ព័ត៌មានអន្ដរជាតិ
កាកសំណល់អាហារៈ ចំនួន៩០០លានតោនត្រូវបានបោះចោល
Published
1 month agoon
សន្ទស្សន៍កាកសំណល់អាហាររបស់កម្មវិធីបរិស្ថានអង្គការសហប្រជាជាតិបានបង្ហាញថា ១៧%នៃអាហារដែលអ្នកប្រើប្រាស់អាចរកបាននៅក្នុងហាង តាមផ្ទះ និងភោជនីយដ្ឋានបោះចោលផ្ទាល់ទៅក្នុងធុងសំរាមតែម្តង។ កាកសំណល់ប្រហែលជា៦០%គឺនៅតាមផ្ទះ។

ការជាប់បំរាមក្នុងអន្តរកាលកូវិដ-១៩ហាក់ដូចជាមានផលវិជ្ជមានគួរឲ្យភ្ញាក់ផ្អើលគឺធ្លាក់កាកសំណល់តាមផ្ទះគួរឲ្យកត់សំគាល់។
អង្គការសប្បុរសធម៌និរន្តរភាព Wrap ដែលជាដៃគូរបស់អង្គការសហប្រជាជាតិដែលធ្វើការស្រាវជ្រាវបានបង្ហាញរបាយការណ៍ថា មនុស្សបានកំពុងមានផែនការទិញទំនិញ និងអាហាររបស់ពួកគេដោយមានការយកចិត្តទុកដាក់ជាងមុន។
នៅក្នុងកិច្ចខិតខំប្រឹងប្រែងការងារនេះ មេចុងភៅល្បីៗត្រូវបានគេចុះបញ្ជីដើម្បីជំរុញឲ្យមានទម្លាប់ល្អក្នុងការកាត់បន្ថយកាកសំណល់ឲ្យសល់តិចបំផុត។
ឡានដឹកអាហារ២៣លានគ្រឿង
លោក Richard Swannell នាយកអភិវឌ្ឍអង្គការ Wrap បានប្រាប់ BBC ថា របាយការណ៍បានគូសបញ្ជាក់ពីបញ្ហាពិភពលោកមួយគឺ«ធំជាងការប៉ាន់ស្មាននាពេលកន្លងមក»។
«អាហារចំនួន៩២៣លានតោនកំពុងត្រូវបានខ្ជះខ្ជាយជារៀងរាល់ឆ្នាំដែលផ្ទុកក្នុងរថយន្តដឹកទំនិញចំនួន២៣លានគ្រឿងដែលក្នុងមួយគ្រឿងផ្ទុក៤០តោន។

វាជាបញ្ហាមួយដែលពីមុនត្រូវបានចាត់ទុកជាបញ្ហាស្ទើរតែផ្តាច់មុខនៅក្នុងប្រទេសអ្នកមាន ដែលអ្នកប្រើប្រាស់ទិញទំនិញលើសពីតម្រូវការប្រើប្រាស់របស់ពួកគេថែមទៀត ប៉ុន្តែការស្រាវជ្រាវនេះរកឃើញថា កាកសំណល់យ៉ាងច្រើនមានគ្រប់ទីកន្លែង»។
គម្លាតនៃការរកឃើញអាចបង្ហាញពីទំហំនៃបញ្ហាដែលមានទាំងនៅក្នុងប្រទេសមានចំណូលខ្ពស់ និងប្រទេសមានចំណូលទាប។ ជាឧទាហរណ៍ របាយការណ៍មិនអាចបែងចែករវាងកាកសំណល់ដែលបរិភោគបាន និងកាកសំណល់ដែលមិនអាចបរិភោគបាន។
លោកស្រី Martina Otto មកពី Unep បាននិយាយថា ៖«យើងមិនបានពិនិត្យឲ្យស៊ីជម្រៅនូវបញ្ហានេះទេ ប៉ុន្តែប្រទេសដែលមានប្រាក់ចំណូលទាប ខ្សែសង្វាក់ផ្គតផ្គងមិនអាចត្រូវបានធានាពេញលេញទេ ដោយសារកង្វះថាមពល»។
លោកស្រីថា ទិន្នន័យដើម្បីបែងចែករវាងកាកសំណល់ដែលអាចបរិភោគបាន និងអាហារដែលមិនអាចបរិភោគបាន ដូចជាឆ្អឹង និងសំបកគឺមានតែក្នុងប្រទេសដែលមានចំណូលខ្ពស់។ ចំណែកប្រទេសដែលមានប្រាក់ចំណូលទាបទំនងខ្ជះខ្ជាយអាហារដែលអាចបរិភោគមិនបានភាគច្រើន។

មុនកិច្ចប្រជុំកំពូលស្តីពី«ជីវចម្រុះ និងអាកាសធាតុសកល»នៅចុងឆ្នាំនេះ នាយប្រតិបត្តិ Unep លោកស្រី Inger Andersen កំពុងជំរុញឲ្យប្រទេសទាំងអស់ប្រយុទ្ធប្រឆាំងនឹងកាកសំណល់ដែលត្រូវបញ្ឈប់នៅពាក់កណ្តាលឆ្នាំ២០៣០។
លោកស្រីថា ៖«ប្រសិនបើយើងចង់យកចិត្តទុកដាក់ខ្ពស់ក្នុងការដោះស្រាយការប្រែប្រួលអាកាសធាតុ ការបាត់បង់ជីវចម្រុះ និងធម្មជាតិ ព្រមទាំងការបំពុលបរិយាកាស និងកាកសំណល់ អាជីវកម្ម រដ្ឋាភិបាល និងប្រជាជនទូទាំងពិភពលោកត្រូវតែបំពេញតួនាទីរបស់ពួកគេដើម្បីចូលរួមកាត់បន្ថយកាកសំណល់»។
លោក Richard Swannell បានចង្អុលបង្ហាញថា ៖«អាហារដែលខ្ជះខ្ជាយគឺបណ្តាលឲ្យកើតមានភាយឧស្ម័នផ្ទះកញ្ចក់៨-១០% ដូច្នេះប្រសិនបើ អាហារដែលខ្ជះខ្ជាយច្រើននៅក្នុងប្រទេសមួយនោះ វានឹងក្លាយជាឧស្ម័នផ្ទះកញ្ចក់ធំជាងគេទី៣នៅលើផែនដី»។
គន្លឹះកាត់បន្ថយកាកសំណល់
-រៀបចំផែនការចំណែករបស់លោកអ្នក និងទិញទំនិញតាមត្រឹមត្រូវចាំបាច់។ ឆ្នាំងមួយគួរតែដាក់ចំនួនអង្ករដែលមិនទាន់ចំអិនឲ្យត្រឹមត្រូវសម្រាប់មនុស្សធំពេញវ័យ៤នាក់។ មានន័យថា ការទិញទំនិញ និងរៀបចំអាហារឲ្យត្រឹមត្រូវតាមតម្រូវការពោលគឺមិនឲ្យខ្វះ និងមិនឲ្យសល់។

-ដាក់កំណត់សីតុណ្ហភាពត្រជាក់ក្នុងទូទឹកកកឲ្យទាប ជាមធ្យមសីតុណ្ហភាពទឹកកកនៅប្រទេសអង់គ្លេស៧អង្សាសេ ដូច្នេះគួរតែដាក់កម្រិតសីតុណ្ហភាពទូទឹកកកទាបជា៥អង្សាសេបានហើយ។
-យកចិត្តទុកដាក់ចំពោះស្លាកកាលបរិច្ឆេទ: កាលបរិច្ឆេទប្រើប្រាស់ត្រឹមត្រូវគឺជាសុវត្ថិភាពចំណីអាហារ។ ប្រសិនបើកាលបរិច្ឆេទហួសកំណត់ លោកអ្នកមិនត្រូវបរិភោគ ឬប្រើប្រាស់ទេ ទោះមើលទៅស្អាត និងមិនមានក្លិនអាក្រក់ក៏ដោយ។ ប្រសិនបើអ្វីមួយដែលជិតហួសកាលបរិច្ឆេទ លោកអ្នកអាចដាក់ក្លាហ្សេបាន។ អ្វីដែលមិនទាន់ហួសកាលបរិច្ឆេទគឺគុណភាពល្អ។
យោងតាមអង្គការ Wrap ស្រាវជ្រាវឃើញថា នៅចក្រភពអង់គ្លេស ជាមធ្យម គ្រួសារមួយអាចសន្សំលុយប្រហែល៩០០ដុល្លារក្នុងមួយឆ្នាំពីការចំណាយលើអាហារដែលពួកគេបរិភោគ។
ឥទ្ធិពលបំរាម
នៅពេលកាកសំណល់អាហារជាការស្ម័គ្រចិត្ត បំរាមកូវិដ-១៩ហាក់ដូចជាមានឥទ្ធិពលគួរឲ្យភ្ញាក់ផ្អើលដែលបានបង្ហាញយ៉ាងច្បាស់ពីរបៀបដែលត្រូវបានចាត់ចែង។
យោងតាមការស្រាវជ្រាវរបស់ Wrap បង្ហាញថា ការធ្វើផែនការ ការរក្សាទុកដោយប្រុងប្រយ័ត្ន និងចំអិនអាហារកំឡុងពេលបំរាមកូវិដ-១៩បានកាត់បន្ថយកាកសំណល់អាហារគួរឲ្យកត់សំគាល់ដែលតាមរបាយការណ៍គឺធ្លាក់ចុះដល់២២% បើប្រៀបធៀបនឹងឆ្នាំ២០១៩។
របាយការណ៍អង្គការបានលើកឡើងថា ៖«ការត្រូវបានដាក់បង្ខាំងនៅផ្ទះជាលទ្ធផលបង្ហាញពីការកើនឡើងនូវឥរិយាបថដូចជាការចំអិនអាហារត្រូវតាមតម្រូវការ និងមានផែនការអាហារល្អ។ ប៉ុន្តែសញ្ញាចុងក្រោយបំផុតគឺកម្រិតកាកសំណល់អាហារទំនងដូចជាកើនឡើងវិញ នៅពេលបំរាមត្រូវបានបន្ធូរបន្ថយ និងដកបំរាម»។
ក្នុងការប្រឹងប្រែងដើម្បីជៀសវាងបញ្ហានេះ ចុងភៅ និងមេចុងភៅបានផ្តល់ឈ្មោះ និងគណនីទំនាក់ទំនងសង្គមរបស់ពួកគេដើម្បីជាយុទ្ធនាការណ៍ប្រឆាំងនឹងកាក់សំណល់អាហារ។
ចុងភៅកម្មវិធីទូរទស្សន៍អង់គ្លេស Nadiya Hussain បានកំពុងធ្វើការជាមួយអង្គការ Wrap និងផ្តល់គន្លឹះ និងរូបមន្តធ្វើម្ហូបបតាមរយៈ Instagram។
ចំណែកម្ចាស់ភោជនីយដ្ឋានអ៊ីតាលី Massimo Bottura ដែលជាមេចុងភៅនៅភោជនីយដ្ឋាន Modena eatery Osteria Francescana ដែលលំដាប់ផ្កាយ Michelin ៣ ត្រូវបានតែងតាំងជាអគ្គរដ្ឋទូតសុឆ្ឆន្ទៈរបស់ Unep ដើម្បីប្រយុទ្ធប្រឆាំងនឹងការខ្ជះខ្ជាយអាហារ និងការបាត់បង់៕
ប្រែសម្រួល៖ វីរបុត្រ
ប្រភព៖ BBC
You may like
-
អ្នកចាក់វ៉ាក់សាំងរួចគួរទទួលទានអាហារមួយមុខនេះជាចាំបាច់ ដើម្បីបន្ថែមការបង្កើនភាពស៊ាំដល់រាងកាយ
-
អាហារងាយស្រួលរកប៉ុន្មាននេះ ជាថ្នាំបំប៉នជួយឲ្យផ្លូវដង្ហើមមានសុខភាពល្អ
-
កំពូលអាហារងាយរកទាំង ៥ ជួយបន្ថយហានិភ័យជំងឺមហារីក
-
កំពុងធ្វើការពីផ្ទះ? ទទួលទានអាហារសម្រន់ទាំងនេះដើម្បីជំនួយសុខភាព
-
អាហារទាំងនេះសម្បូរវីតាមីនC ជំនួយដល់ប្រព័ន្ធភាពស៊ាំ
-
អាហារទាំង៩ប្រភេទនេះ ជួយឲ្យសុខភាពសួតរឹងមាំល្អ
ចុច Like Facebook កម្ពុជាថ្មី

រដ្ឋបាលខេត្តកណ្តាលសម្រេចផ្អាកការលក់គ្រឿងស្រវឹងគ្រប់ប្រភេទជាបណ្ដោះអាសន្ន

អភិបាលខេត្តព្រៃវែង ចាត់វិធានការក្តៅ ក្រោយរកឃើញអ្នកវិជ្ជមានកូវីដ១៩ ចំនួន៦នាក់លួចចូលខេត្ត

រដ្ឋបាលរាជធានីភ្នំពេញ បង្ហាញអត្តសញ្ញាណអ្នកវិជ្ជមានកូវីដ១៩ ចំនួន១៩៨រូប ដើម្បីឲ្យអ្នកពាក់ព័ន្ធរួសរាន់យកសំណាកទៅធ្វើតេស្ត

ចំណងស្នេហា៤ឆ្នាំរបស់ វ៉ាន់ នីឡា មិនប្រែព្រួល ទោះរងការសើចចំអកពីអ្នកដទៃ

លោក គឹម សន្តិភាព ៖ អ្នកល្មើសវិធានការ ហាមឃាត់ការធ្វើដំណើរ ត្រូវផ្ដន្ទាទោសពី ៣ឆ្នាំ ទៅ៥ឆ្នាំ ឬធ្ងន់ជាងនេះ

(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…

ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF

មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច

ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ

ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
ព័ត៌មានពេញនិយម
-
ព័ត៌មានអន្ដរជាតិ4 days ago
ឪពុកម្តាយគួរប្រយ័ត្ន! កុមារ១ភាគ៣ មិនបង្ហាញរោគសញ្ញាទេពេលឆ្លងកូវីដ
-
អាជីព1 week ago
មិនទៅការិយាល័យ ធ្វើការងារពីផ្ទះយ៉ាងណាឱ្យមានប្រសិទ្ធិភាព?
-
ព័ត៌មានអន្ដរជាតិ4 days ago
អាចជាសះស្បើយពីកូវីដឬធ្លាក់ខ្លួនធ្ងន់ធ្ងរ ទាំងនេះជារោគសញ្ញាតាមដានរយៈពេល១ខែ
-
ព័ត៌មានជាតិ6 days ago
អ្នកផ្សារសំរោងយ៉ោង ៨នាក់ បានប៉ះពាល់ អ្នកឆ្លងកូវីដ១៩
-
ព័ត៌មានជាតិ5 days ago
បាត់ដានអ្នកជំងឺម្នាក់ ក្រោយតេស្តមានវិជ្ជមាន អាជ្ញាធរប្រកាសស្វែងរកជាបន្ទាន់
-
ព័ត៌មានជាតិ4 days ago
បន្ទាន់! នគរបាលដែលបាញ់ក្មេងស្ទាវកាន់កាំបិតដេញចាក់ នៅមុខធនាគារ ABA ត្រូវបានតុលាការដោះលែងហើយ
-
ព័ត៌មានអន្ដរជាតិ6 days ago
ចាក់វ៉ាក់សាំងដូសទី១រួច ចៃដន្យឆ្លងកូវីដ គួរចាក់ម្ដងទៀតទេ?
-
ព័ត៌មានអន្ដរជាតិ5 days ago
កុំប្រហែស! ទោះចាក់វ៉ាក់សាំងហើយ ក៏នៅតែអាចឆ្លងកូវីដដែរ