Connect with us

ព័ត៌មានអន្ដរជាតិ

កូរ៉េ​ខាង​ជើង​ នឹង​ឈប់​បង្ហោះ​ប៉េងប៉ោង​ចង​ភ្ជាប់​សំរាម និង​លាមក ចូល​ដី​កូរ៉េ​ខាង​ត្បូង

បានផុស

នៅ

រដ្ឋាភិបាល​ក្រុង​ព្យុងយ៉ាង បាន​​ប្រកាស​ថា ខ្លួន​នឹង​​​ឈប់​បញ្ជូន​ប៉េងប៉ោង ដែល​មាន​​ភ្ជាប់​ជាមួយ​សំរាម និង​លាមក​ បង្ហោះ​​តាម​ព្រំដែន​ចូល​ក្នុង​ប្រទេស​កូរ៉េ​ខាង​ត្បូង ទៀត​ហើយ។ នេះ​បើ​យោង​​តាម​ការ​ចុះ​ផ្សាយ​របស់​​សារព័ត៌មាន​រដ្ឋ​កូរ៉េ​ខាង​ជើង KCNA កាល​ពី​ថ្ងៃ​​ទី​២ ខែ​​មិថុនា​កន្លង​ទៅ។


សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kim Kang-il អនុ​​​រដ្ឋមន្ត្រី​ក្រសួង​ការពារ​ជាតិ​កូរ៉េ​ខាង​ជើង ​បាន​​អះអាង​​ថា គិត​ចាប់​ពី​យប់​ថ្ងៃ​ទី​២៨ ខែ​ឧសភា ដល់​ព្រឹក​ថ្ងៃ​ទី​២ ខែ​មិថុនា មាន​ការ​បង្ហោះ​សំរាម​តាម​រយៈ​ប៉េងប៉ោង​​ចំនួន ៣៥ ០០០​ប៉េងប៉ោង​ ​ចូល​កូរ៉េ​ខាង​ត្បូង ហើយ​បើ​គិត​ជា​ទម្ងន់​សំរាម​ស្មើ​នឹង ១៥​តោន​​​​​​។ លោក ថា ការ​បង្ហោះ​​នឹង​ត្រូវ​ផ្អាក ប្រសិន​បើ​សកម្ម​ជន​​​កូរ៉េ​ខាង​ត្បូង​​បញ្ឈប់​​ការ​បង្ហោះ​ប៉េង​ប៉ោង​ភ្ជាប់​ជាមួយ​ខិត្តប័ណ្ណ​រិះគន់​រដ្ឋាភិបាល​លោក គីម ជុងអ៊ុន បន្ត​ទៀត។

លោក​អនុរដ្ឋមន្ត្រី​កូរ៉េ​ខាង​ជើង បាន​បន្ថែម​ថា ការ​បង្ហោះ​ប៉េងប៉ោង​​​នេះ ធ្វើ​ឡើង​ជា​ការ​សងសឹក​ដើម្បី​ឲ្យ​កូរ៉េ​ខាង​​ត្បូង​យល់​ពី​​អារម្មណ៍​​​មិន​ល្អ ព្រម​ទាំង​ការ​ខំ​ប្រឹង​ប្រែង​ដើម្បី​ប្រមូល​យក​សំរាម​ដែល​​បាន​បង្ហោះ​ពី​កូរ៉េ​ខាង​ត្បូង ចូល​មក​​ទឹក​ដី​របស់​​កូរ៉េ​ខាង​ជើង។ លោក​​បាន​ព្រមាន​ថា បើ​សកម្មជន​​កូរ៉េ​ខាង​ត្បូង បន្ត​សកម្មភាព​ប្រឆាំង​បែប​នេះ​ទៀត នោះ​កូរ៉េ​ខាង​ជើង​នឹង​បង្ហោះ​ប៉េងប៉ោង​ចូល​វិញ ដោយ​ចំនួន​នឹង​​ច្រើន​ជាង​​រាប់​រយ​ដង​​នៃ​ប៉េងប៉ោង​ដែល​បាន​បង្ហោះ។

សូម​បញ្ជាក់​ថា ក្នុង​រយៈពេល​ជា​ច្រើន​ឆ្នាំ​កន្លង​ទៅ សកម្មជន​កូរ៉េ​​ខាង​ត្បួង បាន​នាំ​គ្នា​បង្ហោះ​ប៉េងប៉ោង​ចូល​​​ក្នុង​ប្រទេស​កូរ៉េ​ខាង​ជើង ដើម្បី​បង្ហាញ​ពី​ខិត្តប័ណ្ណ​រិះគន់​​លោក គីម ជុងអ៊ុន មេ​ដឹក​នាំ​កូរ៉េ​ខាង​ជើង និង​មាន​​ខ្លះ​ជា​បន្ទះ USB ផ្ទុក​នូវ​​វីដេអូ​ចម្រៀង​ K-Pop ជា​ដើម៕

ដោយ៖ ឈាង​​

អាន​បន្ថែម៖ កូរ៉េ​ខាង​ជើង បង្ហោះ​ប៉េងប៉ោង​ចង​ភ្ជាប់​សំរាម និង​លាមក ចូល​​កូរ៉េ​ខាង​ត្បូង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម