ព័ត៌មានអន្ដរជាតិ
រដ្ឋាភិបាលថៃមិនដកថយរឿងច្បាប់កាស៊ីណូ ទោះបីមានការប្រឆាំងខ្លាំង ហើយសភាពិភាក្សានៅថ្ងៃពុធ
នាយករដ្ឋមន្ត្រីថៃ ផែថងថាន ស៊ីណាវ៉ាត្រា (Paetongtarn Shinawatra) បាននិយាយនៅថ្ងៃអង្គារថា លោកស្រីបានដាក់សេចក្តីព្រាងច្បាប់ស្តីពីការគ្រប់គ្រងបនល្បែង (Entertainment Complex Bill ឬ Casino Bill) ដោយស្នើសុំឱ្យមានការអានដំបូងដើម្បីប្រមូលទស្សនៈផ្សេងគ្នាបន្ថែមទៀត មុនសេចក្តីព្រាងច្បាប់នេះដាក់ទៅកាន់រដ្ឋសភាជជែកនៅថ្ងៃពុធស្អែកនេះ។
ចំណាត់ការរបស់នាយករដ្ឋ្មមន្ត្រីនេះ បានធ្វើឡើងបន្ទាប់ពីរដ្ឋាភិបាលប្រឈមមុខនឹងការប្រឆាំងកាន់តែខ្លាំងឡើងពីក្រុមផ្សេងៗ នៅក្នុងនោះមានសកម្មជនប្រឆាំងរដ្ឋាភិបាលរបស់អតីមេដឹកនាំក្រុមអាវក្រហម ដែលធ្លាប់ លោក ស៊ីណាវ៉ាត្រា លោក ចតុផន ព្រំផាន់ (Chatuporn Promphan) ដោយបានប្រកាសប្រមូលផ្តុំអ្នកគាំទ្ររបស់ខ្លួននៅថ្ងៃអង្គារ និងនៅថ្ងៃពុធ ជាពេលវេលាដែលសភានឹងជួបប្រជុំលើកដំបូងពិភាក្សាលើច្បាប់នេះ។
សារព័ត៌មានថៃ Khaosod បានស្រង់សម្តី នាយករដ្ឋមន្ត្រី ផែថងថាន ដូចបាននិយាយថា៖«រដ្ឋាភិបាលមិនបានទម្លាក់ចោលសេចក្តីព្រាងច្បាប់នេះទេ»។
អតីមេដឹកនាំក្រុមអាវក្រហមដែលគាំទ្រអតីតនាយកករដ្ឋមន្ត្រី ថាក់ស៊ី ស៊ីណាវ៉ាត្រា លោក ចតុផន ព្រំផាន់ (Chatuporn Promphan) ប្រកាសប្រមូលផ្តុំក្រុមអ្នកគាំទ្រប្រឆាំងការច្បាប់បង្កើតបនលេងល្បែងស៊ីសង (កាស៊ីណូ) នៅថ្ងៃទី ៨-៩ ខែមេសា ដោយណាត់ឱ្យពួកគេពាក់អាវពណ៌ស ដោយលោកបានព្រមានថា ច្បាប់នោះនឹងនាំឲ្យមានអំពើរដ្ឋប្រហារកើតឡើងនៅក្នុងប្រទេសថៃ។
សកម្មជនប្រឆាំងដ៏លេចធ្លោក្នុងសង្គមថៃជាច្រើនទសវត្សរ៍ លោក ចតុផន ព្រំផាន់ បានធ្វើសកម្មភាពយ៉ាងសកម្មប្រឆាំងនឹងច្បាប់បង្កើតបនលេងល្បែងស៊ីសង (កាស៊ីណូ) ដែលគណៈរដ្ឋមន្ត្រីរបស់រដ្ឋាភិបាលដឹកនាំរបស់គណបក្សភឿថៃ ក្រោមការដឹកនាំរបស់ លោកស្រី ផែថងថាន ស៊ីណាវ៉ាត្រា កូនស្រីពៅរបស់លោក ថាក់ស៊ីន បានអនុម័ត្ររួចហើយ និងបានព្យាយាមជំរុញសេចក្តីព្រាងច្បាប់ស្តីពីល្បែងកម្សាន្តគ្រប់ប្រភេទ រួមទាំងកាស៊ីណូឲ្យក្លាយជាច្បាប់ពេញលេញឆ្លងកាត់រដ្ឋសភា។
តាមសារព័ត៌មានថៃ The Nations ការប្រកាសរបស់លោក ចតុផន ព្រំផាន់ ត្រូវបានធ្វើឡើងតាមរយៈការប្រាស្រ័យនៅអំឡុងពេលប្រមូលផ្តុំនៅមុខវិមានរដ្ឋាភិបាលកាលពីថ្ងៃទី៦ខែមេសា ឆ្នាំ២០២៥ ដើម្បីប្រឆាំងសេចក្តីព្រាងច្បាប់ស្តីពីការបង្កើតបនល្បែងស៊ីសងនេះ។
ជាមួយគ្នានេះ លោក ចតុផន ព្រំផាន់ ក៏បានប្រកាសកៀរគរការប្រមូលផ្តុំជាបន្តបន្ទាប់ ពោលគឺនៅថ្ងៃទី៨ ខែមេសាណាត់ប្រមូលផ្តុំតវ៉ានៅមុខវិមានរដ្ឋាភិបាល និងនៅថ្ងៃទី៩ខែមេសា ប្រមូលផ្តុំនៅមុខវិមានរដ្ឋសភា ដោយអំពាវដល់អ្នកប្រមូលផ្តុំតវ៉ាឱ្យពាក់អាវពណ៌សនិងកាន់ដបទឹកសុទ្ធទាំងអស់គ្នា។
លោក ចតុផន ព្រំផាន់ បានបន្តថា ស្ថានការណ៍បច្ចុប្បន្នជិតដល់ពេលកំណត់របស់រដ្ឋាភិបាលហើយ បើទោះបីជារដ្ឋាភិបាលនេះបន្តនៅយូរតទៅទៀតក៏ដោយ ប៉ុន្តែការបង្កើតច្បាប់ស្តីពីបនល្បែងស៊ីសង (កាស៊ីណូ) នឹងធ្វើឱ្យប្រជាជនជាច្រើននាំគ្នាចេញមកធ្វើបាតុកម្មតវ៉ាប្រឆាំងជាក់ជាមិនខាន។
អតីតសកម្មជនដែលធ្លាប់គាំទ្រលោកថាក់ស៊ីន និងបច្ចុប្បន្នបង្ហាញជំហរមិនស្របជាមួយការដឹកនាំរបស់នាយករដ្ឋមន្ត្រី ផែថងថាន ស៊ីណាវ៉ាត្រា ដែលជាកូនស្រីពៅរបស់លោកថាក់ស៊ីន មានជំនឿថា ពេលវេលារបស់រដ្ឋាភិបាលនេះនៅមិនយូរប៉ុន្មានទៀតឡើយ។
តាមការចេញផ្សាយរបស់សារព៍ត៌មានថៃដដែល លោក បានអះអាងថា ថ្មីៗនេះមានបុគ្គលក្នុងជួររដ្ឋាភិបាលបានចេញមកគំរាមបក្សប្រឆាំងថា «កុំហៅយោធាឱ្យធ្វើរដ្ឋប្រហារឱ្យសោះ» ប៉ុន្តែតាមពិតអ្នកដែលហៅយោធាឱ្យធ្វើរដ្ឋប្រហារនោះគឺជារដ្ឋាភិបាលខ្លួនឯងទៅវិញទេ។ ដោយសារការបង្កើតច្បាប់កាស៊ីណូនេះ វានឹងធ្វើឱ្យមានរដ្ឋប្រហារកើតឡើង ហើយនៅទីបញ្ចប់របស់រដ្ឋាភិបាលនេះ នឹងដូចករណីអគារការិយាល័យសវនកម្មរដ្ឋដែលត្រូវបានដួលរលំ បន្ទាប់ពីជួបគ្រោះរញ្ជួយដីថ្មីៗនេះអ៊ីចឹង៕
ដោយ រ៉ាន់ រើយ
Rihanna និងតារារ៉ុក A$AP ក្លាយជាគូស្នេហ៍លេចធ្លោជាងគេ ក្នុងកម្មវិធី Met Gala 2025
មូលហេតុពិតនាំឲ្យ ស៊ុយអែត ស្ថិតក្នុងប្រទេសមានសុភមង្គលលើលោកក្នុងឆ្នាំ ២០២៥
អ្នកជំនាញសុខភាព ប្រាប់ពីមូលហេតុទូទៅ ៦យ៉ាង ដែលមនុស្សអាចឆាប់ស្លាប់ក្រោយចូលវ័យ ៦០ឆ្នាំ
សភាពាណិជ្ជកម្មកម្ពុជា-ម៉ាឡេស៊ី ចុះ MoU បង្កើតក្របខ័ណ្ឌលើកកម្ពស់ទំនាក់ទំនងសេដ្ឋកិច្ច ពាណិជ្ជកម្ម និងការវិនិយោគ
ភ្លៀងខ្លាំងបណ្តាលឲ្យជន់លិចផ្លូវនៅរដ្ឋធានីបាងកកនិងខេត្តជុំវិញមួយចំនួន
រុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
បុរសម្នាក់ដាច់ខ្យល់ស្លាប់នៅក្នុងព្រៃពេលដើរឆ្លុះកង្កែប សង្ស័យជំងឺគាំងបេះដូង
សត្តឃាតដ្ឋានជ្រូក ក្នុងភូមិតាឡី ហាក់ចង់លាក់បាំងព័ត៌មានរឿងកម្មករឆក់ខ្សែភ្លើងស្លាប់នៅទីតាំងខ្លួន
ត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
ភ្ញៀវទេសចររុស្ស៊ី៧នាក់ពុលផ្លែឈើព្រៃនៅខេត្ត Surat Thani ប្រទេសថៃ
-
សន្តិសុខសង្គម៥ ថ្ងៃ agoស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ៣ ថ្ងៃ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានអន្ដរជាតិ២ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
សន្តិសុខសង្គម៥ ថ្ងៃ agoថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ៤ ថ្ងៃ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានអន្ដរជាតិ៩ ម៉ោង agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានជាតិ៤ ថ្ងៃ agoសមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ
-
នយោបាយ៥ ថ្ងៃ agoសម្តេចធិបតី ហួសចិត្តដែលលោកស្រី មួរ សុខហួរ និងបក្ខពួកទៅសុំអឺរ៉ុបដាក់ទណ្ឌកម្ម ខណៈកម្ពុជាកំពុងប្រឈមការដំឡើងពន្ធពីអាមេរិក