Connect with us

ព័ត៌មានអន្ដរជាតិ

ក្រុមហ៊ុន Pfizer-BioNTech ធ្វើតេស្តវ៉ាក់សាំងកូវីដដូសទីបី រកប្រសិទ្ធភាពបន្ថែមប្រឆាំងវីរុសបំប្លែងខ្លួនថ្មី

បានផុស

នៅ

ក្រុមហ៊ុនឱសថយក្សអាមេរិក Pfizer និងដៃគូសហការអាល្លឺម៉ង់ BioNTech បាននិយាយកាលពីថ្ងៃព្រហស្បតិ៍ថា ពួកគេកំពុងធ្វើតេស្តវ៉ាក់សាំងកូវីដ ១៩ ដូសទី ៣ របស់ពួកគេដើម្បីយល់កាន់តែច្បាស់នូវការឆ្លើយតបនៃប្រព័ន្ធភាពស៊ាំប្រឆាំងនឹងវីរុសបំប្លែងខ្លួនប្រភេទថ្មី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពួកគេកំពុងពិភាក្សាជាមួយអាជ្ញាធរត្រួតពិនិត្យអំពីការធ្វើតេស្តវ៉ាក់សាំងដើម្បីការពារជាពិសេសប្រឆាំងនឹងវីរុសបំប្លែងខ្លួនថ្មីដែលអាចចម្លងបានខ្ពស់ បន្ទាប់ពីត្រូវបានរកឃើញនៅអាហ្វ្រិកខាងត្បូង និងកន្លែងផ្សេងទៀត និងគេស្គាល់ថាឈ្មោះ B.1.351 ។

ក្រុមហ៊ុនជឿជាក់ថា វ៉ាក់សាំងពីរដូសបច្ចុប្បន្នរបស់ពួកគេនឹងមានប្រសិទ្ធភាពប្រឆាំងនឹងវ៉ារ្យ៉ង់អាហ្វ្រិកខាងត្បូងក៏ដូចជា វីរុសដែលត្រូវបានរកឃើញនៅក្នុងចក្រភពអង់គ្លេស និងកន្លែងផ្សេងទៀត ។ ពួកគេបាននិយាយថា ប៉ុន្តែការសិក្សានេះនឹងអនុញ្ញាតឲ្យក្រុមហ៊ុនវ៉ាក់សាំងរៀបចំនៅពេលមានការការពារបន្ថែមទៀតចាំបាច់ ។

លោក Mikael Dolsten ប្រធានផ្នែកវិទ្យាសាស្ត្ររបស់ក្រុមហ៊ុន Pfizer បាននិយាយនៅក្នុងបទសម្ភាសន៍មួយថា “អត្រានៃការវិវត្តរបស់វីរុសគឺខ្ពស់ជាងការរំពឹងទុក ។ ក្នុងដំណាក់កាលដំបូងនៃការស្រាវជ្រាវ ដូសទីបីកម្រិត ៣០ មីក្រូក្រាមនឹងត្រូវផ្តល់ដល់មនុស្សចំនួន ១៤៤ នាក់ដែលបានទទួលការចាក់វ៉ាក់សាំងពី ៦ ទៅ ១២ ខែមុននៅក្នុងការសាកល្បងសុវត្ថិភាពដំណាក់កាលទី ១” ។

លោក Dolsten បាននិយាយថា វ៉ាក់សាំងដែលត្រូវបានរៀបចំឡើងវិញក៏នឹងត្រូវបានធ្វើតេស្តផងដែរដូចជាទាំងកម្រិតថ្នាំសម្រាប់អ្នកដែលត្រូវបានចាក់វ៉ាក់សាំង និងអ្នកដែលមិនទាន់បានចាក់វ៉ាក់សាំង ។

ការសាកល្បងនឹងមិនស្វែងរកការវាស់វែងប្រសិទ្ធភាពនៃវ៉ាក់សាំងដូចការសាកល្បងដំណាក់កាលទី ៣ កាលពីឆ្នាំមុនទេ ។ ផ្ទុយទៅវិញវានឹងវាស់ការឆ្លើយតបរបស់អង់ទីគ័រ និងសិក្សាថាតើឈាមដែលទទួលពីអ្នកឆ្លងជំងឺអាចបន្សាបវ៉ាក់សាំងវីរុសបំប្លែងថ្មីក៏ដូចជាសុវត្ថិភាពនៃដូសទីបីទក៏យ៉ាងណា ។

លោក Dolsten បាននិយាយថា វ៉ាក់សាំង mRNA ដូចជាក្រុម៊ុន Pfizer និង BioNTech បង្កើតការឆ្លើយតបដ៏ខ្លាំងក្លា ។ ប៉ុន្តែការឆ្លើយតបនៃប្រព័ន្ធភាពស៊ាំអាចនឹងថយចុះតាមពេលវេលាផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ដំណឹងល្អ! អត្រាអ្នកឆ្លងកូវីដចូលសម្រាកព្យាបាលក្នុងមន្ទីរពេទ្យធ្លាក់ចុះខ្លាំង ក្រោយចាក់វ៉ាក់សាំងដូសដំបូង

ចុចអាន ៖ ប្រសើរណាស់! វ៉ាក់សាំងកូវីដដែលកម្ពុជានឹងទទួលបានខែក្រោយ ជួយឲ្យអត្រាឆ្លងនៅអង់គ្លេសថយចុះ ២ភាគ៣

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៦ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានអន្ដរជាតិ៩ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ៣ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម