដោយក្រុមឧក្រិដ្ឋតាមអ៊ីនធឺណិតកាលពីពាក់កណ្តាលខែកុម្ភៈ ព្រោះពួកគេគិតថា មន្ទីរពិសោធន៍កំពុងព្យាយាមលក់ព័ត៌មានអំពីវីរុសទៅអ្នកដេញថ្លៃខ្ពស់បំផុត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចេញផ្សាយបានឲ្យដឹងថា ការ Hack នេះបានកើតឡើងនៅផ្នែកជីវវិទ្យាសាស្ត្ររចនាសម្ព័ន្ធនៃសកលវិទ្យាល័យ Oxford ដែលត្រូវបានគេស្គាល់ថាមន្ទីរពិសោធន៍ Strubi ។ មន្ទីរពិសោធន៍ Strubi មិនទាក់ទងនឹងវិទ្យាស្ថាន Jenner នោះទេដែលបានបង្កើតវ៉ាក់សាំងការពារជំងឺកូវីដ ១៩ ជាមួយក្រុមហ៊ុនឱសថយក្សស៊ុយអែត AstraZeneca ។

នៅក្នុងសេចក្តីថ្លែងការណ៍មួយទៅកាន់ The Telegraph សាកលវិទ្យាល័យ Oxford បានបញ្ជាក់ថា  មន្ទីរពិសោធន៍ Strubi ត្រូវបានគេ Hack ។

បច្ចុប្បន្នការ Hack នេះកំពុងត្រូវបានស៊ើបអង្កេតដោយមជ្ឈមណ្ឌលជាតិសន្តិសុខអ៊ីនធឺណិត (NCSC) ខណៈដែលខ្លួនព្យាយាម “យល់ច្បាស់ពីផលប៉ះពាល់របស់វា” ។ គិតមកដល់ពេលនេះប្រភពសន្តិសុខមិនទាន់ច្បាស់ទេថាអ្នកណាទទួលខុសត្រូវចំពោះការវាយប្រហារនេះ ហើយមិនអាចបដិសេធការចូលរួមរបស់រដ្ឋបរទេសដែលជាសត្រូវនោះដែរ ។ NCSC ក៏បានកត់សម្គាល់ផងដែរថា ការវាយប្រហារតាមអ៊ីនធឺណិតមិនមានផលប៉ះពាល់ដល់ការស្រាវជ្រាវផ្នែកវេជ្ជសាស្ត្រណាមួយឡើយ ។

អ្នកនាំពាក្យដែលមិនបង្ហាញអត្តសញ្ញាណរបស់ក្រុមហ៊ុនបានកត់សម្គាល់ថា “យើងបានកំណត់លើបញ្ហានេះ ហើយឥឡូវនេះយើងកំពុងស៊ើបអង្កេតបន្ថែមទៀត ។ មិនមានផលប៉ះពាល់លើការស្រាវជ្រាវព្យាបាលណាមួយនោះទេ ព្រោះវាមិនត្រូវបានអនុវត្តនៅក្នុងតំបន់ដែលរងផលប៉ះពាល់ទេ ។

អ្នកនាំពាក្យរូបនេះក៏បានកត់សម្គាល់នៅក្នុងសេចក្តីថ្លែងការណ៍មួយដល់ទស្សនាវដ្តី Forbes ថា “យើងបានជូនដំណឹងដល់មជ្ឈមណ្ឌលសន្តិសុខអ៊ីនធឺណិត និងកំពុងធ្វើការជាមួយពួកគេ” ។

នេះមិនមែនជាលើកទី ១ ទេដែលក្រុម Hacker រងការចោទប្រកាន់ថាបានផ្តោតគោលដៅទៅលើការស្រាវជ្រាវវ៉ាក់សាំងការពារជំងឺកូវីដ ១៩ ។

កាលពីខែវិច្ឆិកាក្រុមហ៊ុន Microsoft បានចោទប្រកាន់រដ្ឋមកពីប្រទេសរុស្ស និងកូរ៉េខាងជើងពីបទដៅក្រុមហ៊ុនផលិតឱសថ និងអ្នកស្រាវជ្រាវដែលធ្វើការលើវ៉ាក់សាំង និងការព្យាបាលសម្រាប់ជំងឺកូវីដ ១៩ ។

នៅពេលនោះក្រុមហ៊ុន Microsoft បានចោទប្រកាន់អ្នកវាយប្រហារថាបានផ្តោតគោលដៅទៅលើក្រុមហ៊ុនផលិតឱសថឈានមុខគេ និងអ្នកស្រាវជ្រាវវ៉ាក់សាំងនៅក្នុងប្រទេសកាណាដា បារាំង ឥណ្ឌា កូរ៉េខាងត្បូង និងសហរដ្ឋអាមេរិក ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ក្រុមហ៊ុន Pfizer-BioNTech ធ្វើតេស្តវ៉ាក់សាំងកូវីដដូសទីបី រកប្រសិទ្ធភាពបន្ថែមប្រឆាំងវីរុសបំប្លែងខ្លួនថ្មី

ចុចអាន ៖ វីរុសបំប្លែងខ្លួនថ្មីមួយទៀតដែលរកឃើញនៅអាមេរិក បង្កការព្រួយបារម្ភខ្លាំងជាងមុន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ22 mins ago

ក្រុម​គ្រូពេទ្យ​រក​ឃើញ​អ្នក​វិជ្ជមាន​កូវីដ១៩ ចំនួន២៩នាក់ នៅ​ខណ្ឌ​ឫស្សីកែវ

ព័ត៌មានជាតិ2 hours ago

រដ្ឋបាល​ខេត្តកណ្តាល​សម្រេច​ផ្អាក​ការលក់​គ្រឿង​ស្រវឹង​គ្រប់​ប្រភេទ​ជា​បណ្ដោះអាសន្ន​

ព័ត៌មានជាតិ2 hours ago

អភិបាល​ខេត្ត​ព្រៃវែង​ ចាត់​វិធានការ​ក្តៅ​ ក្រោយ​រក​ឃើញ​អ្នកវិជ្ជមាន​កូវីដ១៩ ចំនួន​៦នាក់​លួច​ចូល​ខេត្ត​

ព័ត៌មានជាតិ3 hours ago

​រដ្ឋបាល​រាជធានីភ្នំពេញ បង្ហាញ​អត្តសញ្ញាណ​អ្នកវិជ្ជមាន​កូវីដ១៩ ចំនួន១៩៨រូប ដើម្បី​ឲ្យ​អ្នកពាក់ព័ន្ធ​រួសរាន់​យក​សំណាក​ទៅធ្វើតេស្ត

ជីវិតកម្សាន្ដ3 hours ago

ចំណងស្នេហា​៤​ឆ្នាំ​របស់ វ៉ាន់ នី​ឡា មិន​ប្រែ​ព្រួល ទោះ​រង​ការ​សើចចំអក​ពី​អ្នកដទៃ​

Sokha Hotels

ព័ត៌មានពេញនិយម

Helistar Cambodia - Helicopter Charter Services