ព័ត៌មានអន្ដរជាតិ
បក្សប្រជាធិបតេយ្យប្តូរយុទ្ធសាស្រ្ត ខណៈបក្សសាធា រណៈរដ្ឋរៀបចំសមាជ ក្រោយលោកត្រាំ រងការបាញ់ប្រហារ
ខណៈការបោះឆ្នោតសហរដ្ឋអាមេរិកនៅសល់តែជាង៣ខែទៀតប៉ុណ្ណោះ បុគ្គលិករៀបចំយុទ្ធនាការឃោសនារកសំឡេងឆ្នោតរបស់គណបក្សប្រជាធិបតេយ្យរបស់ប្រធានាធិបតីសហរដ្ឋអាមេរិកកំពុងកាន់អំណាច លោក ចូ បៃដិន (Joe Biden) កំពុងពិភាក្សាអំពីការប្លាស់ប្តូរវិធីសាស្ត្រពង្រឹងស្មារតីអ្នកគាំទ្រ ស្របពេលគណបក្សសាធារណៈរដ្ឋរៀបចំសមាជទូទាំងប្រទេស ក្រោយពេលលោកដូណាល់ ត្រាំ រងការប៉ងធ្វើឃាតក្នុងពេលជួបប្រជុំអ្នកគាំទ្រកាលពីថ្ងៃទី១៣ ខែកក្កដានេះ។
បណ្តាញទូរទស្សន៍ខ្សែកាប្លិ៍ (CNN) ដ៏ល្បីល្បាញរបស់សហរដ្ឋអាមេរិក បានដកស្រង់ប្រភពមិនបញ្ចេញឈ្មោះក្នុងគណបក្សប្រជាធិបតេយ្យ ផ្សាយនៅថ្ងៃទី១៥ ខែកក្កដានេះថា យុទ្ធនាការរកសំឡេងឆ្នោតរបស់គណបក្សប្រជាធិបតេយ្យមានភាពមិនច្បាស់លាស់ និងច្របូកច្របល់នៅទូទាំង។
អ្នករៀបចំយុទ្ធនាការស្វែងការគាំទ្ររបស់គណបក្សនេះកាលពីថ្ងៃអាទិត្យបានជួបប្រជុំក្នុងគោលបំណងកែប្រែនូវផែនការដើម្បីទប់ទល់នឹងសារនយោបាយថ្មីដែលសមាជគណបក្សសាធារណៈរដ្ឋនឹងដាក់ចេញនៅថ្ងៃចន្ទនេះ។
គណបក្សសាធារណៈរដ្ឋនឹងរៀបចំពិធីសមាជបក្សដែលមានគណៈប្រតិភូនិងអាជ្ញាធរពីតាមបណ្តារដ្ឋនានា ប្រមាណ២៤២៩នាក់ ព្រមទាំងអ្នកគាំទ្រប្រមាណ៥០០០០នាក់ចូលរួម នៅក្នុងទីក្រុង Milwaukee នៃរដ្ឋ Wisconsin។
ការរៀបចំសមាជរបស់គណបក្សសាធារណៈរដ្ឋកើតឡើងតែពីរថ្ងៃប៉ុណ្ណោះ បន្ទាប់ពីអតីតប្រធានាធិបតី ដូណាល់ ត្រាំ ដែលជាបេក្ខភាពប្រធានាធិបតីដ៏មានប្រជាប្រិយសម្រាប់ការឆ្នោតនៅដើមខែវិច្ឆិកាខាងមុខ រងការបាញ់ប្រហារប៉ងធ្វើឃាតកាលពីថ្ងៃទី១៣ខែកក្កដានៅរដ្ឋ Pennsylvania។
សេចក្តីរាយការណ៍នានាចុងក្រោយ បានបង្ហាញថា លោក ដូណាល់ ត្រាំ បានរងរបួសសា្រល និងមានសុវត្ថិភាព ពីហេតុការណ៍បាញ់ប្រហារបណ្តាលឱ្យមនុស្សពីរនាក់ផ្សេងទៀតរងរបួស ហើយខ្មាន់កំាភ្លើងម្នាក់ត្រូវបានបាញ់សម្លាប់ដោយមន្ត្រីសន្តិសុខ។ រហូតដល់ពេលនេះ ភ្នាក់ងារស៊ើបអង្កេតរបស់សហរដ្ឋអាមេរិក (FBI) កំពុងបន្តស៊ើបអង្កេតករណីបាញ់ប្រហារនេះ៕
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ