លោក Joe Biden និយាយថា លោកនឹងឈ្នះ – Kampuchea Thmey Daily
Connect with us

ព័ត៌មានអន្ដរជាតិ

លោក Joe Biden និយាយថា លោកនឹងឈ្នះ

Published

on

អ្នកប្រជាធិបតេយ្យលោក Joe Biden បាននិយាយកាលពីថ្ងៃពុធថា លោករំពឹងថានឹងឈ្នះការបោះឆ្នោតប្រធានាធិបតី។ លោកនិយាយថា លោកជឿជាក់ថា វាច្បាស់ណាស់ថាយុទ្ធនាការរបស់លោកកំពុងឈ្នះរដ្ឋគ្រប់គ្រាន់ដើម្បីទទួលបានតំណែងប្រធានាធិបតី។

លោក Biden និយាយថា “បន្ទាប់ពីការរាប់សន្លឹកឆ្នោតដ៏យូរនៅពេលយប់ វាច្បាស់ណាស់ថា យើងនឹងឈ្នះរដ្ឋជាច្រើនដើម្បីឈានដល់សំឡេងចំនួន២៧០ដែលចាំបាច់ក្នុងការគ្រងតំណែងប្រធានាធិបតី។ ខ្ញុំមិនមែននៅទីនេះដើម្បីប្រកាសថាយើងបានឈ្នះនោះទេប៉ុន្តែខ្ញុំនៅទីនេះដើម្បីរាយការណ៍ថា នៅពេលការរាប់ត្រូវបានបញ្ចប់ យើងជឿជាក់ថា យើងនឹងក្លាយជាអ្នកឈ្នះ”។

លោកនិយាយបែបនេះខណៈលោកកំពុងមានសំឡេងតំណាងបោះឆ្នោតនាំមុខលោក Donald Trump។

លោក Biden កំពុងមានសំឡេង២៦៤ចំណែកឯលោក Trump មានសំឡេង២១៤ស្របពេលនៅសល់រដ្ឋតិចតួចប៉ុណ្ណោះដែលមិនទាន់បញ្ចប់ការរាប់សន្លឹកឆ្នោត។

បេក្ខជនត្រូវការសំឡេងតំណាងបោះឆ្នោតចំនួន២៧០ដើម្បីឈ្នះតំណែងប្រធានាធិបតី៕

ប្រែសម្រួលដោយ៖ Vann Vann

ប្រភព៖ Reuters

ចុច Like Facebook កម្ពុជាថ្មី

ព័ត៌មានពេញនិយម